منو عنده فكرة كامله عن محطة غسيل السيارات؟

الحالة
موضوع مغلق

حسين السلمان

عضو نشط
التسجيل
9 يونيو 2009
المشاركات
41
الإقامة
الكويت
السلام عليكم اخواني
ودي افتح محطة غسيل سيارات بأي منطقه بالكويت ، وبصراحه ماني عارف شنو يحتاج هالمشروع من (مساحة موقع - معدات - عماله - تكاليف00الخ)
ياريت اذا في احد عنده نشاط قائم بهالشي يفيدني او يكون عنده فكره عن هالشي ، اخوكم والله جاد وما بإذنه ماي بعد التوكل على الله وعساه في ميزان اعمالكم بالشهر الفضيل
 

بونواف

عضو نشط
التسجيل
13 يناير 2008
المشاركات
1,335
الإقامة
الكويت الحبيبه
السلام عليكم اخواني
ودي افتح محطة غسيل سيارات بأي منطقه بالكويت ، وبصراحه ماني عارف شنو يحتاج هالمشروع من (مساحة موقع - معدات - عماله - تكاليف00الخ)
ياريت اذا في احد عنده نشاط قائم بهالشي يفيدني او يكون عنده فكره عن هالشي ، اخوكم والله جاد وما بإذنه ماي بعد التوكل على الله وعساه في ميزان اعمالكم بالشهر الفضيل

اخوي مشروعك ممتاز بس اهم شي الموقع والفخامة في البنيان...
وبنسبه للمعدات ماتكلف شي تقريبا 15او 20الف هذا اذا كانت اكثر من 15بلوك للغسيل ...
واذا حاب شريك انا ماعندي مانع اشاركك
 

حسين السلمان

عضو نشط
التسجيل
9 يونيو 2009
المشاركات
41
الإقامة
الكويت
تسلم اخوي بونواف ونتشرف والله بوجودك بالموضوع وموضوع الشراكه ليش لا
بس خلنا طال عمرك نستفيد من مشاركات الاخوان اهنيه
 

بونواف

عضو نشط
التسجيل
13 يناير 2008
المشاركات
1,335
الإقامة
الكويت الحبيبه
تسلم اخوي بونواف ونتشرف والله بوجودك بالموضوع وموضوع الشراكه ليش لا
بس خلنا طال عمرك نستفيد من مشاركات الاخوان اهنيه

تسلم اخوي حسين اكيد بلا شك مشاركات الاخوان مفيده واذا فيه نصيب للشراكة عطني رساله على الخاص
 

بو جابر

عضو نشط
التسجيل
7 يوليو 2009
المشاركات
617
مرحبا أخوي وبالتوفيق مقدما والله أنا مالي خبره بمحطات الغسيل لكن أحنا زباين دائمين للمحطات ولنا وجهة نظر أنشالله تفيدك

أنا أعتقد أهم شي بالنسبه للمحطه الموقع يعني أتعب على الموقع وأحسن المواقع اللي يكونون بالصناعيه يعني صناعية الفحيحيل أو صناعية الجهراء أو صناعية الصليبيه أو صناعية الشويخ هذا بالنسبه للموقع والحجم طبعا كل ما كانت المحطه كبيره كل ما كانت أحسن ومو شرط تكون فخمه ممكن تكون عاديه بس ماشيه
الاهم من وجهة نظري هو مدير المحطه اللي يدير العمال هني مربط الفرس أذا كان شقردي ويخاف الله راح يمشيلك المحطه صح وأذا كان متراخي وكسول من وراك طبعا قدامك بكون بقمة النشاط !!! على المحطه السلام وأتعب على العماله بالنهايه الزبون يدخل يبي سيارته تبرق خل سيارة الزبون تبرق ويبلك عماله شقرديه وبشوشه تضحك بويه الزبون راح تنجح المحطه بأذن الله والتوفيق من الله وأذا سويت المحطه قول لنا وأحنا بنكون أول الزباين
 

بو متعب

عضو نشط
التسجيل
29 يناير 2009
المشاركات
709
المساحة لا تقل عن 1000 متر الى 2000 متر حسب الرغبة اما عن المكان يستحسن بمنطقة اسواق القرين منطقة جديدة ومنتصف الكويت والاسعار ببلاش هناك بخصوص الجيكات يعطونكياها بالاقساط حتى الزيوت على التصريف اهنيك مقداما على المشروع والله يوفقك لو بغيت خدمة ابعث لي على الخاص
 
التسجيل
12 أكتوبر 2005
المشاركات
889
انصحك والله اعلم في منطقة القرين الصناعيه يخدم مناطق كثيره وتعب على التحديث تميز بشي غير عن الجميع
 

حسين السلمان

عضو نشط
التسجيل
9 يونيو 2009
المشاركات
41
الإقامة
الكويت
مرحبا أخوي وبالتوفيق مقدما والله أنا مالي خبره بمحطات الغسيل لكن أحنا زباين دائمين للمحطات ولنا وجهة نظر أنشالله تفيدك

أنا أعتقد أهم شي بالنسبه للمحطه الموقع يعني أتعب على الموقع وأحسن المواقع اللي يكونون بالصناعيه يعني صناعية الفحيحيل أو صناعية الجهراء أو صناعية الصليبيه أو صناعية الشويخ هذا بالنسبه للموقع والحجم طبعا كل ما كانت المحطه كبيره كل ما كانت أحسن ومو شرط تكون فخمه ممكن تكون عاديه بس ماشيه
الاهم من وجهة نظري هو مدير المحطه اللي يدير العمال هني مربط الفرس أذا كان شقردي ويخاف الله راح يمشيلك المحطه صح وأذا كان متراخي وكسول من وراك طبعا قدامك بكون بقمة النشاط !!! على المحطه السلام وأتعب على العماله بالنهايه الزبون يدخل يبي سيارته تبرق خل سيارة الزبون تبرق ويبلك عماله شقرديه وبشوشه تضحك بويه الزبون راح تنجح المحطه بأذن الله والتوفيق من الله وأذا سويت المحطه قول لنا وأحنا بنكون أول الزباين

مشكور اخوي بوجابر ونتشرف والله فيك ، وبالنسبه للمكان انا اوافقك الراي تماما ، وملاحظاتك كلها على العين والراس
 

حسين السلمان

عضو نشط
التسجيل
9 يونيو 2009
المشاركات
41
الإقامة
الكويت
الاخوان بومتعب ، التحليل الفني وبقية الاخوان كلهم مشكورين على التفاعل بالموضوع بس انا اتمنى من اي احد يحطلي نقاط مرتبه عن احتياجات المشروع بشكل متكامل
يعني الاخوان اللي قالوا عن الجيكات وين ينباعون؟ ومنو يركبهم؟ كم عامل احتاج ولو عدد تقريبي؟ وكل واحد شنو شغله؟
اذا المحطه اليه افضل ولا ما تفرق؟ انا عارف ان الاليه تكلفتها اعلى بس بحط مقارنه
ياريت يستمر التواصل ومشكورين مقدما
 

ostath

عضو نشط
التسجيل
8 سبتمبر 2007
المشاركات
1,242
الاخوان بومتعب ، التحليل الفني وبقية الاخوان كلهم مشكورين على التفاعل بالموضوع بس انا اتمنى من اي احد يحطلي نقاط مرتبه عن احتياجات المشروع بشكل متكامل
يعني الاخوان اللي قالوا عن الجيكات وين ينباعون؟ ومنو يركبهم؟ كم عامل احتاج ولو عدد تقريبي؟ وكل واحد شنو شغله؟
اذا المحطه اليه افضل ولا ما تفرق؟ انا عارف ان الاليه تكلفتها اعلى بس بحط مقارنه
ياريت يستمر التواصل ومشكورين مقدما

هالامور ما تنفع ..بالنت ...هذي يبيلها قعده و كلام طويل
 

almulla

عضو نشط
التسجيل
1 سبتمبر 2009
المشاركات
141
الله يوفقك هذي مشاركتي
 

حسين السلمان

عضو نشط
التسجيل
9 يونيو 2009
المشاركات
41
الإقامة
الكويت
هالامور ما تنفع ..بالنت ...هذي يبيلها قعده و كلام طويل

اخوي الاستاذ إذا عندك المام كافي بالنشاط وعارف احتياجاته اكون شاكرلك وممنون طال عمرك وحاضر اتواعد معاك واسمع منك طال عمرك
 

وقاص

عضو نشط
التسجيل
29 يوليو 2009
المشاركات
120
اخوي ربي يوفقك

انا ما اعرف بالنسبة للامر هذا ولكن عندي واحد من الربع قريب مني 6 اشهر يخطط لمغسلة لانه انسان مخه نظيف ويحسبها بالدينار ومافي مجال للخسارة عنده

ولكن قبل لا يبطلها صارت له امور خلته يحتاج سيولة وقرر يتراجع

بس نصيحة مني انا

وزارة التجارة لازم عندك احد لان الشكاوي راح تنزل عليك مثل المطر وتعور قلبك

من ناس لهم حق وطبعا لازم تعطيهم حقهم ومن ناس ما تخاف الله

وانتبه لامر مهم تبديل زيوت القير او الباك اكس

مصيبة اغلبهم مصيبة يطققهم عندك وهني تبتدي المشاكل

مغسلة مافيها واحد لابس غترة وعقال والله ما ادشها

الحلال السايب يعلم السرقة

ومشكلها كثيرة

ورد اغسل السيارة مرة ثانية ولا المصري منفس عليك وانت زبون

والكل يحابي لربعه المصري للمصريين وغيرهم

ولابد يكون في كويتي بالحلال

لان اخر مرة واحد اسف عالكلمة تافه موتره ما يسوى 5 الاف وقفوه وقت المسح اخر سيارة

شب عالعالم شلون توقفونها اخر سيارة وعطى المصري الشايب طراق

واخرتها قط الدينارين بالقاع وداس عليهم

وطبعا ما يحتاج اقولك طحنته مع ان مالي خص بس داس على اسم الجلالة

مشاكلها كثير ولكن بوجود الكويتي ثق بالله الامور تمام ومشروع ناجح

وخصوصا اذكر مرة الكويتي وما اعرفه سلم وسألني عن رايي وشنو ناقص المحطه وهالسوالف

قلت له وتالي حلف ما ياخذ دينار ونص فلوس الغسلة وهي ولا شي

بس صرت زبون بسبب تعامله

ولليوم هذا وما يطوف يومين الا سيارتين وثلاث عنده

وحتى صوب مسح السيارات مر وسلم عالشباب

وتكلم جدامهم يا فلان مسح هالصوب يستاهلون الشباب

ما نبيهم يطلعون زعلانين

وركز على العاب القيمز ترى مربحه حيييل + كافيتريا شاي وقهوه وشغلات بسيطة + زينة للسيارات وعطور + مكان صغير مخصص للسيدات بروحهم وحط اعلان كبير على المحطه ان في مكان مخصص للسيدات

واذا تقدر وما اعرف قانونيتها

انك تخصص عمال اثنين مع معداتهم لتنظيف السيارات قدام البيت مع تلميع وهالسوالف

اهل الكروش مالهم خلق نطره بالمغسلة

وطبعا لو كانت مغسلة راقية وضبطتها حط لك جم كمبيوتر وخليه انترنت ابلاش مفتوح

لان هني اهم شي راحة الزبون وما يهمه جم بيدفع

يعني دينار ونص و3 دنانير ما تفرق المهم مرتاح

يعني تخلي المغسلة خليه نحل محد ينام ولا احد يركد

اذا تعرف مغسلة الامتياز بالفحيحيل

موقع فاشل جدا ولكن كان ماسكها الكويتي راعي المغسلة

انسان مثابر ما اعرفه لكنها شهاده حق

والله انطر دور بسيارتي وقدامي اكثر من 25 سيارة ولا يهمني وبنص الشارع صافط

المهم اغسل عنده لاني عارف انه زقرت وشغلهم تمام

بس تالي راح الكويتي ومسكها مدري مصري شوف والله اربع سيارات على بعض ماكو

اخوي الكريم لاتنسى امر مهم

تخلي مكان للصلاة مهم جداااااااااااااااااااااااااااا

ومثل ما قلت لك باكلم صاحبي وان شاء الله ارد عليك

اسف عالاطالة وربي يوفقك
 

أزقــرتي

عضو نشط
التسجيل
12 أغسطس 2009
المشاركات
143
وقاص عز الله انك كفيت ووفيه وباين عليك تبي المنعفه للرجال الله يوفق راعي المشروع ويوفقك ياخوي وقاص
 

حسين السلمان

عضو نشط
التسجيل
9 يونيو 2009
المشاركات
41
الإقامة
الكويت
اخوي وقاص كلمة مشكور شويه ، والله اللسان يعجز عن شكرك
وملاحظاتك كلها انا باخذها بعين الاعتبار وكلها بصراحه مهمه وجوهريه
واتمنى اتكلم صاحبك واذا في مجال ادزلي رقمه على الخاص
بيض الله وجهك وما قصرت
 
الحالة
موضوع مغلق
أعلى