يا جماعة الخير باخذ رايكم في مشروع .

الحالة
موضوع مغلق

بحريني1972

عضو نشط
التسجيل
26 مايو 2009
المشاركات
3,230
الإقامة
الكويت الحبيبة
اخوي فكره وايد وايد حلوه

بس مثل ما قالك اخونا خلك متخصص بالتنظيف والتلميع بس وحاول تستهدف مناطق معينه او محافظه وحده بالبدايه وبعدين انت بروحك راح تعرف كيف تكون الخطوه الثانية

عسي ربي يوفقك ويرزقك ان شاء الله
 

المطيري23

عضو نشط
التسجيل
16 سبتمبر 2008
المشاركات
329
اخوي فكره وايد وايد حلوه

بس مثل ما قالك اخونا خلك متخصص بالتنظيف والتلميع بس وحاول تستهدف مناطق معينه او محافظه وحده بالبدايه وبعدين انت بروحك راح تعرف كيف تكون الخطوه الثانية

عسي ربي يوفقك ويرزقك ان شاء الله


الله يعطيك العافيه ... ولا هنت و رايك له الاحترام والتقدير ..
 

بو عبدالمحسن

عضو نشط
التسجيل
2 مارس 2008
المشاركات
237
السلام عليكم...
نصيحة حط هالنقاط بالإعتبار:
1- كم سعر الخدمة؟ وهل مقبولة عند الناس مثلاً اذا السعر ب3 مونفس اذا السعر ب20
2-عدد المنافسين الموجودين بالمنطقة بغسيل السيارات؟
3- غير الخدمة المنزلية شنو راح تميز عن غيرك عشان تجذب الناس
4- لازم يكون عندك كاش تغطي خساير ال6شهور الاولى او السنة الأولى
5-خطة اعلانية مرتبة وبسيطة.
6-العماله هل مدربين أم شغل نفس الأهوازية
7- التكاليف الثابتة الشهرية يعني كم تحتاج كايراد عشان تدخل بالربح

وضع جميع الإحتمالات في بالك:
1- خسارة المشروع مثلاً هل تؤثر عليك عالمدى الطويل ولا سالفة سنة وتيسر أمورك
2- هل هناك مشروع آخر أفضل تقدر عليه

باختصار لا تتوقع نفس ماتتمنى ويكون الطريق مفروش بالورود ولا تيأس اذا مخطط عدل وتكون خطتك مرنه يعني مستعد تسوي تعديلات عليها بإذن الله تنجح

والله يوفقك ويرزقك
 

المطيري23

عضو نشط
التسجيل
16 سبتمبر 2008
المشاركات
329
الله يعطيك العافيه اخوي بو عبدالمحسن على الرد وبصراحه في نقاط توه الحين انتبه عليه

وان شاء الله راح ادرس المزانيه بشكل عام ومفصل ...

بس المشكله لزم اتميز عن بعض الشركات ... وقــاعد افكر ادورلى نشاط او فكره تتميز عن الغير .

وان شاء الله الشباب مراح يقصرون معنا يشفولنا فكره تتميز شركتنا عن الشركات الثانيه .
 

المطيري23

عضو نشط
التسجيل
16 سبتمبر 2008
المشاركات
329
للرفع
 

المطيري23

عضو نشط
التسجيل
16 سبتمبر 2008
المشاركات
329
للرفع
 

Taekwondo

عضو نشط
التسجيل
4 يناير 2009
المشاركات
382
الإقامة
الكويت
اخوي خوش فكره صراحه والله يوفقك .. وتقدر تزيد معاهم شغله يمكن تميزك عن الباجي بس يبيلك تفتر شوي واللي اهي تتفق مع جم واحد عندهم ونشات حق السيارات الخربانه :) وتتفق مع راعي الونش على مبلغ معين وان شاء الله موفق خير

يعني يكون شغلك غسيل سيارات وتبديل بنشر وكذلك خدمة الونش على الطريق :) وتقدر بعد تضيف عليهم خدمه واللي اهي اذا خلص بانزين السياره مثلا وتوهق الواحد على الخط السريع يدق عليكم :) يعني زبدة الكلام يصير شغل مشروعك: خدمة الطريق 24 ساعه
 

المطيري23

عضو نشط
التسجيل
16 سبتمبر 2008
المشاركات
329
الله يعطيك العافيه على الرد .... ولا ننحرم من امثالك
 

قناص_السوق

عضو نشط
التسجيل
8 يناير 2009
المشاركات
1,348
اخوي المشروع كفكره حلوه لكن كتوقعك له ماراح يكون مثل الي ببالك لانك تبي تبني لنفسك قاعده شاذه من الزباين والسبب كالاتي
غسيل وتلميع السياره اعتقد الاهوازيه مو مقصرين 5 دنانير بالشهر ويوميا
تبديل زيت وتغيير فلتر هذا يصير لكل سياره كل 6 اشهر مره وماعتقد واحد عيزان يسوي هل شيء فضلا عن انك راح تواجه اعاقه في عملك والسبب مافي حفره ينزل منها العامل لي تحت السياره ويبطل البرغي (جدام البيت)
اما بخصوص صيانه السياره امام المنزل هذا اكثر جمله استغربت منها يعني شلون بتسوي كاراج كامل جدام بيت الرجال الي بتصلح سيارته لا من معدات لا من امكانات
اما بخصوص بنشر بالطريق :) بييييه متأمل وايد

شيل الفكره وانا اخوك مارضى لك الخساير

أيد كلام اخوي جنرال .....


واذا صبيت زيت بالغلط عند بيت واحد يمرمرك , او واحد اختلف وياك و اهو عند بيته راح يملك القوه الي يهددك

*و ممكن تاخذ مخالفه من البلديه لانك ما تملك رخصه على المساحه الي تشتغل فيها و اهي ارض حكومه
*وكذلك الهيئه العامه للبيئه لانك راح تلوث المكان الي تشتغل فيه وهي منطقه سكنيه وليس صناعيه
*و كذلك من غرفة التجاره و الصناعه ادارة حماية المستهلك لان الترخيص الي تملكه ما يجيز لك العمل بغير الكراج وكذلك العمل في مكان سكني بغرض صناعي ...
*و كذلك الشؤون لانك تشتغل خارج نطاق المحدد لك ..... يعني خصمك بكون اقوى منك ... لو بلغ عنك لانك قاعد تتلف ارضه رحت فيها

فوق هذا ممكن تتعرض للنصب واحد يدق عليك و يخليك تصلح سيارته ما عنده ضمير و بعدها ما يدفع و يهددك بالابلاغ و انت شغلك اساسا غير قانوني و تبي الرزق ما ينقطع ...



وبخصوص خدمة الطرق انسى انها تنجح لان في شركات التأمين تقدم هالخدمه مقابل 4-6 دنانير سنويا :) فأنت بجم بتقدمها دينار ؟ ما تسوى عليك و هل العقد يوثق من التجاره كعقد التأمين
وممكن تخليها خدمة المساعده على الطريق الى البيت في حال تعطل السياره يعني توصلهم البيت لو ما تمكنت من اصلاح السياره و سحب السياره للورشه ....
وتطلع بفناتك يديده :cool:
لكن لا تشيل الفكره من راسك بس حاول انك تستفيد من اخطاءك و ردودنا و تعدلها ...
 

المطيري23

عضو نشط
التسجيل
16 سبتمبر 2008
المشاركات
329
الله يعطيك العافيه .. ومشكور على التوضيح ... وكلامك ميه في الميه .


واتمني من الاعضاء المشاركه معنا في الموضوع لنستمع إلى أرائكم
 

SnaFy

عضو نشط
التسجيل
9 يناير 2009
المشاركات
110
فكرة مو داخلة راسي من راي من الاحسن يكون لك محل تلميع وتسوي خدمة للمنازل أفضل
واخبر لك كذا محل في صناعية الجهراء اذا حاب
 

اكسبلورر

عضو نشط
التسجيل
3 أغسطس 2009
المشاركات
291
مشروعك حلو بس المشكلة ماراح اتوفي معاك اجور العمال
لان الطلب والتنقل ياخذ وقت اكثر باليوم
والوقت مهم في تجارة مثل هاذي
بس انا راي اتشغل الباص في اي مجال
مطعم او غيرة اوشركة وبالتوفيق
 
التسجيل
20 مايو 2009
المشاركات
43
اخوي العزيز المطيري 22
اذا تبي الله يوفقك في المشروع صفي قلبك مع الناس ولا تشيل في قلبك حقد على احد والله يوفقك ان شاء الله
 

المطيري23

عضو نشط
التسجيل
16 سبتمبر 2008
المشاركات
329
جزاكم الله خير .... وشكرا على المرور
 
الحالة
موضوع مغلق
أعلى