خلوها تبور

[ابوو ساالم]

انا وياك اخوي سجلني

 

[delly]

علـــيهم علــــــــيهم

 

[فارس الكويت]

معاكم

للامانه الاسعار مبالغ فيها جدا جدا جدا

ولا شنو ما ادري

اراضي اسعار خالية

وبيوت هدام اسعار خالية

وبيوت حكومية اسعارها خالية

وبيوت قسايم اسعارها مبالغ فيها واصحابها دخلهم الطمع

واصحاب المكاتب بعد ما سمحوا لكل من هب ودب يتدخل في العقار
من مصري وسوري وبدون واسعار العقارات في ارتفاع الله المستعان

ماني عارف الحكومة الوحيدة في العالم ضد مواطينها هي حكومتنا

 

[ابو عز]

اللة يعطيكم العافية وانا بعد وياكم خلوها تبور
هالتجار كلوا الكويت باللي فيها واللة حرام بيت بغرب الجليب بربع مليون شخلوا للمناطق الداخلية يعني اذا قرض الحكومة 70الف اشلون باخذ بيت بهالقيمة شكلنا بنصير مثل مصر نعيش بعشيش حسبي اللة ونعم الوكيل حسبي اللة ونعم الوكيل حسبي اللة ونعم الوكيل

 

[مشعل المناور]

اللة يعطيكم العافية وانا بعد وياكم خلوها تبور
هالتجار كلوا الكويت باللي فيها واللة حرام بيت بغرب الجليب بربع مليون شخلوا للمناطق الداخلية يعني اذا قرض الحكومة 70الف اشلون باخذ بيت بهالقيمة شكلنا بنصير مثل مصر نعيش بعشيش حسبي اللة ونعم الوكيل حسبي اللة ونعم الوكيل حسبي اللة ونعم الوكيل

أنا بصراحه ضحكت لين قلت بس اليوم
اثاريني طول هالمده اقرأ بالوسيط عبدالله مبارك عبالي يقصدون غرب مشرف
لأني ما أتخيل شي ورى السادس يسوى ربع مليون
شر البلية مايضحك

 

[PRINCEQ1Q1]

​

 

[almellyarder]

تقبل الله طاعتكم وصيامكم
كل عام وانتم بخير
عيدكم مبارك
أخوكم / الملياردير

 

[بو عمر77]

كل عام وأنتم بخير ، وتقبل الله الطاعات وأنزل عليكم البركات
وأعاد الله علينا وعليكم رمضان أعواما عديدة .

أخوكم بوعمر .

 

[Number-1]

عقار يبور ولا يصدي ولا يعفن

انا معاكم ودي يرخص ويطيح بس يا شباب خلونا نتكلم

بالمعقول انا بحياتي ما سمعت عقار طاح الا بالامارات بالازمه

اللي حاشتهم اما عندنا فحدث ولا حرج

 

[al7mly]

يعني ارض ب350 الف دينار

بعد عشر سنوات بجم

مليون دينار

والا بتثبت

جذي محد راح يقدر يشتري ارض واذا عادي تم الشراء على مليون دينار

لا والله وخذنا ماصار للمليون قيمه كلش

 

[كويتي0]

المشكلة التجار

وهم اللي لاعبين بالدنيا الدليل الامر الاخير اللي صار بالسوق واهيا ارتفاع سعر الطماط وهذا علي سبيل المثال لا الحصر الواحد منهم مايهمه المواطن الاهم يكسب وغيره بالطقاق والمفروض عالحكومة تشوف لها حل لان هالشيء اسمه بالقانون تعسف باستعمال الحق ...

لا تقولي تاجر والا بطيخ المواطن اهم لان الشريحة الكبيرة من المواطنين علي قد حالهم فلهالشيء مايبدأ هالتاجر الجشع يلعب بالمواطن المسكين اللي مضطر يرهق نفسه عشان يقدر يعيش والتاجر الحرامي مو هامه غير جمع فليسات الناس بالحيل والبوق ونلاحظ ان التجار يضربون عالاشياء المهمه بحياة المواطن !!!


وطبعا مايفوتني ان اشير لبعض مكاتب العقار اللي تلقاهم مرتزين بالمكتب يكون راعي عقار واهوا اصلا ساكن بملحق وغير اللي موظف ناس مو كويتيين ولا لهم اي صلة بالعقار ولا يعرفون اي شيء عنه اللي يعرفه يحفظ اللي يقوله له معزبة ويقوله للزبون لا وبعضهم كاشخ بغترة وعقال يكون منهم !!!


ولي عودة ونخليها تبور

 

[man-kuwait]

حديث النبي صلى الله عليه وسلم قوله: “إن السعر غلاؤه ورخصه بيد الله وإني أريد أن ألقى الله وليس لأحد عندي مظلمة يطلبني بها إن الله هو المسعر هو القابض إن الله هو الباسط وإني والله ماأعطيكم شيئاً وماأمنعكموه ولكن إنما أنا خازن أضع هذا الأمر حيث أمرت وإني لأرجو أن ألقى الله وليس أحد يطلبني بمظلمة ظلمتها إياه في نفس ولادم ولامال” (الخراج 52)
إخواني
ان ارتفاع الاسعار او نزولها هي طلب وعرض وعوامل مؤثره في السوق
وليس بيد شخص او عدة اشخاص

وطبعاً خلوها تبور كنصيحه للاخوان ترى انت الخسران
اسال كل من قال هالكلمة خلوها تبور
لو عندك مبلغ معين في عز الازمة والناس تدور الكاش كان شنو حصلت بالمناطق الداخلية او غيرها؟
أكييد تلقى بيت ارض كله كان موجود بس انت اتخذت قرار (طماع) ناطر العقار ينزل اكثر، اوكيه طلع العقار والحين مستمر في الارتفاع والحل
المبلغ اللي كان يشتريلك ارض او بيت بالمناطق الداخلية الحين صار يشتري بالمدن الجديده المناطق الداخلية ارتفعت!! الحل
انطر ارتفعت المناطق الجديده والداخلية الحل
سوق العقار يشبه سوق الاسهم نشوف سوق الاسهم زين انجليتي بيت التمويل الوطني
جم اسعارهم ايام الازمة والحين جم
اوكيه انجلتي ايام الازمة جم سعرها وطاحت بازمة جم سعرها ؟ الوطني بالازمة جم سعره؟ ولما حقق ارباح جم سعره الحين؟

اللي اقوله وقف مع النفس دقيقه صمت لنتاكد من قرارنا هل هو مؤثر؟ هل هو واقعي؟

نعم في مشكلة كبيره في المكاتب العقارية والدلالين ومن مسوي نفسه دلال وماعنده مكتب يرفعون الاسعار بدون رضا البائع ويمكن يضحكون ع البائع يقولون هذا سعر السوق هني يكون دوركم

المفروض تكون هناك وقفه ضد كل من يرفع سعر العقار بشكل غير صحيح
لماذا لا تكون هناك شفافية بين الشاري والبائع؟
لماذا المكتب يحجب المعلومات عن الشاري والبائع؟
ابي اشتري ارض عندي 250000 والمكتب يقول 300000
اوكيه راجع البائع ارفق له احصائية بسعر الاراضي، البيعات التي تمت بوزاره العدل
المكتب ما يتكلم واذا تكلم ويا البائع ما يتكلم بلغه المكاتب العقارية بالدول الخارجية احصائية ودراسات والبيعات اللي تمت، لا بس ترى الاسعار مرتفعه واصبر ترى تزيد الاسعار ماكو لا دراسه عنده لا بيعات صجيه تمت ولا شي!!.

صراحه لازم تكون هناك وقفه صريحه ضد هالمكاتب اللي تزيد سعر العقار لا تفيد البائع ولا المشتري

 

[ابو سعد الشمري]

وانا معاكم


سؤال هل يعقل ان احد المكاتب جيته ابي اي بيت كان واي موقع لو خرابه

لقيت عندهم بيت في منطقة الجهراء ( الكوريات ) سد لد بنيان الغديم حده

والشارع يالله تدش فيه سياره

وصاحب المكتب يقول لي البيت مسيوم ب 112 الف دينار ويبي مني فرق السوم

ليش هل نفاق والكذ والحرام


واسمح لي راعي الموضوع هل اقتباس من بعض كلامك

نسأل الله أن يديمها ويجعلها مثل غيبوبة شارون .

وحسبي الله ونعم الوكيل

 

[ابوناصر35]

انا بعد وياكم وعساكم ع القوة

 

[بووعبدالله]

الله يعطيكم العافية على الحملة

سبب غلاء الاسعار هو الحكومه لانها بكل بساطه باعت الاراضي للقطاع الخاص ..

طبعا القطاع الخاص الكويتي كلمة مجرم بحقه شوية ... دون استثناء مع ان المنطق يحتم على ان استثني بعض الشركات عن الاجرام الا انه للاسف لايوجد من يستثنى !!

ولحد الان القطاع الخاص قاعد يلعب بالعقار السكني تنس طاولة ... دون تدخل حكومي للاسف ..

موفقين خير ان شاء الله ...