حياك الله
صبحك الله بالخير اخوي
وبارك الله فيك على النصايح وكله في ميزان اعمالك ان شاء الله
اخوي انا محتار وابي نصيحتك ;
بيتنا دورين ونص ( النص مكون من 3غرف وحمام عزك الله )
ودي اكمل النص اخليه شقه واطلع شقه ثانية لانه المساحه اللي عندي تسمح بحدود400 متر
واطلع نص دور الموجود حاليا فوق الدور الجديد اللي ببنيه
كم يكلفني الموضوع تقريبا وناوي اركب مصعد
يعني الاسود كم يكلف بدون مواد ؟ والمواد كم تكلف ؟ والمصعد ؟ والتكييف ؟ والتشطبيب ؟
ودي تعطيني كل سعر بروحه علشان نحسبها صح انا والوالد
والله يجعله في ميزان حسناتك ان شاء الله *
==========================================
السلام عليكم
عسى الله يبارك لك بوالدك .
المساحة ال 400 متر الارض أو البيت ( السطح ) .
على العموم إذ مساحة السطح 400 على كلامك يعني نتكلم عن 200 متر .
مصنعيات الاسود = 2000 د.ك الى 2500 د.ك .
مع المواد الاسود = 5750 د.ك الى 6500 د.ك .
المصعد مع بيته = 5000 د.: الى 5500 د.ك .
والتكييف المركزي = 1750 د.: الى 2250 د.ك .
التشطيب على حسب ذوقك يتراوح من 11500 د.ك الى 13000د.ك.
و إذ مساحة الارض 400 يعني السطح بحدود 300 متر يعني نتكلم عن 150 متر .
مصنعيات الاسود = 1500 د.ك الى 2000 د.ك .
مع المواد الاسود = 4350 د.ك الى 4750 د.ك .
المصعد مع بيته = 5000 د.: الى 5500 د.ك .
والتكييف المركزي = 1400 د.: الى 1750د.ك .
التشطيب على حسب ذوقك يتراوح من 9000 د.ك الى 10500د.ك.
(رَبِّ إِنِّي أَعُوذُ بِكَ أَنْ أَسْأَلَكَ مَا لَيْسَ لِي بِهِ عِلْمٌ وَإِلاَّ تَغْفِرْ لِي وَتَرْحَمْنِي أَكُن مِّنَ الْخَاسِرِينَ)
