دورة المؤشرنت للتحليل الفني
50 دينار كويتي
اخوي انا اعتقد ان جربنا سوني اريكسون بال xperia 1 وفشلت صراحة
ماعتقد انها راح توصل لمستوى ابل لان كل شركة مختصة بنظام .. يعني سوني ونوكيا ماراح يوصلون لابل وانظمتها..
هذا رايي الشخصي وانت حر باختيارك طبعا بس المقارنة بعيدة حيل يعني لو مقارن الايفون بجهاز htc مثلا اقولك صح في اوجه للمقارنة .. لكن مع سوني لا شوي بعيد
موفق يا رب
استخدم الايفون وماراح تغيره
اخوي ما انصحك بالساتيو الا اذا كنت من هواة التصوير وعلى فكره اذا انت تحب الاريكسون ترى الساتيو راح يختلف عليك لانه اول جهاز سوني بنظام السيمبيان اللي تستخدمه نوكيا..
اما الايفون فهو جهاز جباار لايقارن بالاريكسون ولكن ايضا به عيوب ساذجه ومافي جهاز كامل بس كل واحد يشتري على حسب اهتماماته كان ودي انصحك بجهاز بس الظاهر انك تبي واحد من بين هالجهازين
اخوي بسهلك الاختيار
اذا كنت تستخدم التلفون بشكل بسيط وتحب التصوير والاغاني وماتحب التعقيد بالاستخدام اخذ الساتيو
واذا كنت تحب تتصفح الانترنت وتحب الالعاب والبرامج وخصوصا الالعاب اخذ الايفون بس في عيب بالايفون لازم تعرفه وهو انه مافيه بلوتوث
اخوي الجهاز الي ودي انصحك فيه هو htc hero طبعا عن تجربه صراحه جهاز روعه خصوصا بالنسبه لاهتماماتي طبعا مادري اذا كان يهمك التصوير بس ترى الهيرو مافيه فلاش بس كاميرته 5 ميغا بيكسل يعني بالنهار روعه بس باليل لك عليها لانه بدون فلاش بس الجهاز من يصير بيدك راح تنسى الفلاش الحلو بالجهاز انه ماخذ من كل بستان زهره يعني ماخذ من الايفون قوة الشاشه وحساسية اللمس اللي هيcapacitive touchscreen ايضا سوق البرامج والالعاب اللي هو market ايضا ماخذ من البوكت بي سي التطبيقات العمليه والبرمجه والرومات المختلفه يعني مو نفس الايفون لازم تتقيد بأحكام شركة ابل وكل شي مايصير لا بالهيرو كل شي يصير لانه مفتوح الشفره من قوقل يعني اي شي يركب على جهاز ممكن يركب على الهيرو وايضا الهيرو اخذ من البلاك بيري الماوس او الكره التحركه وهذي من الاشياء المهمه عندي غير كل هذا الهيرو متفرد بصغر الحجم والشكل الانيق وقوة الماده المصنوع منها الجهاز يعني ماكو شي اسمه تقشير غير هذا اكثر شي يتميز فيه الهيرو هو التصفح بالانترنت نت من ايميل يوتيوب مقاطع فيديو اغاني العاب فلاش يعني كل شي يسويه انا اشتغل بالبورصه والوحيد اللي دخل المحفضه وضاربت فيه هو الهيرو وفوق هذا كله الجهاز رخيص جدا مقارنه مع الايفون والساتيو سعره 160 دينار هم فيه مميزات مو موجوده بأجهزه ثانيه بس حاس اني مصختها
اخوي حسان اي نعم الايفون مافيه بلوتوث فيه بلوتوث حق السماعه بس
دورة المؤشرنت للتحليل الفني
50 دينار كويتي