هل يحق للشرطي ان يقل ادبة على المواطن

[وقاص]

ربي يرحم زمان كنا فيه نعرف الاحترام

الحين بو 20 سنة تمرن له جم تمرين

ولبس البدله وذلنا ذل كأننا عبيد عنده

 

[yes.man]

انا اقصد انه من الظلم ان تكون هناك سلطه لغير الوطني على الوطني لان الوطني لن يقبل ان يمارس عليه شخص مو كويتي سلطات قانونيه في حبسه او اعتقاله او ضربه شنو ها القرارات التعيسه من وزارة الداخليه اذا تبي تشغلهم ودهم الجيش او اي مكان اخر لايمارسون فيه سلطه ضد الكويتيين هذي وجهة نظري وادري ممكن ما تعجب الكثيرين واولهم فيونه لانها راح تتهمني بالعنصريه بس ابي اسم دوله واحده فيها سلطه للاجانب على المواطنين غيرنا وغير دول الخليج وهذا خطا جدا وفادح

------------------------------------------------------------------------------------------
كلامج صحيح 100%100
مودq8 واشوف هالشي كل يوم بعيوني بس لاحول ولاقوه

 

[allure]

هاذا وانتوو كويتين تشتكون شلون لو تشوفون معاملة الشرطة للمقيمين
وطبعن انا لا اجمع كل الشرطة لان فيهم تحطا على الجرح يطيب

 

[Dr.Fantaq]

من يحترم ، يحترم .

 

[القديم 22]

السلام عليكم ورحمة الله وبركاته


ياجماعه الشرطي اخوك واخوي وولدك وولدي يعني عيالنا 0
والخطاء وارد في كل الامور ,,,,,,,,,,, وجل من لايخطئ سبحانه
بس الملاحظه ياشباب ان الكلام اذا طلع عن حدود الموضوع يصير ( ماسخ ) بعني تعميم ان الشرطه كلهم يخطون ويغلطون هذا الكلام غير صحيح 00 الشرطه هم العين الساهره وجزاهم الله كل خير 00 قبل من يمشئ على خط الوفره قبل 30 عام او خط السفر يوحش الخط وغي امن 00 الحين ماشاالله تمشئ وكل دقيقتين مارتك دوريه او سافطه على الخط واذا بنشرت فزعولك واذا استفزعت في موضوع فزعولك 00 ياجماعه الشرطه بشر مثلهم مثل غيرهم معرضون للاخطاء 00 يعني الحين المدني مايخطئ والكاتب مايخطئ والدكتور مايخطئ والمهندس مايخطئ ,, كل الناس فيهم زين وشيم وصح وخطاء بس التعميم ماهو زين وظلم اصلا لما نعمم 0
وتذكر يابن ادم قال الله تعالى (( مايلفظ من قول الا لديه رقيبا عتيد )) 00
صح يصير ظلم من بعض الشرطه وغيرهم بس هم يتحملون ذنبهم يوم لاينفع مال ولا بنون الا من اتى الله بقلب سليم 00 لهم رب يحاسبهم عز وجل
انت ياشرطي او غيرك ( اذا دعتك قدرتك على الناس تذكر قدرتة الله عليك )

 

[q8.1911]

في مشكلة مواجتنا كلنا انه الشرطي لما يكلمنى يتكلم بنفسية جني بايق حلال ابوه شنو الحل وايني الشرطي منفس ويحاول ينرفزني بالكلام يبيني اقولة شي عشان يسحب الاجازه والدفتر انا مرة واحد قعد يغلط علي ولما رحنا المخفر ماخذيت لا حق ولا باطل واقولة خالفني يقولي يعني شنو ولد فلوس انت مادري شنو اقولة خالف يطول لسانة اقولة لا تخالف يقولي شفيك انت يعني واصل وماعندهم الى انا اوريك شلون تكلم الشرطه والمشكلة كلة شرطي ثانوية ماعندة ولا يعرف شلون يكلم الناس شنو الحل نبي حل قانوني شلون اكلم الشرطي عشان الحق يصير معاي لانه والله احنا مشكلتنا انه ما نعرف القانون وشنو حقوقنا وشنو لنا وشنو علينا فيدونا يا جماعه

ومشكورين

السلام عليكم ورحمة الله

اهني القمنده ............................

تدري ليش اخوي تواجه المشاكل مع الشرطه ، لأنك تمر عليه وانت كبران راسك ومستحقره واسمحلي أخوي الغالي على هالكلام وأنا ترى صريح حيل معاك وماراح أجاملك وإن شاء الله تستفيد

أنت تقول كنت رقيب أول وبعدين استقلت ورحت المطافي وصرت ضابط بنجمتين والظاهر إنك معتقد نفسك بالداخلية ولا الدفاع ولا الحرس الوطني وتبيهم يحيونك .... إنت بالمطافي عزيزي ومالك تحية ، وأدري إنك تدري بس مشكلة النجوم تجيب المصيبة في بعض أهلها

عزيزي لكل قاعدة شواذ وأصابعك مو سوى وكل مكان فيه الزين والشين والمتكبر وإلي شايف نفسه على الناس فلا تصير من هالنوع بارك الله فيك

عموما في إدارة بالداخلية إسمها الإدارة العامة للرقابة والتفتيش أنا داومت فيها سابقا فتره بسيطه اهي تقريبا مختصة بين العسكر لكن تقدر تروح لهم وتشتكي على العسكري واهم يطلبونه لك وغالبهم فيه الخير ويجيبلك حقك وأذكر مره بسبب شكوى اطلبو مخفر كامل أفراد الزام مع ضابطهم بعدين جروا رئيس المخفر وبعده استدعوا قائد المنطقة برتبة عقيد وأذكر العقيد حقق معاه المدير كان برتبة عقيد وحنا كلنا كنا اصغر منه رتبه والحجي هذا زمان يوم كانت ادارة مركزية فما بالك الحين واهم ادارة عامة ومرتبطه مع الوكيل مباشرة

أخي العزيز لا تزعل مني ، أذكر مره من المرات فيه تفتيش مريت عليه والي كان يفتش فيه كان عسكري برتبة شرطي وأنا كنت حديث التخرج يمكن مثلك لما وقفت عنده طلعتله هويتي العسكريه ( أنا كنت لابس مدني ) جان يطالع فيها وما مد ايده قال أخوي لو سمحت ما طلبت هويتك العسكرية إجازتك ودفترك لو سمحت جان أقوله اسف وعطيته الإجازة والدفتر وخذاهم وابتسم وعطانياهم وقالي اتفضل ولما حركت منه نقدت على نفسي وقلت يافلان ( أكلم نفسي ) ليش الإحراج هذا جان من الأول عطيته الإجازه والدفتر بلا هالعفرته

والله في الغالب ما أواجه مشاكل معاهم مع العلم إنهم ما يعرفوني ( كنت أعلى منك رتبة ) وعمي كان مدير الأمن كله بالمحافظة ، صج في بعضهم اصغار بالعمر يمكن تحصل منه معاملة مش ولا بد لكن والله بالإبتسامه وبالكلمة الطيبة يستحي منك وحتى لو مارد عليك بوقتها صدقني راح يحسب كلامه مع الناس بعد كلامك له .... زبدة الحجي الشرطه فيهم الزين والشين واحنا فينا الزين والشين ، وابتسامتك في وجه أخيك صدقة ، وأقربكم مني مجلسا يوم القيامة أحاسنكم أخلاقا ... أو كما قال عليه الصلاة والسلام

سامحني يالغالي إن شديت اشوي ......

​

 

[q8.1911]

اسمحلي نسيت ارد على موضوعك

لا يحق للشرطي أو غيره إنه يقل أدبه عليك ولو تمشي بالقانون تجيب أكبر راس وتردعه ويعتبر غيره

لا يحق للشرطي أو الضابط ولو كان رتبته فريق أن يجلس بالدورية وتنزل أنت له والصحيح أن تجلس أنت بسيارتك لما يأتيك شرطي المرور ، وفي حد علمي إنه ما يبطل دبة السيارة إلا بإذن تفتيش من النيابة أو في حالة الجريمة المشهودة

بخصوص نفسية الشرطي هذي في الغالب ما لها حل لأنه بشر ومكانه بالشارع ويتعامل مع الصاحي والمجنون والعاقل والسفيه و..... إلخ ... والصحيح أنك تسلم عليه وتبتسم بوجهه وإذا طلب الإجازة والدفتر تعطيه بدون ما تناقشه بشي ولاتكثر حجي معاه يعني الجواب على قدر السؤال وإذا قالك الجام مكسورة وراح أخالفك قوله حقك أبوي وأنا الغلطان وبإذن الله راح أسويها ... وترى كلها مخالفة خمس دنانير وإحنا الغلطانين ( هذا الكلام تقوله لنفسك مو للشرطي ) وصدقني غالبهم يستحي وما يخالفك وتعطيه دفعه معنويه بأنه يعدل اسلوبه مع الناس إلي بعدك بسبب معاملتك له ... خلك قدوة وأغلبهم من يشوفك كويتي يقولك طوف حتى بدون ما يشوف هويتك وطبعا هذا غلط لكن المسكين والله المقيم ( مو كلهم ) نادرا مايعدي على دورية إلا ما يوقفه ولا تفتيش إلا يصفطه وجرخ بالمخالفات .... لأن غالبهم سياراتهم قديمه وفيها عيوب ، ولأن بعض الشرطه هداهم الله يستجرأ على المقيم ويستحي من الكويتي ....... هذا باختصار​

 

[ابوفيصل2008]

اخوي اعتقد المشكله مو بالشرطي او الضابط المشكله فيك انت ياسائق السيارة عند وقوفك عند نقطة التفتيش تكون مزهب رخصة القياده والدفتر مع ابتسامه خفيفه تمشي الامور حتى لو كنت مخالف ولكن بعض الاخوه يوقف عند نقطة التفتيش مومجهز ولا شئ ويتكلم بنفسيه خايسه ماادري على شنو ليكون العسكري ولا الضابط يشتغل عندك.
والمشكله اذا العسكري اخذ الرخصة والدفتر وقال للسائق وقف على اليمين علشان يحرر له مخالفه يشطط السائق غضبا ويتكلم بعنجهية. يااخي السائق مدام انت مخالف اسكت ولا تتكلم اخذ مخالفتك وتوكل على الله. لاتأخذك العنجهية وتعصب وتغلط راح تكون انت الخسران اخرتها راح تركب الدورية غصبن عنك واذا طلع العسكري طيب يسحب رخصتك ودفترك ويقولك راجعنا عاد روح تمرمط بالمرور او المخفر.
بالعربي اذا كنت مخالف تحمل المخالفه. تأكدوا ياأخوان شفتوا الشخص إلي يطاول على الشرطه داخل ديرته شوفوه اذا سافر دوله ثانية وإستأجر سياره تشوفونه خوش ولد ويتعامل مع الشرطه بكل احترام واسلوب راقي اقولكم ليش لأنه انسان إخاف مايستحي
وبالنسبه للمرأه اذا كانت محترمه وبنت ناس ماأعتقد بطول صوتها على رجال الامن او تشتمهم واذا كانت المرأه غير محترمه وقليلة أدب كلها شخطة قلم(قضيه) ويطلبونها بالمخفر وشوف شنو يصير فيها بالمخفر تقوم تتبجبج وتتأسف.
وبنهاية رجال الامن منكم وفيكم ويطبقون القانون وهم العيون الساهره وانتم نيام

 

[kwaity1978]

يا اخوان شفيكم شبيتوا على الريال الموضوع انه يستفسر في حال ان شرطي قل ادبه شسوي احنا بشر والبشر خطاء

يعني بتفهموني ما في واحد يتجاوز الامور ويسوي نفسه رامبو مو شرطي مع احترامي للاخوان بالسلك العسكري وانا اقولهم يعطيكم العافيه لكن في منهم ما عندهم منطق وهذا موجود

يعني شهاده متوسطه ويبي يصير مركز ما تتوقع في منهم يعاني ويحاول يبين معاناته
وفي منهم رجال والنعم فيهم الي احب اقوله ان اصابعك مو سوا
المهم استفسار الريال على حسب الموضوع اذا قل ادبه الشرطي شنو يسوي ؟

يبلع ريجه يعني ويقوله حاضر عمي !

طبعا في حقوق مترتبه على هذا الامر وما اشوف ان الشرطي مهما كان شايف ان يقلط على الناس

انا اقولكم ولاحظوها معاي

1- دوريه تبي تسفط واحد مو لابس الحزام اخذ الفوظه بالشارع واسم الكلام الي بالمكرفون وبتفهم قصدي

اصفط على اليمين اصفط وبنفسيه واسمعوها لا وتلاقي متأثر بالافلام يعني لاصق فيه والله ان مره دوريه صفطت الي يمي انا اخترعت جنه جيمس بوند مو دوريه

مو جذي المنطق يا اخوان في اسلوب للتعامل

وارد اقول مرات الحق علينا نقلط ونمشي سرعه وما نبي احد يكلمنا لكن بالنهايه القانون محدد في جزائات ومو من هل الجزائات ان يصير نفسيه ترانا اعيال ديره وحده واحنا شايفين الوضع
ونعين ونعاون مو معناته نرضى ان الواحد يطول السانه

استفسار الاخ يقولك اذا طول السانه شنو يصير ؟ شسوي ؟ شنو لي ؟ وشنو علي ؟ اشلون اثبتها ؟ اشلون ااكد على الموضوع

سمعوا السالفه ورحوا سئلوا عنها هذيل 2 يمشون ويصيدون بخلق الله بالدوريه كل ما شافوا واحد لقوه بروحه قالوله انت عندك حشيش والحشيش منهم يحطونه بالسياره طبعا يسون فلم وفي منهم من تحولوا الى المخافر بتهمه حيازه حشيش وفي من يخاف ما يبي مشاكل الى ان اشتبهوا فيهم المباحث وسولهم كمين وبالضبط طاحوا بالكمين لقوا عندهم بطاقات بالهبل وبحشيش وبعترافهم انهم كانوا يستقلون خوف الانسان وياخذون افلوسه عشان لا يحولونه ولا يدش الانسان المخافر والي كان يلبط معاهم يحولونه للمخفر

يعني واحد يسوي جذي بتقولي ما اشتكي عليه ؟ اسلوب مثل هذا ما يصدر

نرجع للسؤال الاساسي هل يجوز ان يقل ادبه على المواطن ؟

شنو يعني يقل ادبه
1- ايمائات
2- الخروج عن العادات والتقاليد
3- اشارات تقلل من الكرامه
4- استهزاء
5- كلام يقلل من قيمه الانسان
ما ادري شنو بعد

المهم يجوز ؟

اذا يجوز قول ليش ؟
اذا ما يجوز هم قول ليش وشنو الحل ؟


بالنهايه الشرطه عين الوطن الساهر واخوانا الابطال الي يعرضون حياتهم للخطر واسرهم تدفع ثم غالي بابتعادهم عن منازلهم اوقات او اهم يدفعون ثمن الراحه والابتعاد عن الابناء انا اقول يا عين الوطن وحماها ديروا بالكم علينا ترانا اهل الكويت اقلوبنا عليكم

اخوكم بو يوسف

 

[ابوفيصل2008]

يا اخوان شفيكم شبيتوا على الريال الموضوع انه يستفسر في حال ان شرطي قل ادبه شسوي احنا بشر والبشر خطاء

يعني بتفهموني ما في واحد يتجاوز الامور ويسوي نفسه رامبو مو شرطي مع احترامي للاخوان بالسلك العسكري وانا اقولهم يعطيكم العافيه لكن في منهم ما عندهم منطق وهذا موجود

يعني شهاده متوسطه ويبي يصير مركز ما تتوقع في منهم يعاني ويحاول يبين معاناته
وفي منهم رجال والنعم فيهم الي احب اقوله ان اصابعك مو سوا
المهم استفسار الريال على حسب الموضوع اذا قل ادبه الشرطي شنو يسوي ؟

يبلع ريجه يعني ويقوله حاضر عمي !

طبعا في حقوق مترتبه على هذا الامر وما اشوف ان الشرطي مهما كان شايف ان يقلط على الناس

انا اقولكم ولاحظوها معاي

1- دوريه تبي تسفط واحد مو لابس الحزام اخذ الفوظه بالشارع واسم الكلام الي بالمكرفون وبتفهم قصدي

اصفط على اليمين اصفط وبنفسيه واسمعوها لا وتلاقي متأثر بالافلام يعني لاصق فيه والله ان مره دوريه صفطت الي يمي انا اخترعت جنه جيمس بوند مو دوريه

مو جذي المنطق يا اخوان في اسلوب للتعامل

وارد اقول مرات الحق علينا نقلط ونمشي سرعه وما نبي احد يكلمنا لكن بالنهايه القانون محدد في جزائات ومو من هل الجزائات ان يصير نفسيه ترانا اعيال ديره وحده واحنا شايفين الوضع
ونعين ونعاون مو معناته نرضى ان الواحد يطول السانه

استفسار الاخ يقولك اذا طول السانه شنو يصير ؟ شسوي ؟ شنو لي ؟ وشنو علي ؟ اشلون اثبتها ؟ اشلون ااكد على الموضوع

سمعوا السالفه ورحوا سئلوا عنها هذيل 2 يمشون ويصيدون بخلق الله بالدوريه كل ما شافوا واحد لقوه بروحه قالوله انت عندك حشيش والحشيش منهم يحطونه بالسياره طبعا يسون فلم وفي منهم من تحولوا الى المخافر بتهمه حيازه حشيش وفي من يخاف ما يبي مشاكل الى ان اشتبهوا فيهم المباحث وسولهم كمين وبالضبط طاحوا بالكمين لقوا عندهم بطاقات بالهبل وبحشيش وبعترافهم انهم كانوا يستقلون خوف الانسان وياخذون افلوسه عشان لا يحولونه ولا يدش الانسان المخافر والي كان يلبط معاهم يحولونه للمخفر

يعني واحد يسوي جذي بتقولي ما اشتكي عليه ؟ اسلوب مثل هذا ما يصدر

نرجع للسؤال الاساسي هل يجوز ان يقل ادبه على المواطن ؟

شنو يعني يقل ادبه
1- ايمائات
2- الخروج عن العادات والتقاليد
3- اشارات تقلل من الكرامه
4- استهزاء
5- كلام يقلل من قيمه الانسان
ما ادري شنو بعد

المهم يجوز ؟

اذا يجوز قول ليش ؟
اذا ما يجوز هم قول ليش وشنو الحل ؟


بالنهايه الشرطه عين الوطن الساهر واخوانا الابطال الي يعرضون حياتهم للخطر واسرهم تدفع ثم غالي بابتعادهم عن منازلهم اوقات او اهم يدفعون ثمن الراحه والابتعاد عن الابناء انا اقول يا عين الوطن وحماها ديروا بالكم علينا ترانا اهل الكويت اقلوبنا عليكم

اخوكم بو يوسف

قصة عجيبه والله تصلح فلم هندي
انا بالداخلية ماعمري سمعت هالقصة نهائيا ولا بالخيال...
يمكن انت شايفها بفلم هندي وعبالك صج صايره القصة بالكويت

 

[khaled_y]

اولا :- بقول ان بعض رجال (ونساء عشان مايزعلون )الداخلية..ينحط على الجرح يبرى...
ثانيا :- المشكلة في كل مكان بالكويت ممكن يحط عليك واحد ماتخلص شغلك بسهولة (وهذه على فكرة اهانة ) لان فيها تقليل من شأن المواطن و المقيم

بالنسبة لموضوع الاخ والي اشوفه تشعب وانا بعد بتشعب معاكم لان الاخ الي فتح الموضوع قاعد يسئل وين يروح يعني وين يقدم شكواه (يعني بالعربي " على راي ام كلثوم اروووح لمين وئووول لمين ينصفني منك ) اووه سوري طلعت بره
المهم :-الحل هو :
1- وضع اجهزة مراقبة على الشرطة ( كاميرات بالدوريات ) والي ماعنده كامره ماله حق يخالف او يوقف مواطن ولا زم يكون في تسجيل للواقعة في كامرات الشرطة ...
2- اعطاء الشرطة دورات تدريبية في مادة العلاقات العامة وتعليمهم بشكل مستمر كيفية التعامل مع الجمهور
3- الي تكثر عليه الشكاوي يجب التحقيق معاه ومعاقبته
4- التدوير المستمر للاعضاء المنتسبين لوزارة الداخلية (يعني لايصيرون في مكان واحد لفترة طويلة وهذا الكلام لازم يكون على جميع المستويات مو بس الافراد )

 

[محمد11]

الموضوع كبر عندكم
ترى في اي بلد تحصل نوعيات من الشرطه
فيه اللي يسامحك حتى لو تغلط عليه وفيه الاقشر اللي عالباله انت بايق حلاله او ذبح ولده
المهم انا اقول ( ابعد عن الشر وغني له ) الا اذا كنت قبسه تحمله
تقبلوا مروري

 

[kwaity1978]

قصة عجيبه والله تصلح فلم هندي
انا بالداخلية ماعمري سمعت هالقصة نهائيا ولا بالخيال...
يمكن انت شايفها بفلم هندي وعبالك صج صايره القصة بالكويت

الظاهر منعزل بالداخليه

اخوي ما تقرى بين فتره وفتره في شخص بالداخليه مثلا بائع خمور او عنده مخدرات !!او القبض عليه بتهمه معينه مخله بالامانه او الشرف !

اولا اشكرك لانك قريت كلامي والظاهر حبيت يكون فلم
اذا ما سمعت فيها مو شرط تعرفها تشتغل بالداخليه وبتعرف كل شي قولي اخوي مافي من العاملين بسلك الشرطه من كان بلا امانه ؟ والا انا بس اشوف افلام هنديه والي بالشرطه كلهم 100%

عموما القصه من احد الاخوان بسلك المباحث والرجال توه متقاعد وكنا نسولف عن عوار القلب والبلاوي الي يشوفها اذا كان شايف فلم او لا الرجل اصلا كان يشتغل بهذا السلك واهوه ابخصواذا تبي تلفونه تسئله انا حاضر اعطيك اياه وانت ابخص بس راسلني على الخاص عشان تتأكد من القصه يمكن تتحول بعدها فلم
ونرجع للموضوع الاساسي عشان ما يصير لخبطه بالافكار
لاتقولي سلك الشرطه كله 100% ومافيه متجاوزين وكان من الافضل مدام تشتغل بالداخليه تنورنا بالردود على من تجاوز صلاحياته من رجال الامن وشنو الحل معاه وجزاك الله خير وعيدك مبارك

 

[kwaity1978]

اولا :- بقول ان بعض رجال (ونساء عشان مايزعلون )الداخلية..ينحط على الجرح يبرى...
ثانيا :- المشكلة في كل مكان بالكويت ممكن يحط عليك واحد ماتخلص شغلك بسهولة (وهذه على فكرة اهانة ) لان فيها تقليل من شأن المواطن و المقيم

بالنسبة لموضوع الاخ والي اشوفه تشعب وانا بعد بتشعب معاكم لان الاخ الي فتح الموضوع قاعد يسئل وين يروح يعني وين يقدم شكواه (يعني بالعربي " على راي ام كلثوم اروووح لمين وئووول لمين ينصفني منك ) اووه سوري طلعت بره
المهم :-الحل هو :
1- وضع اجهزة مراقبة على الشرطة ( كاميرات بالدوريات ) والي ماعنده كامره ماله حق يخالف او يوقف مواطن ولا زم يكون في تسجيل للواقعة في كامرات الشرطة ...
2- اعطاء الشرطة دورات تدريبية في مادة العلاقات العامة وتعليمهم بشكل مستمر كيفية التعامل مع الجمهور
3- الي تكثر عليه الشكاوي يجب التحقيق معاه ومعاقبته
4- التدوير المستمر للاعضاء المنتسبين لوزارة الداخلية (يعني لايصيرون في مكان واحد لفترة طويلة وهذا الكلام لازم يكون على جميع المستويات مو بس الافراد )

والله افكار طيبه وتستحق انا اظم صوتي معاك واقول يجب ان يكون ايضا هناك جهاز اداري للتحقيقات الداخليه يظم افراد يتابعون هذه الاجهه ويشتركون فيها ويكتبون تقارير عنها يتم من خلالها اكتشاف التجاوزات والاخطاء ويظم ايضا ناس مهمتهم متابعه الاوراق ورؤيه مدى التظلمات او الطعن او القضايا والتحويلات القانونيه لمعرفه مدى صدق من قام بها من جهاز الشرطه يعني يشوف هذا الي بالشرطه يتبلى على الناس او لا ويتابعونه مو تاركينه على كيفه لان في اماكن لايمكن وضع كامرات مراقبه فيها وممكن تسبب ظرر للمواطن و للمجتمع اذا كان فيها من يتجاوز حدوده المهنيه

 

[LOBSTER]

السلام عليكم

اخواني حل مشكلة المخالفات ونفسية الشرطي بالاقوال

اذا انت صج مخالف وشايف نفسك سويت شي يستحق المخالفه

لازم انك توافقه الرأي من غير مجادله

لاكن اذا يلف ودور ويبي ينرفزك علشان يسحب الدفتر ولا الاجازه

اهني اتحكره لمن يقولك اقوالك انت اترد عليه ابكل بساطه وببتسامه عريضه قوله ,,,,,,,, سجل خلاف سابق ,,,,,,,,,

والله انه يبوس ايدك علشان اتغير اقوالك وخلاف سابق على مخالفه يعني فيه سين وجيم وبهذله حق الشرطي

اخذوا نصيحتي بس من غير تبلي وشي انا جربته

واسف على الاطاله

 

[general]

ياريت من الاخ لوبستر يوضح معنى كلمه سجل خلاف سابق
اما بخصوص تعليقي وانا ما احب الكلام الزايد بلا معنى
اولا في رجال شرطه على العين والراس , لكن وايد اشوف هل حركه واتمنى من الاخوان التقييد بالقانون للاسف الشديد الدوريه تصفط السياره وانت تنزل له واهو قاعد بالدوريه ليش ؟؟؟ هذي مخالفه للقانون , لان الاصل ان الشرطي ينزل لك ويي لي عندك ويخالف وانت قاعد بسيارتك بدون ماتنزل من سيارتك مهما طلب منك هل شي ومثال حقيقي انا صفطتني دوريه ومانزلت من السياره واهو قاعد بالدوريه ينطر انزل له تخيلوا قاعد بالسياره 10 دقايق واخر شي طنقر الشرطي وكلمني بالمايك انزل من السياره وانا ما انزل له نهائيا جان ينزل لي معصب وتلاسن معاي بالكلام وقط علي كلام وتهديد وانا بكل ابتسامه قلت له بصوت واضح ومؤدب القانون يقول انا اقعد بسيارتي وانت تنزل من الدوريه تخالفني وتي لي عندي , اما تقعد بسيارتك وتصارخ بالمايك هذا تسويه لمن تروح لبقاله وتخلي البائع يطلع لك ويب لك زقاير وكرت تلفون , وقام يكمل غلط بالكلام وانت تعلمني القانون وانت وانت وانا ساكت المهم سحب الدفتر والليسن , بكل بساطه رحت للتحقيق ويابوا الشرطي وقال اني شتمته وسالفه ناداني بالمايك جذب وان اهو نزل لي ماقمت ابطل الجام والخ,,, من الكذب طبعا انا ساكت وابتسم والمحقق قال شنو ردك تدرون شسويت بحركه وحده بإيدي خليت عقبها الشرطي يحب راسي وخشمي ؟؟؟
اخوكم جينرال اول ما صفطه الشرطي بطل كاميرا تلفونه وسجل من الالف الى الياء وشغله عند المحقق . وطلع الشرطي جذاب وانا الصح
لكن للأسف الشديد ان هذي مو طريقه مثاليه وحل للمشكله بل اعترف ان حركتي هذي يسويها الواحد في بلد مافي قانون ودوله بوليسيه مو كدوله مثل دوله الكويت لكن للأسف ما باليد حيله ولا سبيل لحل اخر
يا اخوان بالختام اقول هدف الشرطي السيء شيئين فقط لا ثالث لهما
1- ينرفزك ويبيك تقط عليه كلام ويخالفك .
2- انك تنزل له وتروح لي عنده واهو قاعد بسيارته .

كونوا رجال ولاتخافون لكن تكون تحت حمايه القانون مو تحت حمايه لسانك وعضلاتك .

واخيرا للأسف كثير من شباب الكويت وريايل الكويت ان شاف فلشر دوريه وصراخ بالمايك يقعد يقط ألوان ويعرق وبنفس الوقت يسوي روحه زلم

 

[zinger]

هههههههههههههه
هالحجي تتكلمون عالكويتيين شلون يعاملونهم الشرطه وخاصه الأرقام وأنت رايح
عيل شلون لو تشوف التعامل ويا المقيمين ، والله في شكاوي لوتصل وزارة الداخليه جان راحوا فيها الشرطه .
لا وأبشركم الحين دفعات الشرطه الجديدة م اخوانكم المقيمين يعني من العرب واللي امهم كويتية يعني تشوفون كل خير .

 

[sound blaster]

يجماعه ربعنا طيبين عطه كلمتين حلوين .. مع إبتسامه .. تلقاه بيطقها سوالف وياك ... وبيمشيك

المصيبه لما تطيح بيد واحد أنت متهاوش معاه من زمان .. ولقى الفرصه الي ينتقم منك ..

من المواقف المضحكه ... مريت تفتيش .. ولما وصل دوري طقها الشرطي سوالف معاي ..

قال اخوي انت ساكن بالمنطقه الفلانيه قلت اي .. قال تعرف فلان؟

قلت أي يصير لي ومن قرايبنا ..

قال أوكي ؟

والله العظيم صفطني وقعد نص ساعه يفتش السياره حسبي الله عليه ههههه مادري شمسوي له هذاك .. وحط حرته فيني...

اهم شي ياجماعه بالتفتيش خلك ريلكس وركب حزام الأمان ومحد يقدر يسوي لك شي

 

[a7mado0]

حسبي الله ونعم الوكيل ياجماعه الخير انا اخوي صارت فيه عقدة نفسيه منهم والله الحين ثلاث شهور مو طالع من البيت بسبتهم والله شاهد على كلامي تدرون ليش مره كان رد للبيت وقفته دوريه اخوي عمره 18 سنه وقفوه وقالوله انزل ولمن نزل قاله شعندك لبس شماغ قاله لبس شماغ ليش ممنوع قاله انزل ونزله وفتش سيارته وفتش بوكه وفتش تلفونه وشاف الصور ولن قاله لا تفتش التلفون في صور حق اهلى قاله شكلك تبي تتحول للمخفر وتقل ادبك ها وحوله للمخفر ودش المخفر والله العضيم والمصحف الكريم يقول اهانه مو طبيعيه صارت يقول احس اني بلحم مادري شنو صار وليش انا بلمخفر المهم سال ولد حلال فيهم قاله ليش كل هذا قالوله يقلون انك نااااااااااااااااااااااااااااااااااااااااااااااااااااااااااااااااااعم يقول القهر شلون ناعم بأي حق يقلون عني جذي لمهم بعد كل هذا وكل الى صار طلعوه بعد ما انتهى الزام مالهم ومنها حرم يطلع لشارع لانهم طعنو برجولته حسبي الله ونعم الوكيل والله للحين مو عارفين شلون نعدل نفسيته ولا نخليه يرتاح

 

[the]

ارفع قضيه على اخوااااااااات الق********** الي سوو جذي في اخوك


لو انا ورب الكعبه اترصد للي سوه جذي وبعد سنه ارمي بفرد ولا بعد 20 سنه يطلعوني لو كان المسؤول العود فيهم يموت يعني يموت

اخخخخخخخخخخخخ وخاصتا اذا عرفت ان هذا الفلان بسافر اقتله بره و تنتهي المهمه ؛)


وما يطلعوني لان ما بيني و بينه شي و لا تصالات و لا شي نهائيا يربطني فيه


اخخخخخخخخخ قهرتني المفروض العايله تجتمع و تكسرهم الي طعنو في اخوك ولا اكبر راس يتكلم والله



هذول بس فيهم رجوله على المساكين و المقيمين

بس على فكره يقولك مقيم سايق عنده بنتلي ما ادري روز رايز طبعا كفيله عود الله يعلم منو بينصك مخالفه حان يشرشح الشرطي

الشرطي زين ما مص شسمونه عشان يسامحه هالمقيم شوفو انه في بعضهم مو رياييل بس على المقيمين و المساكين