ارتداد هدفه 6950 نقطه
ارتداد اليوم لا يغني ولا يسمن من جوع هدفه 6950 نقطه
لازال المؤشر في قناة هابطة سلبية ولا زالت الاخبار السلبية تتوالى
بالتوفيق
شغلك عدل مدل يا بو محمد وصلنا الهدف اللي حددته إلا 10 نقاط يعني بالعربي وصلناله
بإعتقادي الشخصي ان حطولك بو 20 نقطه فجه عن الهدف حق يوم الثلاثاء عشان يكون عنده حاصل يرفعه شوي لي سقف القناه وبعدها يهبده
لان البيع اللي صار بآخر نص ساعه يدعو للقلق من الأسبوع القادم وبنفس الوقت الأخبار السلبيه المتواليه راح تساعد بالنزول
المصيبه ان بعض المتداولين ينغرون بالصعود الحاصل وما يدرون ان في شي اسمه ارتدادات تصريفيه لاكمال مسيرة النزول حتى لو زادت قيمة الإرتداد عن 220 نقطه نفس ما حصل من ال 6705
وصناع السوق شطار بإيهام المتداولين بقوه ومتانة السوق بأساليبهم الخداعه
يعني مثلا لما بلش البيع القوي الساعه 12 كان المؤشر خضر 65 وصار خضر 35 بس كان المفروض يصير 5-10 خضر بس كالعاده مع بدايه البيع بدأو يرفعون الأسهم بو طقه اللي ما عليها تداول ويرفعها حد اعلى بصفقه وحده عشان يثبت المؤشر فوق قدر الإمكان ويوهم الناس إن المؤشر قوي ناهيك عن تصعيد المؤشر بآخر ثواني من 40 لي 64 بذات النوعيه من الأسهم البو طقه وهلم ما جرى
وهذا غير إن السوق من الساعه 9:30 كان يحوس بين 60 و 70 صاعد لين بلش البيع الساعه 12 وهذا الثبات بحد ذاته شنو يعني وشنو مغزاه....!!!!!
والقيمه اللي زادت لي 85 مليون ما تشكل اي اهميه دام ان اكثر من نصها متركز على شركات لا يتعدى تعدادها اصابع اليد وهي كالآتي
منا قابضه 9 مليون
الهواتف 8.5 م
المخازن 8 م
التمويل 7.5 م
الوطني 5.5 م
ايفا 4 م
عقارات + جيزان + الديره 10 م
تمويل خليج 3.5
هذول 10 شركات مجموع قيمتهم 55 مليون من 85 اجمالي السوق كله
يعني 10 شركات استحوذوا على 65% من اجمالي 220 شركه بالسوق.....!!!!!!
وللأسف هذا اللي حاصل كل يوم بس بقيمة تداول اقل من 50 مليون
المخلص إن الوضع للحين غير مطمئن وغير مريح.....
واتوقع ان خبر ديون دبي وصل لبعض المجاميع والمحافظ فقامت بعمليات بيع عشوائي ومنظم بنفس الوقت بمحاولة تثبيت المؤشر بالمنطقه الخضراء والله تعالى أعلم
والله يستر من اللي ياي
قواك الله يا بومحمد عالمجهودات الجباره ويجعلها بميزان حسناتك دنيا وآخره ان شاء الله