دورة المؤشرنت للتحليل الفني
50 دينار كويتي
لو اراضي عمان فيها فايده جان مايت لك ارض 500 متر ب 2000 دينار
ابتعدوا من هل اراضي والله اتحدى اي عضو يقول شريت ارض بعمان والحين بعتها بربح
السلام عليكم ليش اتحدى وانت ماتعرف فى مسقط انا قبل سنتين كنت شارى اراضى فى المصنعه قريبه من المدينه الزرقاء على 8الف واكثر شوى وبعت على 13وازيد اشوى ومنو قالك اسعار عمان على الفين وبس فيه عندك فى صلاله اراضى على 40الف واكثر الله يهديك
على العموم لسائل الكريم اخوى اذا انت ناوى تشترى اخذ فى لمصنعه احسن من المضيبى لاانها بعيده عن مسقط لمصنعه افضل عندى لعويد او ودام الساحل وبوعبالى او النعمان وبركاء وفيه مناطق كثيره زينه بس مانى متذكر المهم انك تاخذ قريبه جمب مشروع المدينه الزرقاء والله يوفقك أن شاءالله
أخوك بوناصر
أخوي أنا عندي شاري عدة أراضي عمان في عدة مناطق
وصار لي سنين
الحين عرفت أحسن مكان
وهو بلاشك العاصمة الاقتصاديه للسلطة (صحار)
باختصار ... فرق بينها وبين المناطق اللي تفضلت بذكرها فرق السما عن القاع
والكلام عنها يطووووووووووووووووووووووووول ... انا الحين مبلش بنيان عمارة صغيره (محل فيه دكاكين نفس مجمعات قرطبة والسرة ... الخ)
باختصار ... بإذن الله العائد 18% سنوياً !!! ماتلقاه بكل العالم !!!!
بالنسبه للأخ جنرال ... كلامه صحيح .ا.. ولكن اللي يتكلم عنها هي المزارع المقطعة اللي اغلب الشركات بالكويت تبيعك فيها (لأنك بعيد وماتدري شالسالفه) .... هذي مزارع ياخذونها ويحولون ترخيصها من زراعي الى سكني ويبيعونك اياها وهي على حالها !!!! فالكويتيين لازم ينتبهون من الشركات لأنهم قاعدين يلعبون عالناس بالغالب !!!
اما اذا انت رحت هناك وشفت الارض فبإذن الله ماراح تنغش
ملحوظة : دلالين عمان من يدرون في خليجي يدور أ{ض بالمنطقة يرفعون السعر بينهم عشان ينهبونك ...
وبعدين ياخوي اترك عنك أرض تشتريها وتبيعها بعد 4 سنين ، ترى جربتها وذقت الويل ، فلوسك مجمده أو لا إنت سالم على فلوسك ولا الأرباح
أحسن شي إشتر قطيعة صغيرة على قد قروشك (وداخل الديره) مو مقلوووعه برا الديره ، وابنيها وحط لك نعاش شهري بمخباتك ..
آسف للإطالة ولكن النصيحة في الدين مكانتها عظيمة، ومنزلتها عند الله عالية رفيعة، وحاجة الإنسان، كل إنسان للنصح لا تقل عن حاجته إلى الطعام والشراب و الهواء، لذلك حصر رسول الله صلى الله عليه وسلم كل الدين فيها فقال: "الدين النصيحة" ثلاثاً، لأنها بها قوامه و صلاحه؛ وعندما قيل له: لمن يا رسول الله؟ قال: "لله، ولكتابه، ولرسوله، ولأئمة المسلمين، وعامتهم."
جزاك الله كل خير وشكرا على المشاركه
الله يوفقك ان شاءالله فى كل ميدان
دورة المؤشرنت للتحليل الفني
50 دينار كويتي