محتار بين التيما 2010 او اوريون 2010

[DayTradingOnly]

طبعا انا ما قلت رايي

الهوندا اكورد افضل وانصحك فيها بشدة

التويوتا ماخذين مقلب فيه الساير يحسبونه مرسيدس غالي وتجميع خردة تنسيم بكل مكان
والنيسان الالتيما نازل حيل لو تركب 2 ورا ما تقدر تمشي

الهوندا وكيله قوي ومتغير ماهو مثل اول وسمعته السابقة .. بالعكس افضل وكيل حاليا
والسيارة تعجبك الاكورد عجيب انا تو ماخذ وحدة للبيت .. بدال الكامري التعيس

 

[BREMEN]

صرت ضايع بين الثلاثة اوريون والالتيما والهوندا اكورد

خلك عن الالتيما ...

يا أكورد(6سلندر) أو أوريون ...... وقطع

وماراح تتحسف

بس تذكر ان الهوندا كد ومد وشكلها أحلى ....!! ووكيلها تعدل وايد عن قبل والسرفس بالوكاله مايطول مثل باقي الوكالات

 

[السبيطي]

بلا اوريون بلا التيما

السلام عليكم
انا خليت الجماعة يبدون ارائهم والجميع ما قصر اما اذا تبي تعرف رايي عن خبرة وتجربة وتصفح بالنت وسؤال المجربين تسقط الاوريون والالتيما ارجوك لا تعصب ولا تستغرب والاسباب عديدة سواء في قوة البدي والنهايات والمواد المستخدمة في السيارتين سيئة للغاية
اخلصك لو سالتني شنو البديل اذا ما كنت تفكر بالبيع الازيـــــــــــــــــرا اتدري ممكن تجد وايد من الاعضاء يقولون لا لا يكون تتهور
بس والله عن تجربة الازيرا افضل واجمد والمواد المستخدمة عالية الجودة​

 

[sound blaster]

موضوع مفتوح ومجانا مادري شمزعله الاخ ..

أخوي كل واحد يشتري سياره لازم يفكر بسعرها بعد البيع ..

الهوندا تستاهل بس شريتها خساره بعد البيع ما تجيب دينارين .. أنحش عنها .. ولو ان الازيرا عاجبتني بس مشكلتها بعد البيع خساره


الكامري شكل مستهلك وتجميع ماليزي على مادري شنو لكن استعمال

الأوريون ما أنصح فيها أكثر الشباب يشتكون وفي شي أهم سعرها مبالغ فيه ولا تستاهل هذا السعر ..

الألتيما رخيصه وعمليه والشكل لا بأس فيها ..

نرجع ونقول مثل ما يقولون الأخوان .. ا س ت خ ي ر

خروج عن النص


مع أني أقول لكزس وبس :d

 

[قتيبه 707]

اوريون وبس

 

[سطام العتيبي]

انا الي قاعد اكلمك الحين

= > رافع ايده تشوفني

استخدمت التيما 2008

صراحه سياره معليها كلام

مواصفات خياليه

وناعمه بالخط

وسعرها مناسب


اما الاورين طبعا احسن من التيما من ناحيه داخليه وسمعتها

لكن الاثنين نفس بعض

واذا حاب تشتري نصيحه اخو

اجرلك التيما يومين

وبعدها اجرلك اوروين يومين

ووشووف الفرق

وشوف اي موتر يصلحلك وخذه

لان بلاخير ناس اذواق

في ناس تفضل نيسان وفي ناس تفضل تيوتا وفي ناس تفضل لكز وفي ناس تفضل مرسيدس

الخ



والله يعطيك خيرها ويكفيك شرها مقدما

 

[ساسكو]

الهوندا بلا منافس

 

[allure]

بصراحة هوندا اكورد فل ابشن الجديد افخم واحلى وقوي و اهم شي داخلية واااسعة اكثر من التيوتا والنيسان وشكل جديد ما راح يتغير وناعمة الصراحة ملك الياباني

 

[اليوفي الثاني]

غلطان اللي يقول الاوريون طلع صوت وانت ما شي بسرعه فوق ال140 ولا 180 ............ قــــول الكامري 4 سلندر جنك راك انفوي ولا بليزر صوت التنسيم


طبعا تويوتا الاوريون افضل بالبيعه وبالاستعمال من النيسان بشكل عام بــــس هوندا سته سلندر مصيبة بس جربها راح تنسى الاوريون ام البيعه صعبه

 

[Nasjit1]

انطر المكسيما ... قريبة ...

موتر موطبيعي

 

[stingray74]

تبي راي اخوك غير التويوتا لا ادور نهائيا كرم الله الشباب جميعا جحششششششششششش مكده واذا مليت منه مليون من يشتريه منك ومايطيح بجبدك وسعره مايطيح وسلامتك والله يقطك بالسياره اللي تريحك وماتاذيك ويكافيك الله شرها ويعطيك خيرها

 

[zidantheking]

الأوريون


وكالة النيسان زبالة اذا اخترب شيا يقطون السبة فيك

او هوندا مو ذاك الزود ما تكرف مثل التيوتا

 

[H.R]

اخوي الله يعينك على الردود ترى تحير

بس شوف اقولك نصيحه اخ

الهوندا v6 مصيبه ياخوك يعني اشتبي من موتر

سريع+فخم ((اليديد فخامه المانيه))+ خرباته قليله

ولا تسمع موضوع بعد البيع

لو تقطها بالشارع تنباع عن تجربه طبعا الكامري ماله منافس بهالموضوه بس هم الهوندا زينه

بس لاتخذ اليديد اربعه سلندر خلك عل الست سلندر ونقول مبرووك

 

[DayTradingOnly]

ههههههههههههههههه
الله يعينه فعلا

والله الاخوان كلهم ينصحون من قلب صافي .. وفعلا تبقى المقارنة والذوق .. وكلها ترجع لصاحب الموضوع اكيد

بس التوضيح بالمشاركات مفيد من حيث تصحيح بعض المفاهيم الخاطئة .. او اللي كانت فعلا صحيحة وتغيرت

وهي موضوع الوكيل وقطع الغيار .. وخدمة ما بعد البيع ... وجودة السيارة
فعلا هي تختلف مع السنين

يعني الهونداي اثبت انه يتطور وينافس الياباني فعلا
والياباني صار ماهو ياباني .. صار تجميع دول تعيسه

والوكلاء تغيرت معاملتهم او بالاصح تغيروا باختلاف الادارة والورثه :d

جرب اي موتر تبيه ... فيه خدمة تجربة القيادة .. جرب وقارن

وعلى فكرة راح اوهقك اكثر

فيه passat باسات افضل منهم كلهم .. طبعا جربها وسوقها قبل لا ترد