اختكم تبي النصيحة شرايكم ...

[Shima]

اقسم بالله مره كتبت موضوع ومحد رد عليه الاثنين من الاعضاء للاسف

اي والله شفتك فاتح موضوع بس كنك صرت ذكي ,,

هم اقول امزح ,,

 

[اشتراكي]

يبا الكلام للجميع

السوق شبع نزول وكل اللي تحت 100 فلس بيرد يرتفع

اتوقع نهاية السنه

السالفه مو شطاره بس هذي اسهم العمام باعوها علينا فوق

وردو جمعوها من عندنا تحت

ويردون يطلعونها فوووووق

والا ماتقولون لي شلون يصيفون بزلمسي وماربيا والبرتغال وعيالهم شلون

يدقون المواتر بو خمسين وستين الف ؟؟

اكيد من فلوسنا احنا ملح السوق على ما يقول سامي البدر رحمه الله

 

[R-W-H]

السلام عليكم

هذي أول مشاركة لي معاكم واتمنى القى منكم تفاعل ...


أنا أعرف بالاسهم بس مو ذاك الزود يعني أطقطق ...

وعندي ألفين ...

فكرت أحطهم وديعه لاني مو محتاجتهم الحين ...

بس غيرت رايي وقلت ودي أحطهم بشركة منا القابضة أشتري وحده 2500 سهم


وأطول بالي ومتى ماارتفعت أبيع ... يعني ماعندي مشكلة لو انطر سنتين

لاني جربت حظي من قبل بشركة زين وطلعتلي مبلغ حلووو

صح ان مو كل مره تسلم الجره بس قلت مبدئيا شركة مضمونه وانا اهم

شي عندي تكون الشركة عندها سمعة خاصة وانها بادية بمشاريع

ادري ان البيع والشراء مسوؤليتي بس ابي اسمع ارائكم ؟؟

لاتبخلون علي جزاكم الله خير

اختي انا اقول حطي المبلغ بشركه قياديه احسن مثل بيتك وزين واجيليتي بس لازم تراقبين السوق عدل اذا اعطى اشارة خروج ام لا تحياتي لج بالتوفيق

 

[أسيرة الايام]

وألله أخوانى صج دمكم خفيف وردودكم عجيبة . وحنة الحريم ترى مانسوا بدونكم ولا تنسون أنكم أنتو لأخ والأبو . ولأبن عسى ربى يحفظكم ويديمكم حق خواتكم . وعساكم من عوادة

 

[Trillion]

شخصياً اشوف بيتــــــــــــك وشركه المخازن ( اجيليتي ) هشركتين راح ايكون لهم ارتفاع قريب

500 فلس فوق سعره الحالي بس المبلغ لي تمتلكينه ما ينفع الا كسر مو وحده

واذا تبين سعر رخيص وله مستقبل شركه الصفاه الاستثمار

وبالتوفيق يا رب

 

[الهطلاني]

حناااااااا حاظرين حق خوتنااااا المضاربات الجدد

 

[الهطلاني]

اتمني من مشرف المنتدي تجديد الصفحه للاهميتها

 

[السور]

عندى 3 مارين بالفريج يبون يشاركون برايهم ! ممكن ؟

 

[الطير القطامي]

عندى 3 مارين بالفريج يبون يشاركون برايهم ! ممكن ؟

ممكن وضيف لهم سواق جيرانا العتبان مع راعي الغاز اللي

ورا شارعنا

 

[الهطلاني]

انصح في الاكتاب للمشاركة في الموضوع

 

[AL-mutairi]

ما شاء الله الشباب فزاعه
مع ان المبلغ 2000 لو 20000 ألف جان شسويتوا


بلى منا و خواتها
و أخذي لج شركه قويه مثل البنوك أو أجيلتي و غيرهم من الشركات القياديه


و موفقه يا رب​

 

[أسد سليمان ملك]

اتمني من مشرف المنتدي تجديد الصفحه للاهميتها

ترى والله عيب هالكلام الي قاعد تستهزء

اما قل خيرا او السكوت ذهب

 

[الهطلاني]

والله حاضر وانا اسف اذا اعتقدت اني مستهزء وحشه لله غير ذلك لكن الموضوع اخذ اكثر من حقه

وليش مارديت عليه لانك انت اول واحد اخطاءت في الرد هي تقول ابشتري وحده 2500 سهم ومنا القابضه وحدتها 10 الاف شلون طافت عليك وعلقت يالمميز

 

[أسد سليمان ملك]

والله حاضر وانا اسف اذا اعتقدت اني مستهزء وحشه لله غير ذلك لكن الموضوع اخذ اكثر من حقه

وليش مارديت عليه لانك انت اول واحد اخطاءت في الرد هي تقول ابشتري وحده 2500 سهم ومنا القابضه وحدتها 10 الاف شلون طافت عليك وعلقت يالمميز

ان مميز بمعرفتكم


بس بالاساس لو تقرى كلامي ما اهتميت بالفلوس اكثر من الشركه

اقره كلامي عدل تفهم المقصود

 

[الهطلاني]

اقسم بالله وفي هذا الشهر الفضيل انك كبير في اخلاقك يااسد سليمان ملك وانت مميز في قلوبنا وانا اسف جداااااا اذا كنت ضايقتك او تضايقت من ردودي علي الموضوع وارجوو تقبل مروري يا استاذي واخي الكبير اسد سليمان ملك

 

[أسد سليمان ملك]

اقسم بالله وفي هذا الشهر الفضيل انك كبير في اخلاقك يااسد سليمان ملك وانت مميز في قلوبنا وانا اسف جداااااا اذا كنت ضايقتك او تضايقت من ردودي علي الموضوع وارجوو تقبل مروري يا استاذي واخي الكبير اسد سليمان ملك

ماعليك زود يالغالي

بالعكس فرصه سعيده بمعرفتك
تحياتي لك وعسى الله يبارك فيك
ومبارك عليك الشهر

 

[الهطلاني]

علينا وعليك يتبارك يااخي العووووووووووود

 

[الطير القطامي]

لا تكبرون الموضوع ياشباب كلنا كنا نتغشمر

وابدا محد قصد انه يتهكم على الاخت لأنا كلنا اول ماابتدينا مع السوق

كنا نسال ونطلب النصايح مثلها,,:d

 

[أبو عمر]

بيتك مرتفع 60 فلس
وصفاه طاقه مرتفع 2 فلس
قلنا لج خوش نصيحه من الأخ فنان999
والوقت ما زال متاح للشراء فيهم فهذي بداية الصعود ان شاء الله

يا جماعه احنا شي يهمنا السائل واحد والا وحده !
مشاركاتنا لاثراء الموضوع فقط