مستحيل
اخوي الملياردير عيدك مبارك وعساك من العايدين
ابي اعرف كم يكلف التشطيب المتوسط
مابي الغالي حييل يعني بالعربي ماعندي شغل الفسقه
القسيمه تتكون من دورين وسرداب
مبنيه بالكامل مساحتها (400 مربع) بس اسود يعني خلك وياي
1+ تبي ارضيات
2+السباكه واصله من غير الاطقم
3+الشراشيب راكبه بس تبي بيبان خشب
4+الكهرب بس البايبات السود عرفتها
5+من الخارج ممسوحه مساح سقما يعني تبي صبغ بس
6+من الداخل ممسوحه كامله يعني تبي معجون وصبغ
7+ فيها درايش فوق 30 الي 45 دريشه
8+تبي سنترال
والرجال يقول يبيلها 15الف وتخلصها .
وانت رايك يهمني كثير .
لأني ابي اشتريها
والله يعطيك العافيه على كل حال وعساك من العايدين الفايزين انشالله
السلام عليكم ورحمة الله وبركاته
من غشنا فليس منا -- صدقت يا رسول الله صلى الله عليه وسلم
هذا مع احترامي له لا يتكلم صحيح - وحرام انك تتورط وياه انا اشرحلك بسرعة عن التكاليف والله يعيني :-
الارضيات مو اقل من 1500 الى 2000 د.ك توريد وتركيب
البرسلان والسراميك الحمامات والممطبخ من 750 د.ك الى 1200 د.ك والنوع العادي جدا
ابواب شوف كم باب والسعر التقريبي من 20 الى 25 د.ك
تمديدات الكهرباء ( الوايرات ) والدي بي والكيوبكل والفيوزات والبكسات والبلاكات 2500 د.ك هذا اقل شئ مع المصنعيات
سيجما + تركيب سقالة يعني من 1500 د.ك الى 2000 د.ك
صبغ المنزل من 1250 د.ك الى 1750 د.ك مواد ومصنعيات
التكييف اقل شي انت داش 7500 د.ك او اكثر على حسب كم بي تي يو محتاج .
الديكور مابين 1750 د.ك 2500 د.ك
الدرابزين والسلالم من 950 الى 1350 د.ك
عازل للسطح مع الكاشي والفوم من 1500 د.ك الى 1750 د.ك مع المواد والمصنعيات
هذا يا اخي مستحيل مستحيل مش اقل من 25000 د.ك وانت مرتاح .
اللهم اغفرلي ان نسيت او اخطات وأبعد عنا شرور خلقك ولا تسلط علينا من لا يخافك ولا يرحمنا يا رب العالمين .