استشارة ضرورية جدا بخصوص شراء بيت

[teacher]

اذا بتاخذ عن طريق التمويل جيب لهم ورقة انك موظف دوام عصر..وراتبك 500.. تقريبا.عشان يرتفع القسط وتقل الفوائد....(وهذي ماايدها))

..ليش تخلي المدة 10 سنوات...روح لبوبيان وقولهم كم تعطوني على خمس او ست سنوات....واخذ منهم ...والله احسن لك....واذا نقص شي ...دبر يمين ولا يسار


حرام تخلي التمويل ياخذ اكثر من حقة وفي المقابل بوبيان بنك اسلامي ونظام تورق....

 

[Onset]

أعقلها وتوكل
ولاتنسي صلاة الاستخارة بارك اللة فيك وبتوفيك

 

[مساهم11]

اوكل علي الله والله معاك
بس انا اخالفك في نقطة الايجار 750 دينار اتصور مبالغ فيه حييل
والله اعلم بالصواب

 

[أبوفلان]

السلام عليكم

من ناحية مبدأ الشراء فبدون شك الأفضل الشراء اذا في امكانية وعدم الإنتظار ان كان الدور بعيد علشان تحصل بيت والمشكلة وين ؟ بمناطق مقطوعة برا الديرة !!

انا راح اعطيك تجربتي وان شاء الله تفيدك

شريت بيت ايام الرخص ( بيت حكومي ) سنة ٢٠٠١ في القصور القرين ، ولم اسكنه لمدة ٦ سنوات وكان مؤجر بالكامل ٤٥٠ - ٥٥٠ دينار

تماما كما قلت ، كان الأجار يرجع لي الأقساط الشهرية وكأني لم آخذ ديون

نصيحتي لك الآتي :

الديرة كل يوم قرار !! ممكن بأي لحظة يطلع قرار يوقف بناء البيوت مثلا والإكتفاء بالشقق حتى يتمكنون من استيفاء المنتظرين والذين تعدوا ٨١ الف طلب !! وفي ازدياد كل شهر ، يعني وين يمديهم يبنون بيوت ؟ مالهم الا الشقق والله اعلم ،، يعني اشتر ابرك لك لا تسكن بشقة

ثانيا ،،، دائما وابدا ضع نفسك مكان المؤجر ؟ هل تسكن في بيت اي كلام وتدفع ٥٠٠ دينار ؟ ام تسكر حلج المؤجر ببيت ممتاز وماعليه كلام ، يعني لا تبخل على البيت في حال التأجير وامسكه اطول مدة ممكنة علشان ترتاح من التغير

الآن بعد ان سكنت البيت مازلت مؤجر الدور العلوي وبسعر مرضي لي وللمؤجر ولله الحمد دخل شهري ثابت

اسأل الله التوفيق لك اخوي ابوفلان وتحصل الي يسر خاطرك

تحياتي

الله يعطيك العافيه اخوي هورنت ماقصرت


والله يباركلك بحلالك

تقريبا نفس الي بسويه بس مع فرق سعر البيت

 

[أبوفلان]

اذا بتاخذ عن طريق التمويل جيب لهم ورقة انك موظف دوام عصر..وراتبك 500.. تقريبا.عشان يرتفع القسط وتقل الفوائد....(وهذي ماايدها))

..ليش تخلي المدة 10 سنوات...روح لبوبيان وقولهم كم تعطوني على خمس او ست سنوات....واخذ منهم ...والله احسن لك....واذا نقص شي ...دبر يمين ولا يسار


حرام تخلي التمويل ياخذ اكثر من حقة وفي المقابل بوبيان بنك اسلامي ونظام تورق....

ما ادري حطيت الححسبة على موقع بنك بوبيان اطلعت ارباحهم اكثر من التمويل

 

[أبوفلان]

هل التورق من بوبيان القسط ثابت ولا يرتفع ؟

ثابت

 

[وقاص]

نصيحة أسأل مرة ومرتين وثلاث واربع

بالنسبة لبيوت الرقة ( بالنسبة للإيجارات )

مبغوضه وغير مرغوبه هي والظهر من قبل سكان المنطقه العاشرة

روح لمكاتب العقار وقولهم ابي أأجر بيت بالرقة

أو ملحق أو دور وشوف الاسعار والبناء وقارن

وربي يوفقك ويرزقك

انا شخصيا مستحيل اسكن بالرقة او الظهر او ام الهيمان لو كانت اسعارهم النصف

الواحد يشتري راحة البال ( رأيي ورأي أغلب من اعرفهم )

لكن الفكرة بشكل عام حلوة وانت طيب ونيتك صافية وربي ماراح يخيب ظنك إن شاء الله

 

[أبوفلان]

نصيحة أسأل مرة ومرتين وثلاث واربع

بالنسبة لبيوت الرقة ( بالنسبة للإيجارات )

مبغوضه وغير مرغوبه هي والظهر من قبل سكان المنطقه العاشرة

روح لمكاتب العقار وقولهم ابي أأجر بيت بالرقة

أو ملحق أو دور وشوف الاسعار والبناء وقارن

وربي يوفقك ويرزقك

انا شخصيا مستحيل اسكن بالرقة او الظهر او ام الهيمان لو كانت اسعارهم النصف

الواحد يشتري راحة البال ( رأيي ورأي أغلب من اعرفهم )

لكن الفكرة بشكل عام حلوة وانت طيب ونيتك صافية وربي ماراح يخيب ظنك إن شاء الله

جزاك الله خير


فعلا ذكرتني جزاك الله خير

لازم اتصل على مكاتاب العقار اشوف على جم تتاجر بيوت الرقه

نورتني الله ينور قلبك بالايمان

 

[almoress]

ما ادري حطيت الححسبة على موقع بنك بوبيان اطلعت ارباحهم اكثر من التمويل

الحسبه سلمك الله دايما لاتاخذها من الموقع ولا تاخذها من الموظفين عن طريق التلفون لأنها تفرق سواء النمويل او بوبيان مع العلم ان بوبيان ادق بالتلفون من بيت التمويل

اما طريقة الحسبة لبنك بوبيان للي يبي يعرفها يا أخوان جميعاً فهي كالتالي


الأرباح 3.5 تضربها في عدد السنيين الي تبي تقاسطها

الناتج تقسمه على 100

لاحظ معاي هنيه عشان تضبط الحسبه حط رقم 1 بدال أول صفر من الناتج (الي قبل الفاصله)


أحفظ الناتج وتعال نضربه بالــــ


سعر البضاعه (ناتج ضرب المبلغ المراد الحصول عليه في 1.02)


يطلع لك إجمالي المديونية الي راح تكون عليك والي راح تسددها للبنك

واذا حبيت تعرف القسط كل ماعليك إنك تقسم المبلغ الي طلع لك على

عدد السنيين الي ضربتها في 3.5 وهم قسمها بعد على 12 مره ثانيه


أدري اني معقد لكن بسيطه أمش مع هالطريقه خطوه خطوه وراح تطلع لك النسبه وخلونا ناخذ مثال ابو فلان الي يقول ابي 20 الف من التمويل لكن على حسبة بوبيان راح تطلع


عدد السنوات 10 ضرب 3.5 = 35

قسم على 100 يطلع الناتج 0.35

نغير الصفر الي فالبدايه

يصير الرقم 1.35

المبلغ الي نبيه 20 الف نضربه في 1.02 (الخساره)

يطلع الناتج 20400

1.35 ضرب 20400 = 27540 (هذا المبلغ الي راح تقاسطه بالكامل)

نقسمه على عدد السنوات الي هي 10

يطلع الناتج 2754

نقسم مره ثانيه على عدد الأشهر الي هي 12

يطلع الناتج

229.5 هذا القسط الشهري


طبعاً عشان ما يصير فيه كسور بالقسط راح يجبرون الكسر بالنقص ويزيد عندك القسط الأخير يمكن يطلع بحدود 240


هالحسبه انا اتحمل صحتها وغلطها أمام الجميع ويعلم الله ما حطيتها الا للفايده للجميع


وعسى الله يغنينا بحلاله عن حرامه


لكم ودي جميعاً

 

[almoress]

وهذي حسبه الــ 21 ألف لان ما أنتبهت للواحد

عشان تشوفون الفرق

1.35 ضرب 21420

28917

تقسيم 10

2891.7

تقسيم 12

240 هذا القسط


وأي استفسار انا حاضر

اذا تبي تعرف حسبة التمويل بالضبط روح لهم قول بسوي المعامله وخله يسوي الاوراق فعلا مو يقولها لك بالكلام او بالتلفون وبعده قول بفكر وشوف وقارن بنفسك

 

[بو عبدالمحسن]

الله يوفقك...نصيحة محب
دائماً بالحسبة خلك متحفظ ومتوقع الأسوأ
مثلاً قالولك تأجير بيت بالرقة مايقل عن 400 ومايزيد عن 550
بحسبتك لازم تاخذ الأقل ولا تبني خطتك على أفضل الإحتمالات بالنسبة لك
دائماً توقع الأسوا حتى تكون مستعد له
لأن هذا قرار مصيري

وبعدين انت راح تسكن بعد 10 سنين يعني نفس وضع الحكومة
وبعدين في أمور مهمه جاوب عليها بينك وبين نفسك:
1- متى طلبك للإسكان وعمرك؟
2- كم باستطاعتك التوفير خلال عشر سنوات من غير شراء البيت؟ (لأن هذا خيار بديل)
3- المصاريف بالمستقبل تزيد سواء بسبب التضخم أو لكبر أبنائك وزيادة متطلباتهم؟ (اليوم ولدك بالروضة باجر بالجامعة!)

وبالنسبة للتورق ابن تيمية الله يرحمه ما أجاز التورق
وابن عثيمين الله يرحمه قال اذا كان هناك: 1- حاجة 2- لم تجد من يقرضك من الأهل أو الأصدقاء
فالأمر ليس بسهل كما يعتقد البعض
وللتفاصيل هذا الرابط
http://www.ibnothaimeen.com/all/noor/article_5776.shtml

وبالتوفيق

 

[أبوفلان]

وهذي حسبه الــ 21 ألف لان ما أنتبهت للواحد

عشان تشوفون الفرق

1.35 ضرب 21420

28917

تقسيم 10

2891.7

تقسيم 12

240 هذا القسط


وأي استفسار انا حاضر

اذا تبي تعرف حسبة التمويل بالضبط روح لهم قول بسوي المعامله وخله يسوي الاوراق فعلا مو يقولها لك بالكلام او بالتلفون وبعده قول بفكر وشوف وقارن بنفسك

ماقصرت يالغالي جزاك الله خير

والله يبارك بجهودك

 

[almoress]

ماقصرت يالغالي جزاك الله خير

والله يبارك بجهودك

العفو ما سوينا شي يالغالي

 

[Hamilton]

نصيحتي لك اعقل وتوكل خير من الانتظار
وحط في بالك انك لو تاخذ الايجار وتدفع القسط وحق بنك التسليف يكون احسن بوايد يعني البيت يدفع لنفسه
لو قلنا الفارق سنتين بالانتظار يعني 24 الف دينار مو شويه ترى
واعتقد لو بتأجر البيت كامل يطلع لك تقريبا 600 دينار باذن الله
دام انك ما راح تسكن بالبيت فانا انصحك تشتري ولا تنتظر ويمكن يخلون السلفه 100 الف وتاخذ الثلاثين وتكيش اللي عليك
بس ابوفلان التورق كلش ما يعجبني وانا اخوك مع انه هالبنوك المتأسلمه تاخذ الجزئيه المربحه لها


واذا تبي اللي احسن من كل هذا وابرك فهو .... صلاة استخاره
موفق خير