رفيجي يبي يحول معاشه الى بنك اخر ويبيني اكفله

[قناص_السوق]

اخوي ابو رفيجي بالمحاكم لان كافل اخوه ,,,,,,,,,,,,,,,,, ديربالك قوله اسمحلي انت رفيجي بس انا كفالات انسى اني اكفل

 

[z-75]

اخوي نصيحه مني لك لاتكفل حتى نفسك

بصراحه انا كفلت اخوي وتبهذلت ليوم البهذله وبعد بشنو بطراد ودفع اول قصدين والباجي عمك اصمخ وانا شربت المقلب كله وقصد الطراد 160 وتنتفت والحبيب كل ما اكلمه يظحك ويقولي ماعندي وانا انحرج وياه ومن كثر الألم اللي فيني وماودي بنفس الوقت ازعله او اجرح شعوره ومااييب طاري الموضوع وكل مانجتمع ببيت الاهل قمت ادق على الوالد واتحرى منه اذا اخوي موجود عندهم ولا لأ وطابت النفس اني اقعد بالمكان اللي يقعد فيه لأني شفت الويل وان دق علي عادي اظحك وياه وجنه ماصار شي لدرجة انه ناسي السالفه وعباله انه طاحت علي ثروه من السما وانحل الموظوع وخلاص
ومادري شسوي غصه بقلبي ليوم الدين ومااقدر اسوي اي شي ولااقدر ازعله ولااقدر ازعل الوالد او الوالده وادخلهم بالموضوع ولاودي اعور قلبهم وطاحت براسي وكل يوم اعظ اصابعي ندم ومقهوووووووووور حدي والمشكله انه قاعد يطيحله راتب اكثر من راتبي وكله الله يسامحه وخايف وماودي من القهر اللي فيني انه الله يظره بشي
والله يسامحه

 

[general]

اخوي اسمح لي الاخلاقيات والمبادئ لها حدود , لكن اخوك تعدى كل الحدود ومافيها شي تكلمه وماكو شي اسمه يزعل انت خايف انه يزعل عليك وانت بالمقابل لاليلك ليل ولا نهارك نهار اسمح لي مايصير , اقلها كلم الوالد وقوله السالفه صحيح هو ماله دخل لكن يظل الوالد له كلمته على اخوك وان مافاد تكلم اخوك قوله انا لي هني طفح الكيل واتمنى انك تدفع الاقساط أو أضطر اخذ الطراد وابيعه واسدد بإالي اقدر اسدد فيه لشركه التمويل .
لاتلوم اخوك دام انك انت ما اتبعت ولا اسلوب صحيح معاه

 

[z-75]

مشكور اخوي general على ردودك الطيبة ولكن اخوك اللي اكبر من بـ 5 سنين وللحين يتعامل وياك اسكت لا طراق على عينك نفس ايام قبل يوم كنا نلعب تيل ومو راظي يقتنع انه هاذي فلوس مو تيل هههه والوالد الله يعينه صحته ماتسمحله يحل مشاكل
ومشكورين