النوخذة بوسالم
عضو نشط
- التسجيل
- 15 أغسطس 2009
- المشاركات
- 17
العفو عند المقدرة
دورة المؤشرنت للتحليل الفني
50 دينار كويتي
وانت بعد الكلام موجه لك ...
لا تقعد تسوي سوالف على .. انا ماشهرت باحد
بالعكس انا كن لهم كل الاحترام والتقدير اولاد العصيمي.....
وانا ماطلبت شي الا المساعدة منهم والصبر علينا شوي...
لا طلبت فلوس ولا طلبت الفلوس اللي خسرتها....
وكلمتك ( الله ينصرك يا اخوي.. وضحت الحقيقة لجميع الأخوة.. )
احنا وين قاعدين ... ينصره على شنو ؟؟
صراحة ناس ما تعرف شلون ترد وما تعرف اتكلم..
الرسول قال ( ياما تقل خيرا او لتصمت ...) وانت احسن لك انك تصمت!!
بس تصدق انت شكلك مع (فلسني البدر ) فيكم حسد ... وفيكم غيرة ..
ما تبون احد يساعدنا وياخذ بيدنا ....
الله يكفينا شركم وينصرنا على الحساد والعذال
يعني شنو تبي تربح المليون من اول سنه ... .ليش الجشع
نفس ما العصيمي وده يربح انت ودك تربح
لكن اقولك اربح بالمعقول خل الله يوفقك
بيع بالبدايه بسعر التكلفه مضاف لها قيمه رمزيه جدا
مثلا نشاطك العاب اطفال
قيمة اللعبه نص دينار
انت بيعها دينار و ربع حتى لو مكان ثاني تنباع 5 او 6 دنانير
اكسب الزباين شوف بعد جم سنه شلون يقوم حضك
على الاقل بس طلع اجار محلك + عمال انت ربحااان لان مو قاعد تدفع من جيبك
او طووول عمرك ما تدفع من جيبك ولا يدخل بجيبك ربح هم انت ربحان لان بعد جم سنه عشان تهد الموقع يدفعون لك خلو وانت مو دافع فلس واحد لكن الطمع ذابحك
من طمع طبع يا اخوي
اي تاجر يا اخوي كل واحد فتح محل قال انا تاجر كويتي صغير محد تاجر
التاجر الي يصبر و الي يؤمن بالربح والخساره موفق
اعتقد المشروح تابع لشركة اجيال العقاريه
طبعا لعيال العصيمى ابو محمد
وبالنسبه لتسويق المحلات خطا كبير يعطيك المحل بدون اجار لثلاث اشهر
وبعدها ياخذ منك مقدم 3 شهور لا والمحل يكون فاضى انت تبنى السقف
الديكور والابواب ووالخ يعنى خساير كثيره ولايوجد اقبال من الزبائن
فى صديق اخذ مكتب ونشاطه مكتب عقارى اول الايام لايوجد تلفون ارضى
كله على نقاله الخاص الله يعينه . وامور كثيره
اللى بقوله اذا رجل مقتدر ياخذ محل مافى مشكله لكن اللى فلوسه
على قد حاله انصحه لاياخذ
انا واحد من اصحاب المحلات هناك وللأسف قاعد اشوف ردود ماتدري عن الدنيا وقاعد يفتون مع كامل احترامي
مشكلة المنطقه مو بتسويق المحلات ولا بالاسعار ولا بغيره
المشكلة بكل بساطه ماكو زباين
شلون تبي تسوق حق منطقه للحين ميته
ليش ماكو زباين ؟
90% من المحلات ما فتحت
ليش المحلات مافتحت ؟
1- الصغار كل واحد ينطر الثاني وفي منهم ماسوا شي بمحله
الغلط من منو ؟ من هاللي ما اشتغلوا ؟ ولا من الادارة ولا من الحكومة ولا مني انا؟
اكيد من الناس اللي ما اشتغلت
اذا الادارة معطتك ست شهور
3 شهور مجانا و3 شهور مدفوعه مقدما
شحقه ما تشتغل ؟ شتنطر؟ ماخذ محل ليش؟
تحرك ياخي حرك نفسك وبتشوف غيرك يتحرك
بس مسكر محلك ليش
وآخرتها اييك يتحلطم يقولك المنطقه ما اشتغلت
وبنفس الوقت من جانب ثاني انا اعذره اذا ما اشتغل
بصراحة ما ينلام راح يقط فلوس على الديكورات ويقط فلوس على الموظف
ويقط فلوس على البضاعة واخرتها ماكو مردود شالفايده ؟
اهني نيي لمشكلة اكبر واهي الشركات والمؤسسات الكبرى اللي تحرك السوق
2- الشركات الكبيرة للحين ما اشتغلت مع انها المفروض
اهي اللي تكون تحرك السوق بكبره واخص بالذكر
لولو + رامز + الشارع الرئيسي اللي يعتبر واجهة المنطقة
للحين في محلات ما اشتغلت شلون تطالب المحلات الداخليه
انها تدفع اجارات شي مو معقول وغير منطقي أبدا
3- اللي يمر صوب القهاوي راح يشوف العالم شكثر هناك
وخاصة من المغرب لي نص الليل
عدد لا يستهان فيه من السيارات ومن الزباين
وهذا اكبر رد على اللي يقول منطقة فاشلة
واللي يمر بالشارع اللي فيه محلات الكهربا والاضاءة والقهاوي
راح يلقى فيه حركة عكس شارع التلفونات ورامز مع ان محلات التلفونات فاتحه
لكن للحين ماسوقت حق عمرها او انها تنطر الادارة تسوق لها
وهذا دليل ان للحين في قصور بهالمكان
4- البلدية والشؤون مو مقصرين بالمنطقة
عسى ماشافوا اعلان صغير ولا محل توه فاتح ماصارله يومين
وفيه موظف للحين ما تحولت اقامته إلا تلوه وسحبوه
طبعا الكل مع القانون وتطبيقه لكن ياخي قدر ظروف المنطقه توها يديده
والواحد مايدري شنو له شنو عليه
5- هالمنطقة تكاد تكون الوحيدة بالكويت اللي مافيها
اي عمارة داخلها لو بنشوف السالميه متروسه عماير
حولي متروسه عماير ، الفروانية ، جليب الشيوخ ، الفحيحيل
شلون على سكن الموظفين ؟
مجبورين يسكنون بالفنطاس ولا بالفروانية ولا غيرهم
واهني نيي حق مشكلة اكبر بعد واهي مشكلة المواصلات
6- المواصلات جدا سيئة وضعيفة واذا ماكانت شبه معدومه
اييك الموظف ينطر الباص ساعه ونص الى ساعتين
هذا اذا مر الباص بعد
غصب نوفر لهم سيايير يعني؟
7- التراخيص والبلدية وما ادراك ما البلدية
مشاكل الكهربا ومشاكل المنطقة حرفية بس ولا حرفية وتجارية
يقولك الحين بس حرفية
طيب شلون حرفية وانت مطلع آلاف التراخيص التجارية
وتيي عقب ثلاث واربع شهور تقول لا هالمنطقه بس حرفيه
على اي اساس طلعت الرخص التجارية ووهقت العالم ؟
لعب يهال السالفه ؟ وينك كل هالثلاث والاربع شهور ما طلعت هالعذر
لو كانت حرفية بكل بساطه شكو تطلع رخص تجارية؟
شي مو معقول ومايدش العقل والظاهر المنطقه محاربة وفي ناس تسعى لإفشالها
الحل طال عمرك
1- الشركات الكبيرة تفتح لان اهي اللي تحرك السوق والصغار عمرهم ماراح يحركونه بروحهم لو شيسوون والايد الوحده ما تصفق
2- الادارة تضغط على الناس اللي ماخذه محلات وللحين ما اشتغلت وتسمح حق اللي اشتغلوا فترة اطول لين يفتحون الشركات الكبيرة وتكتمل واجهة المنطقه واهو الشارع الرئيسي والضغط على اصحاب المحلات يكون يا تشتغل خلال شهر او ينسحب محلك
وبالنهاية انا اقولك تفائل بالخير وهذي التجارة ربح وخساره
ومايدخلها الا اللي قلبه قوي ومستعد يتحمل اللي يجيه من صدمات
احنا درسنا المنطقه وتأملنا خير ومتفائلين ان شاء الله
وناطرين الشركات الكبيرة تفتح عشان يتحرك السوق
وهذي رسالة للمسؤولين عن المنطقة
يرحم والديكم ترى خسارتنا من خسارتكم
ضغطوا على الشركات الكبيرة وفكونا وفكو عمركم من المشاكل
الناس املها فيكم وبالشركات الكبيرة انها تفتح
وبتشوفون المنطقة تتحرك بإذن الله وتستقطب اعداد كبيرة من الزباين
وننطر رامز يفتح ونشوف مصيرنا
لان رامز واصل مراحله النهائية حاليا من التجهيزات
وان شاء الله توصل رسالتنا ويضغطون على لولو هايبر ماركت + ستاربكس + المحلات اللي عالشوارع الرئيسية + الشركات الكبيرة انها تشتغل
لان حرام منطقه مثل هذي تعاني من هالاهمال والتسيب والفوضى
دورة المؤشرنت للتحليل الفني
50 دينار كويتي