شركة دار الثريا العقارية ش.م.ك مقفلة ( ثريا )

سوق الاوراق · 9 أغسطس 2020

سوق الاوراق قال:
السلام عليكم

الاقفال السابق ٧٠.١ فلس الاقفال اليوم ١٢٨ فلس ...

ارتفاع ٥٧،٩٪

الف مبروك لملاك السهم .
شنو سبب هذا الصعود الصاروخي .؟

هل السبب ///// افصاح عن رغبة المسيطر (شركة المدار للتمويل والاستثمار) عن شراء نسبة في شركة (ثريا)

السلام عليكم

في احد مزعلهم :mad:

شركات دايخة و لعب بلعب ،،،،

كميات تفطس من الضحك ٩ الاف سهم والنزول ٥١ ٪ بلحظة المشاركة ...

بالله عليكم هذا شغل .....

ارجو من الهيئة الانتباه والتحقق من سبب النزول قبل الاعلان ... اذا الشركة خسرانة او حكم المحكمة مو من صالحهم .
يجب محاسبتهم باشد العقوبات ....

سوق الاوراق · 9 أغسطس 2020

سوق الاوراق قال:
السلام عليكم

في احد مزعلهم

شركات دايخة و لعب بلعب ،،،،

كميات تفطس من الضحك ٩ الاف سهم والنزول ٥١ ٪ بلحظة المشاركة ...

بالله عليكم هذا شغل .....

ارجو من الهيئة الانتباه والتحقق من سبب النزول قبل الاعلان ... اذا الشركة خسرانة او حكم المحكمة مو من صالحهم .
يجب محاسبتهم باشد العقوبات ....

السلام عليكم

يجب على الهيئة التحقق من سب نزول السهم ....
اذا تبون العالمية ..... والعالمية فعل مو حجي ...!!!!

سوق الاوراق · 10 أغسطس 2020

السلام عليكم
الواحد يقعد من الصبح متفائل يشوف سوق حلو ومنعش . ويضبط نفسه بكوب شاي او كوفي مع كروسان
يفتح الماك ويطالع الاخبار ويشوف احوال الدنيا لين يفتح السوق ...
السوق اذا بلش ويشوف تداول تحول عيونك من هول الصدمات شركة مثل هذه الشركة دار الثريا ...
شخص عنده الف دينار يبهذل ١٤ مليون دينار ويلعب باعصاب الملاك الصغار ويحطمهم شر تحطيم ...
العجيب ناس قاعدة فوق على كراسي وثيرة وفخفخة ما يطالعون تحت ...يقولون شنو عنده سوق الاوراق ماعنده سالفة ..
بالقانون مسموح هكذا تداول واللي قاعد يسوي جذي ماطلع شي من عنده قاعد يشتغل وفق القانون .... !!!!
كيفه خله يسوي اللي يبيه انت يا سوق الاوراق شكو وليش قاعد تحن وتقول على الهيئة التدخل ووقف هذه المهازل ؟
يا اخي سوق الاوراق روح ماعندك سالفة هذا قاعد يشتغل وفق القوانين .... علبالك احنا فاضيين حق شغلات مثل هذه عندنا شغل وايد ،،،،،،
انزين شنو شغلكم ؟
مو شغلك اقلب ويهك
اشسوي اشق اهدومي مثلا ولا اسكر الجهاز ....
شوية خردة تتحكم بملايين الدنانير وفق القانون ......!!!!!!!؟؟؟؟
الثريا عبارة مجموعة من الليتات معلقة تنور او مجموعة كواكب شغلها بالسوق يطفون ويشغلون الليتات ... واللمبة اللي تحترق يا تتبدل يا تنكسر وتنقط للابد .............!!!!!!

نواخذة الكويت · 13 أغسطس 2020

خبر خاص حق الأخ بويوسف سوق الأوراق

علشان يلعن خيرهم اللي ما يستحون :mad:

تراجع الإيرادات يُقلص أرباح “دار الثريا العقارية “

2020/08/13 السياسة

أظهرت البيانات المالية لشركة دار الثريا العقارية تراجع أرباح الشركة في النصف الأول من العام الجاري بنسبة 85% على أساس سنوي.

وبحسب نتائج الشركة للبورصة بلغت أرباح الفترة 92.27 ألف دينار (302.24 ألف دولار)، مقابل أرباح الفترة نفسها من 2019 بقيمة 613.19 ألف دينار (2.01 مليون دولار).

وقالت الشركة في بيان للبورصة إن تراجع الأرباح خلال فترات المقارنة يعود إلى انخفاض إيرادات التشغيل، وتراجع صافي إيرادات التأجير، وهبوط الربح من بيع عقارات استثمارية.

وأوضحت الشركة أن النصف الأول من العام الحالي شهد زيادة في خسائر غير مُحققة من موجودات مالية بالقيمة العادلة، وزيادة مُخصص الخسائر الائتمانية المتوقعة.