شقق للعوايل بالخبر

[q8q822]

صباح الخير ياريت الي عندة عنوان شقق حلوة ورخيصة بالخبر حق العيد لا يبخل علينا بالوصف ورقم التليفون اذا امكن ؟؟

 

[Navigator]

حاره كامله مقابل سوق الراشد فيها شقق زوينه

لكن الاسعار اكيد بترتفع بالعيد

بعت الكسر والا بعد ؟

موفق

 

[وسيط اسهم]

الوالد هناك ويقول الاسعار مومعقوله واسعار جنونية يعني غرفتين وصالة وحمامين (وانت بكرامة) ومطبخ اسعارها من 600 الى 900 ريال
وقبل كانت بسعر 200 الى 300 اذا كانت الغلا فاحش ​

 

[Navigator]

على فكره فيه فندق على البحر نسيت اسمه بس بصوب الجنوب قريب جسر البحرين

اسمه فيه قولدن

حلو واسعاره معقوله وجديد


ونصيحة لا يطوفك مطعم السنبوك برياني بالول راح تدعي لي اذا جربته

تروح وترد بالسلامه

 

[dnyay]

السلام عليكم

انا كل ما اروح الخبر او البحرين اسكن فى بيت المسره بجانب مطعم معروف بالخبر للاكل البحرى اسمه مندارين شى مرتب وحلو وفيه خدمه الويلس
واسعارهم من 300 الى 500 ريال مدريد :d

 

[كنكون]

نصيحه من اخو لاتروح فى العيد الا ونت حاجز الشقه من الكويت
انا تونى جاى منها قبل سبوع الاسعار زينه بس فى العيد الى فات كنت هناك والشقه الى ماتسوا ريال تاخذها ب 500 ويتشرط عليك هذا اذا كان حظك يكسر الصخر ولقيت وحده فاضيه انا لمن وصلت الخبر قعدت 3 ساعات ادور سكن وماكو وبغيت ارد الكويت

 

[البرنس111]

في العيد أغلب اهل الرياض يرحون للخبر
وبتكون الاسعار غالية جدا

تأكد من الحجز قبل السفر

 

[دنياء غريبه]

صباح الخير ياريت الي عندة عنوان شقق حلوة ورخيصة بالخبر حق العيد لا يبخل علينا بالوصف ورقم التليفون اذا امكن ؟؟

اذا راحت الخبر يوم العيد تتمنى تشوف بس شقه فاضيه حتى لو كانت بـ1000 ريال

كله زحمه لدرجه قبل ماتسأل راعي الفندق مكتوب على باب الفندق مافي شقق اللآجار

انصحك قبل ماتروح تكلم اي احد تعرفه في الخبر يحجز لك شقه

اوراح قبل العيد علشان تضمن شقه و تشوف اسعار مناسبه


وموفق اخوي ​

 

[انطلق2]

أحسن فندق بالعالم (فندق سفاري) بأول سوق سويكت بالخبر..طبعاً المطعم فيه لك عليه...لكن جنبك بوفيه آسيا جرب الكبده بالحمص.
و زور بوفيه البنوك بالخبر و أطلب بيض بالجبن و اذا كنت بالدمام عندك بوفية النسيم أو بوفيه عزيز.
و إذا تبي شيشه الخبر روح ورى إسكان الخبر (إلي فجروه القاعده سنة 91) مقهى الفوازيه و اذا كنت بالدمام روح مقهى الديوانه و إطلب جراك الديوانية (طعمه لومي)...و في مطعم مندي في صبيخة بالثقة جنب سجن الخبر.
اذا تبي معالم غريبه هناك بس قولي.

 

[q8q822]

يعطيكم العافية انا ان شاء الله بمشي الخميس الصبح لقيت سكنت مالقيت بكمل البحرين انا قلت اسكن بالخبر واروح البحرين اتغداء واتعشى وارجع ) نونس اليهال


مشكورين

 

[انطلق2]

اذا ما مداك تصرف فلوس..صرف عند الشايب إلي بأول بقاله على اليمين بعد جوازات الخفجي لأن سعره أحسن من السوق داخل السعودية.
و إذا صرفت خمسين دينار أو أكثر إمسك بإيدك عصيرين و كيكه (يعني جنك بتحاسب عليهم) راح يعطيك إياهم ببلاش.

 

[q8q822]

ابشركم لقيت والشقق فاضية بس 500

طحت على وحدة سعرها 300 يقولي كانت قبل العيد 150 غرفة وصالة ومطبخ

مشكورين

 

[دنياء غريبه]

ابشركم لقيت والشقق فاضية بس 500

طحت على وحدة سعرها 300 يقولي كانت قبل العيد 150 غرفة وصالة ومطبخ

مشكورين

اهــــــــــلا وســـهلا فيك معنا في السعوديه

مبـــروك على الشقه

شئ حلوو طحت على شقه بس بـ 300


واذا بتروح البحرين بتشوف شقه كبيره بـ 350 و400

.​