مواقف حصلت لاعضاء المنتدى ..اذا دشيت لازم تشارك

NoOoOoR

عضو نشط
التسجيل
18 أغسطس 2008
المشاركات
10,667
الإقامة
الكــويـــت....:))
موقف حصل لي وما انساه
كنت في زوارة بيت خالي وعقب الغدا قالت لي اختي وديني الجمعيه
قلتلها اوكي وطبعا يوم الزواره ماشاء الله البيت ثلاث ارباعه يهال
طبعا سمعوا عيال خالتي وطلبوا يروحون معانا وقلت يالله ميخالف
واسحبوا معاهم اثنينه من اليهال يعني تتصورون كم طفل معاي
بالجمعيه ::verymad:: 6 اطفال اربع اولاد وبنتين الله يحفظهم
اكبر وحده فيهم اختي بالمرحله المتوسطه والباقي اقل من عشر
سنوات :eek: واول ما دشينا الجمعيه والله ما شفت ولا واحد فيهم:eek:
ما ادري شلون اختفوا :mad: وتوهقت شلون ادورهم :confused:
قررت انطرهم عند الكاشير :( وعقب ساعه رجعوا يتمشون وكل واحد
حاط له عربانه صغيره وتارسها كاكاو وعصير وغيره ....:cool:
طبعا زفيتهم بالسياره وحضرتهم يضحكون .... وحرمت اوديهم مره
ثانيه ....:);)
 
التسجيل
25 سبتمبر 2008
المشاركات
813
الإقامة
الكويت
احنا مجموعة شباب نحب كشتات الربيع الخفيفة يعني تاخذ عدتك وتدش داااااخل البر وتقعد لا خيمة ولا شي ودايما تصير فينا مواقف (مو قايلك طاش ما طاش) :D المهم ذاك اليوم كان الجو حلو تقريبا على آخر الربيع اخذنا عدتنا وطلعنا (احنا اربعة) ورحنا صوب (جبد) نزلنا من القار ودخلنا بر لين شفنا مكان زين فرشنا وقعدنا وبعد السوالف والجاي والقهوة وذاك الشوي الزين الشباب تسدحو وذيك الليلة ما كانت قمرة يعني ياااالله تشوف حولك المهم توني حاط راسي واسمع صوت خرخشة عند اذني قلت بسم الله الظاهر انه جربوع :confused: ولف راسي واشغل اضاءة التلفون ولا الصوت من تحت الجيس اللي كنا حاطين فيه اللحم سمّيت وخرت الجيس ولا ششوف!! :eek: حية (أم قرنين) او يسمونها (ام جنيب) لأنها تمشي على جنب وهذي صورة لها:

2616600884_8ff5ccb9c0.jpg


وهي سامة جدا لكن الله ستر (بيني وبينها شبر بس) المهم رجعت شوي شوي لأن حسب علمي الحركة المفاجئة تثيرها لين بعدت وربعي يطالعوني شفيك :confused: قلت بصوت واطي (حية تحتنا) هم يحسبوني اتغشمر لكن يوم شافوني بعدت قالوا لا السالفة صج عاد الله يهداهم قاموا مثل الحصن :p الحين المشكلة ما ندري وين راحت الدنيا ظلمة المهم خذينا لفة طويلة لين وصلنا السيارة شغلنا وبطلنا الليت وقربنا ولا هذي اهي تمشي فوق اغراضنا لين وخرت شوي وندوسها والحبيب يروح ويرد عليها يبي يتاكد انها ماتت قلنا بس يا معود لو انها الأناكوندا جان ماتت من زمان :D قال خلوني ابرد حرتي فيها بغت تذبحنا :mad: قلتله قل لن يصيبنا الا ما كتب الله لنا واحنا الحمدلله قبل لا نقعد قرينا المعوذات ودعاء نزول المكان المهم الشباب ياهم وسواس وخلو الفرش والحمدلله لو ان صاير شي بوسط هالبر وين تروح :( نسأل الله العفو والعافية

نصيحة:احرصوا يا جماعة على المعوذات والأدعية في كل مكان بارك الله فيكم​
 

NICK

عضو نشط
التسجيل
23 سبتمبر 2007
المشاركات
2,071
الإقامة
kuwait
تسلمون على المشاركات

:)
 
التسجيل
25 سبتمبر 2008
المشاركات
813
الإقامة
الكويت
مرة كنت في الأردن وتعرفت على واحد اردني من بدو الجنوب عنده خبرة بتخليص المعاملات المهم كان يمرني ساعات بالشقة نقعد نسولف ذاك اليوم مرني بالليل قلتله حياك الله تفضل قال بس معاي شباب من جماعتي توهم واصلين عمّان قلتله دخلهم حياهم الله المهم دشو وقعدنا نسولف شوي ولا واحد داش الشقة ومعاه خياش كبار قلت حق صاحبنا شعنده هذا قال الظاهر هذي اغراضهم قلتله ادري اغراضهم بس شنو فيها :confused: قال الصراحة بيني وبينك هذي أسلحة!! شنو :eek: اي نعم هذي اسلحة يبون يبيعونها بعمّان والله رحت بطلتهم ولا رشاشات وذخيرة ناديته بالغرفة وقلتله الحين ربعك يمشون :mad: قال بس شقولهم قلتله مو شغلي تصرف معاهم والله مشو كلهم

الأخ بيحط اسلحة عندي وانا ملتحي بعد بس (ارهابي) والله اروح ورى الشمس :D
 

NICK

عضو نشط
التسجيل
23 سبتمبر 2007
المشاركات
2,071
الإقامة
kuwait
ههههههههه المركز المالي عادي جان دشيت وياهم بالصفقه . وطلعتلك فلسين احسن من البورصه وعلى قولتهم اضرب واهرب
 
التسجيل
25 سبتمبر 2008
المشاركات
813
الإقامة
الكويت
هههههههههههههه والله ياخوك خسارة البورصة ولا خسارة العمر

المواقف كثييييييييرة بس المشكلة في الكتابة يعني لو في برنامج يكتب عني وانا اتكلم
 

NICK

عضو نشط
التسجيل
23 سبتمبر 2007
المشاركات
2,071
الإقامة
kuwait
اي ماقصرت

كتبت انت على الاقل افضل من الي ماكتب
 

دنياء غريبه

عضو مميز
التسجيل
5 يناير 2009
المشاركات
12,840
عندي عيالي اصغار تهاوشوا ويا بعض واحد يسب
الثاني ويقوله العن ابوك ويرد الثاني يقوله العن ابوك انت
ومعصبين وطولوا كل واحد يبجي يقول لا تسب ابوي
والثاني يرد عليه انت لاتسب ابوي
المهم حليت لهم المشكله وقلت لهم العن ابوكم اثنينتكم بس فكونا​

بس موكـان ابوهم هو انت ..!!
:cool:
هههههـ والله عيالك يضحكوون مررهـ <كل وآحد يفكر ان يسب ابو ثاني

مايدرون انهم ثانينهم من أب وآآحد :D:p

قلم انت كاملـة السالفه وسبيت روحك :p<الله يهديك :D
 

دنياء غريبه

عضو مميز
التسجيل
5 يناير 2009
المشاركات
12,840

زمـان في مــرحــلـة من الدرآسه ..

كنـا إذا عندنا حصص فاضييـه نجتمع البنات ونلعب لعبة الصرآحه

المهم : جاء رآس العلبه على وحدهـ تسأل وزوآية العلبه ثانيه تجواب

سألت البنت : قالت لها اقولك بصرآآحه عن معالم وجهك وماتزعلين ..!!

قالت البنت : لا مازعــل قولي

قالت اللي تسأل : انتي وجهك دآئــري الشكل

قالت له : وين نصف القطــر

انا : خلاص جالسـة اضحك عليهم من قلب وقلت انتو خفيفة دم :D:p

قالت وحدهـ منهم : ليه قياستها ..!!

والله جالسـة اضحك عليهم حنـا والبنات الله يذكرهم بالخييـر


بس من جد توحفهـ وفله هالبنتين وجهك دآئري ..!! وين نصف القطـر :D:p



.
 

قلم حر

عضو مميز
التسجيل
29 مايو 2004
المشاركات
26,415
الإقامة
الكويت بلد الاصدقاء
بس موكـان ابوهم هو انت ..!!
:cool:
هههههـ والله عيالك يضحكوون مررهـ <كل وآحد يفكر ان يسب ابو ثاني

مايدرون انهم ثانينهم من أب وآآحد :D:p

قلم انت كاملـة السالفه وسبيت روحك :p<الله يهديك :D

اكيد انا ابوهم :rolleyes:
في احد قالج انا بنت عمتهم ::verymad::​
 

abdullah6868

عضو نشط
التسجيل
3 مايو 2008
المشاركات
6,222
الإقامة
kuwait
امس العصر قاعد بغرفتى وعيالى عندى مزعجينى باصواتهم وهواشهم من عاداتى ما اهاوشهم وخليهم على راحتهم -- دق على زبون صوته صوت بنت على طول قلت تفظلى اختى قال اللى معاك رجال -- ما سمعته -- قلت تفظلى طال عمرج -- كمل كلامة يسألنى عن سيارة -- قلت اختى هذى سعرها كذا -- 4 مرات اردد اختى -- قالى يالطيب انت مجنون --على طول قلت لعيالى اسكتوا -- شنو قلتى اختى -- قال انت مو صاحى 4 مرات اقولك انا رجال مو بنت وتردد اختى -- مع السلامه وسكر بوجهى -- من الصدمة خليته 20 دقيقة ودقيت من تلفون بيتى وتاسفت قلت انا ما اسمع من صوت عيالى -- والحمدلله قبل اعتذارى
 

النجدي2007

عضو نشط
التسجيل
13 مارس 2007
المشاركات
2,754
الإقامة
الكويت مني وفيني
الموقف اللي بقولكم عنه ما أنساه أبدااااااااااا
في صيف في سنة 2004 كنت رايح مع أهلي وخواتي فيينا ودخلنا مول كبير خواتي اشتروا أغراض من السوبرماركت وانا كنت مبسط في مكان قريب من التعب قالوا خل اغراضنا معاك بنكمل بنتمشي ونلف ونرجع قلت زين وياليت ما قلت زين قمت اتمشى أنا وأختي الصغيره اللي سحبت عربانتهم ودخلت فيها السوبرماركت مره ثانيه ورجعت لكن دخول الحمام مومثل خروجه دق جرس الانذار وتجمعوا علينا السكيورتي والناس حرامي سارق اطلبوا الشرطه ودخلوني مكتب ضيق يحققون معاي واللي زاد الطين بله الحرامي اللي واقف جنبي وسارق خمر وطالبين الشرطه عشان يشيلونا أنا وهو وأنا واقف طبعا وهم كانهم ماصدقوا ويفتحون ويحذفون الأغراض ويتشاورون وأنا أقولهم مو أغراضي وهم مومصدقيني وكل كلمه والثانيه قالوا بوليس بوليس قلتلهم اعطوني الميكرفون وصرت أنادي على أختي وزوجها اللي ردوا لي بعد ساعه وانا كنت زهقاااان حدي من الموقف اللي أنا فيه والحمد لله أن زوج أختي مخلي الفاتوره معاه ومن يومها دائما احتفظ بالوصل مع احنا النجادة حريصين بس طحنا بالموقف وقلطة الشاطر بالف وبعدها هونت أشيل أغراض غيري
بس موقف لايحسد عليه
 

النجدي2007

عضو نشط
التسجيل
13 مارس 2007
المشاركات
2,754
الإقامة
الكويت مني وفيني
الموقف اللي بقولكم عنه ما أنساه أبدااااااااااا
في صيف في سنة 2004 كنت رايح مع أهلي وخواتي فيينا ودخلنا مول كبير خواتي اشتروا أغراض من السوبرماركت وانا كنت مبسط في مكان قريب من التعب قالوا خل اغراضنا معاك بنكمل بنتمشي ونلف ونرجع قلت زين وياليت ما قلت زين قمت اتمشى أنا وأختي الصغيره اللي سحبت عربانتهم ودخلت فيها السوبرماركت مره ثانيه ورجعت لكن دخول الحمام مومثل خروجه دق جرس الانذار وتجمعوا علينا السكيورتي والناس حرامي سارق اطلبوا الشرطه ودخلوني مكتب ضيق يحققون معاي واللي زاد الطين بله الحرامي اللي واقف جنبي وسارق خمر وطالبين الشرطه عشان يشيلونا أنا وهو وأنا واقف طبعا وهم كانهم ماصدقوا ويفتحون ويحذفون الأغراض ويتشاورون وأنا أقولهم مو أغراضي وهم مومصدقيني وكل كلمه والثانيه قالوا بوليس بوليس قلتلهم اعطوني الميكرفون وصرت أنادي على أختي وزوجها اللي ردوا لي بعد ساعه وانا كنت زهقاااان حدي من الموقف اللي أنا فيه والحمد لله أن زوج أختي مخلي الفاتوره معاه ومن يومها دائما احتفظ بالوصل مع احنا النجادة حريصين بس طحنا بالموقف وقلطة الشاطر بالف وبعدها هونت أشيل أغراض غيري
بس موقف لايحسد عليه

علي فكرة موقف ثاني حصلي بالكويت في الافنيوز فعلا فعلا محرج بذكرة لكم بعد الفاصل بس انتظر تعليقاتكم علي الاول
 

NICK

عضو نشط
التسجيل
23 سبتمبر 2007
المشاركات
2,071
الإقامة
kuwait
علي فكرة موقف ثاني حصلي بالكويت في الافنيوز فعلا فعلا محرج بذكرة لكم بعد الفاصل بس انتظر تعليقاتكم علي الاول



بعد ..اكثر من هذا :d

ناطرين ...شوقتنا
 

blue chipper

عضو نشط
التسجيل
23 فبراير 2010
المشاركات
2,194
الموقف الضريف اللي ماراح انساه طول حياتي
اول ماتعلمت الغوص رحت منطقه صوب جزيره قاروه كنت مع صديق محترف بالغوص اول مانزلت عمق تقريبا 60 قدم الرؤيه كانت صافيه فجأه صار ضلام طالعت فوق شفت قرش كبير ضخم فوقي اول شي قلت شنو هذي غواصه ماره علي تأكدت قلت لا هذا عزرائيل بياخذك الرعب وصل فيني اللي موقادر اسبح نزلت تحت وانا خايف ادور صاحبي ماشوفه من الخوف والرعب قمت ابجي قلت اخر موتي بلاع في بطن هالحوت واو شسوي وين اروح يمه لحقوني موعارف اتصرف حدي لابد يم قصار(صخره مرجان) وانا اقراه ايات واتشهد اشوي واهو مختفي راح بعيد طلعت طلقه الى الطراد قلت حق صاحي شفت اللي شفته قال عادي قلت وين السيف اي صوب وحد المكاين طلقه كله عبالي وراي وخفت اسبح بعدها وبعد ماسألت عرفت ان اهو من النوع الاليف مايسوي شي عاد اشعقبه عقب ماطلع قلبي فوق :p


الله يردك با السلامه يا acton....
 

blue chipper

عضو نشط
التسجيل
23 فبراير 2010
المشاركات
2,194
مرات كثيره ، يغلط بعض الشباب و ينادوني بو فلان ، بدل كنيتي (بو جاسم )، و أطوف ، لكن



فيه واحد كل مع اشوفه يسولف معاي و يقولي دكتور ، اشلونك دكتور . أنا مع أعرفه عدل



لكن اشوفه في المسجد أو الجمعية . و كل مره يناديني دكتور ،و أنا ما أصلح له . قلت



أخاف يسألني عن دواء معين أو أي شي يخص الطب ، و أتوهق . مره شافني من بعيد



و يقول دكتور ، دكتور ، أمي في ألمستشفي ، منو أحسن دكتور تنصحني فيه .قلت في



نفسي خلاص لازم أقول له ، قلت له يبا أنا ماني دكتور ، و إنت صار لك فتره تقولي دكتور



و أنا مستحي أصلح لك . بعدها ، الريال قام ما يسلم علي خير شر
 

NICK

عضو نشط
التسجيل
23 سبتمبر 2007
المشاركات
2,071
الإقامة
kuwait
للرفع
 

بو شيشه

عضو نشط
التسجيل
12 أبريل 2010
المشاركات
2,006
الإقامة
السره
طبعا المواقف عد وخربط
اذكر صارلي موقف خايس كان عمري وقته تقريبا 17 على ايام الهياته
كنا طالعين من قهوه بالسالميه انا ورفيجي الساعه 2 الفجر و وقتها كان نازل قانون ممنوع التجول بعد الساعه 12
طلعنا ندور بالشارع على تاكسي جان رفيجي ينقش من بعيد دوريه ويقولي انحششششش دوريه عاد ما شاء الله عليه ينقش نوع السياره من الف كيلو:)(لان وقتها يتلونك للمخفر وتتبهذل ويدقون على الوالد يجي ياخذك وحنا مالنا خلق فنحشنا)
دخلنا عماره وافترينا من ورا حوشها نبي نطلع من ورا الا نلاقي ثلاجه ارتفاعها مترين تقريبا مسكره علينا....رفيجي طمر من فوقها وانا ما قدرت اطمر لان وقتها لابس نعال تكرمون والجو رطوبه فتزلق رجولي:p
رديت وطلعت سطح العماره
وانا طالع الدري كان بمخباي شريط اغاني عراقي وعلى ايامها كان ممنوع بالديرة الأشرطه العراقيه فقطيته بين اغراض شقه لقيتهم عالدري وقعدت بالسطح
جان يطلعلي العسكري وينزلني ويسال على رفيجي ومن هالكلام و وقتها يه اخوي المخفر واخذني لووول
اليوم الثاني راد مع رفيجي لنفس العماره نبي الشريط(((الشريط حق حاتم العراقي واغلب الشباب يعشقون اغانيه وقتها))) والشريط ما ينباع بالديره ياي تهريب ههههه
طلعت فوق اييبه ورفيجي تحت ناطرني ....وانا ادور بين الأغراض مو محصله...جان يبطل باب الشقه شايب ويقولي شو بتعمل هون ولا
جان اقوله اكو شريط طايح مني هني امس
جان يصرخ علي ويلحقني وهو يصارخ ويقول تعال يا حرامي ويقعد يسب وهو يلحق فيني بالدري ويصاارخ حرامي حرامي وانزل والقى رفيجي اخو الذين مسوي نفسه ما يعرفني ورايح يتمشى بصوب ثاني لووول وانا ناحش منه بالشارع جدام الناس وادش بدواعيس عشان افلت منه
بعدها عرفت ان هالشايب كل فتره قاعده تنباق منه اغراض يم بيته وعلى باله اني انا الحرامي اللي ابوقه
بس والله بعدها حرمت امر من هالشارع اكثر من 3 شهور لان وايد ناس شافوه وهو يلحقني ويقول حرامي
اخاف اذا احد شافني يزنطني على باله صج حرامي ويسملني للشايب
 

NICK

عضو نشط
التسجيل
23 سبتمبر 2007
المشاركات
2,071
الإقامة
kuwait
هههههه بوشيشه ص موووقف استمتعنا بالمغامره :)
 
أعلى