توصية انشالله تستفيدون منها

[رواان]

الحين ابشرح لكم الهدف القادم يوم غد بإذن الله

الهدف هو استرايك 32 وسعره بالابشن 0.5 دولار واغلق السهم امس على 31.96 يعني قريييييييييييييييييييب جدا جدا من الهدف
الحين وش المطلوب المطلوب انكم تكونون حاضرين مع بداية السوق واذا نزل السهم الى اسفل (يعني مادخل الإسترايك الي هو 32 ) يتم الشراء
السهر المستهدف في الشارت كما هو واضح في الصورة 34 دولار
اذا توفقتم وشريتم استرياك 32 ووصل سعر السهم الى 33 غدا راح يرتفع قيمة الأبشن من 0.50الى 1.50 اي 200 % بإذن الله
هذا هو تحليلي واتمنى من اهل الخبرة انهم يبدون آرائهم ويتناقشون

 

[رواان]

هذا هو هدف السهم من الناحية الفنية

 

[رواان]

الحين ابي انام اشوفكم مع افتتاح السوق بإذن الله

 

[softy911]

الحين ابي انام اشوفكم مع افتتاح السوق بإذن الله

الأوبشن ياروان محرقة المحافظ لأن قيمته مرتبطة بالوقت .. واذا خذيتي سترايك بعيد تكون قيمته غالية وماكو فايدة منه جذي ولو صارت فايدة فهي ماتسوى.. إلا اذا سوى السهم مفاجأة بمنتج جديد أو اعلان أرباح قوي وهذي نوادر طبعا ... وكل ماقرب وقت السترايك ينتهي تقل القيمة الى ان تصير القيمة صفر .. يعني تحترق فلوسك بالكامل بانتهاء الوقت .. لكن السهم اذا نزل انطر ليما يرتفع مهما طالت المدة ...

والأهم حاليا هو وقت السوق .. السوق الحالي راكد ماينفع للأوبشن .. الأوبشن يبي سوق متحرك اما مرتفع جدا أو طايح عشان التذبذب هو اللي فيه الفايدة أما الركود يحرق السترايك ... دام (bidu و rimm و goog ) صار لهم 3 شهور راكدين بمنطقة سعرية ضيقةمعناته السوق في ركود للحين وصعب تحصلين اسهم أوبشنز ...
وعموما شكرا على حرصك .. بس جني اشوفج بعد شهرين تدورين اسهم البني ...

 

[رواان]

الأوبشن ياروان محرقة المحافظ لأن قيمته مرتبطة بالوقت .. واذا خذيتي سترايك بعيد تكون قيمته غالية وماكو فايدة منه جذي ولو صارت فايدة فهي ماتسوى.. إلا اذا سوى السهم مفاجأة بمنتج جديد أو اعلان أرباح قوي وهذي نوادر طبعا ... وكل ماقرب وقت السترايك ينتهي تقل القيمة الى ان تصير القيمة صفر .. يعني تحترق فلوسك بالكامل بانتهاء الوقت .. لكن السهم اذا نزل انطر ليما يرتفع مهما طالت المدة ...

والأهم حاليا هو وقت السوق .. السوق الحالي راكد ماينفع للأوبشن .. الأوبشن يبي سوق متحرك اما مرتفع جدا أو طايح عشان التذبذب هو اللي فيه الفايدة أما الركود يحرق السترايك ... دام (bidu و rimm و goog ) صار لهم 3 شهور راكدين بمنطقة سعرية ضيقةمعناته السوق في ركود للحين وصعب تحصلين اسهم أوبشنز ...
وعموما شكرا على حرصك .. بس جني اشوفج بعد شهرين تدورين اسهم البني ...

اخوي

softy911 مشكوور على المشاركة الله يجزاك كل خير
ابي اسئلك سؤااااااال وابيك تجاوبني عليه بكل صدق
انت تدوالت بالابشن ولا قرأت عنه فقط ؟اسئلك بالله انك تجاوبني بكل صدق
تقبل تحياتي

 

[softy911]

اخوي

softy911 مشكوور على المشاركة الله يجزاك كل خير
ابي اسئلك سؤااااااال وابيك تجاوبني عليه بكل صدق
انت تدوال بالابشن ولا قريت عنه فقط ؟اسئلك بالله انك تجاوبني بكل صدق
تقبل تحياتي

اتداول فيه بس تركته .. ..

 

[softy911]

ربحت منه فوق المليون دولار (فلوسي وفلوس اخوي واخوي الثاني) دشينه براس مال مجموعه 150 ألف دولار وصلنه مليون وصفر من اول ويديد ولابد يي اليوم الابشن يخلي الواحد يبكي

اممممم .. شكلك انت واخوانك اللي جبتوا بنك الخليج جتاف ...

 

[رواان]

اتداول فيه بس تركته .. ..

طيب ممكن توريني الأسباب الي خلتك تترك التداول بلأبشن

 

[رواان]

اخوي softy911 وين رحت ابي انام

 

[softy911]

طيب ممكن توريني الأسباب الي خلتك تترك التداول بلأبشن

1- الأوبشن مايتعدى اكثر من عملية اول عمليتين يلا نقول ثلاث كأقصى حد في الشهر لأنها مهمة مو سهلة انك تلقين سهم ينفع للأوبشن ( لازم يكون قوي أساسيا ومهيأ فنيا )

2- ماتقدر تدش في الأوبشن إلا بمبالغ بسيطة عشان تخاف من الوقت ونزول القيمة باقتراب الوقت .. وحتى اذا رجع سعر السهم تعدل أو صعد, سعر الأوبشن مايصعد معاه بل أحيانا السهم يصعد والأوبشن ينزل بسبب الوقت ..

3- في الأسهم العادية كل يوم أو ثاني يوم تلقين فرصة في سهم أو أكثر ...

4- بعد التجربة الشخصية وبحسبة النسبة والتناسب شغل السوق العادي أجدى بكثير من الأوبشن مع توفر نسبة كبيرة من الأمان عن الأوبشن ..

5- انتي تحللين حاليا وظهرج على البراد ... لليلحين مااشتغلتي رسمي ( مو انتي للحين ناطرة يفعلون حسابج في اميرتريد؟) يعني تحليلج خالي من العامل النفسي اللي يؤثر بقوة في قراراتج لما تكون محفظتج فعلية ... بالتوفيق

 

[رواان]

اخوي softy911 انا اتوقع انك تركت التداول بالأبشن لانك خسرت فيه وحرقت اموالك وفي نظري ان السبب الي خلاك تخسر انك ما كنت تتبع القواعد الرئيسية في التداول بالأبشن
واسباب نجاح الابشن (القواعد الرئيسية لنجاح الأبشن ) 3 أسباب بعد توفيق الله سبحانه وتعالى وهي
1_التحليـــــــل الفني الصحيح لشارت السهم
2- اخذ الاسترايك (هدف الأبشن) الأقرب
3-شراء عقـــود الابشن الي تكون مدة انتهائها بعيدة (لان قيمة الابشن ينقص بشكل يومي)

مثال= نفترض ان لدينا شارت سهم وقمنا بتحليله تحليل فني و سعر السهم الحالي 5 دولار والهدف على الشارت 9 دولار ورحنا لسلاسل الابشن ووجدنا مثلا 3 سلاسل سلسلة ابشن راح تنتهي في هذا الشهر وسلسلة ابشن راح تنتهي بعد شهرين وسلسلة ثالثة راح تنتهي بعد 3 اشهر
ووجدنا اهداف الابشن مثلا 6 و7 و8 و9 في هذي الحالة ناخذ الهدف القريب الي هو 6 دولار ولا ناخذ الاسترايك او الهدف من السلسلة التي ستنتهي خلال هذا الشهر بل من السلسلة التي ستنتهي بعد شهرين او ثلاث شهور (لان مدة انتهاء هذي السلسة قريبة)

 

[رواان]

5- انتي تحللين حاليا وظهرج على البراد ... لليلحين مااشتغلتي رسمي ( مو انتي للحين ناطرة يفعلون حسابج في اميرتريد؟) يعني تحليلج خالي من العامل النفسي اللي يؤثر بقوة في قراراتج لما تكون محفظتج فعلية ... بالتوفيق



اخوي انا اتابع الأبشن واسوي تطبيق وهمي منذ سنة كاملة

 

[bhams]

1- الأوبشن مايتعدى اكثر من عملية اول عمليتين يلا نقول ثلاث كأقصى حد في الشهر لأنها مهمة مو سهلة انك تلقين سهم ينفع للأوبشن ( لازم يكون قوي أساسيا ومهيأ فنيا )

2- ماتقدر تدش في الأوبشن إلا بمبالغ بسيطة عشان تخاف من الوقت ونزول القيمة باقتراب الوقت .. وحتى اذا رجع سعر السهم تعدل أو صعد, سعر الأوبشن مايصعد معاه بل أحيانا السهم يصعد والأوبشن ينزل بسبب الوقت ..

3- في الأسهم العادية كل يوم أو ثاني يوم تلقين فرصة في سهم أو أكثر ...

4- بعد التجربة الشخصية وبحسبة النسبة والتناسب شغل السوق العادي أجدى بكثير من الأوبشن مع توفر نسبة كبيرة من الأمان عن الأوبشن ..

5- انتي تحللين حاليا وظهرج على البراد ... لليلحين مااشتغلتي رسمي ( مو انتي للحين ناطرة يفعلون حسابج في اميرتريد؟) يعني تحليلج خالي من العامل النفسي اللي يؤثر بقوة في قراراتج لما تكون محفظتج فعلية ... بالتوفيق

+

6- Margin Call

 

[رواان]

مـــــــلاحظة في المثال السابق الي ذكرته
اذا اخذنا هدف الابشن الي هو 6 دولار وارتفع السهم من ال5 دولار وصعد لل6 دولار في هذه اللحظة ينتهي عامل الزمن (لاينقص الزمن من قيمة العقد)

 

[رواان]

عن اذنكم ابي انام الحين اشكر كل من شارك وابدى رايه
اشوفكم مع افتتاح السوق بإذن الله

 

[رواان]

تــنبيــــــــــــــــــــــــــــه
اهداف الأبشن الي حددناها كانــــت 31 و 32 و33 والسهم ارتفع الى 31.96 من 30.8
يعني استرايك ال 31 حقق الهدف فعامل الزمن بالنسبة له انتهى بإذن الله (يعني الزمن لن يؤثر فيه بحول الله)
وبالنسبة لإسترايك 32 السهم قريب جدا منه وبإذن الله راح يخترق ال32 اليوم ويحقق هدفه الاول وعندها سيتوقف عامل الزمن
اما بالنسبة لسترايك ال 33 الي ارتفع من 0.05 الى 0.10 وحقق 100% لااتوقع انه يحقق هدفه اليوم (لاتوقع ان السهم راح يصعد الى ال33 اليوم حسب تحليلي الفني للشارت )واتوقع والله اعلم انه راح يحقق هدفه يوم الإثنين بحول الله وقوته والمشكلة ان امامنا يومي اجازة يوم السبت والاحد وهذا راح ينقص من قيمة العقد فاالمطلوب من الي شرى سترايك 33 لشهر سبتمبر ان يخرج من السهم اليوم بعد تحقيق ربح اضافي بحول الله (اهم شي انه يخرج منه اليوم ولا يبيت العقد لين يوم الإثنين ) لان مدة العقد قريب من الانتهاء حيث اننا الآن بشهر سبتمبر والعقد راح ينتهي داخل هذا الشهر ففي هذي الحالة عامل الزمن راح يؤثر تأثير كبير على قيمة العقد
وبالتوفيق انشالله
اهم شي دعواتكم

 

[رواان]

كانت هناك فرصة مع بداية السوق للدخول في استرايك 32 الان السهم صعد الى 32.29 (دخل بالاسترايك )

 

[رواان]

قـــــولوا ماشــــاء الله تبارك الله
السهم ارتفع منذ التوصية الى 6% خلال 3 ايام
يعني الي شرى بالكــــاش ربح 6%
اما اهداف الأبشن فقد حققت ارتفاعات عالــــية ولله الحمد والمنة
فهدف ال 31 ارتفــع الى حوالي 180%
وهدف ال 32 ارتفع الى 250 %
وهدف ال 33 ارتفـع الى 360%
وهذي صور سلسلة الأبشن وقت التوصية واليوم

 

[رواان]

وهذي هي صورة للسلسة اليـــوم
(انظـــر بنفسك واحكم)

 

[power33]

مبرووووك اختي روان اختيار ممتاز وتوقيت ممتاز يعطيج العافيه وان شاء الله دوم ربحانه