أحذروا من السوق غدا الخميس أحمر ويمكن فاقع بعد..

[أعصار]

هاذا الكلام صحيح ميه ميه ياجماعه السوق باجر يخرع لادشونلايصيدونكم الحراميه

الله يرحم والدينك ..

 

[عبدالله 2]

شنو رأي صاحب الموضوع بعد اغلاق السوق باللون الاخضر​

 

[أبو عبدالملك]

لازم يرقع الحين

تعودنا على هالنوعيات

يبون يصيرون محللين بالعفرته

 

[supv]

أتمنى إن كنت سليم النية .. وأحسبها كذلك .. أن يكون هذا الموضوع درس لك ولغيرك بأن لاتستعجل بقول ظنونك للعلن وأنت غير متأكد وتعرض نفسك للخجل ....وتعرض نفسك لردود أفعال من الأعضاء أنت في غنا عنها ... والله المستعان .

 

[bonoor]

أخواني الأفاضل أتوقع السوق باجر احمر ليش ؟ أولا حكم محكمة اجليتي

يوم الجمعه يعني المتوقع لأجليتي وقروبها نزول أذا مو حد أدنى ثانيا حسب

ما وصل لي أيضا فشل المفاوضات لزين لشراء حصتها والخبر راح يعلن عنها

والسهم راح يروح تحت بعد علاوة أن باجر الخميس والناس تبي تكيش

أخر السوق ...لذا التوقع باجر السوق أحمر أحمر والعلم عند الله أكيد .

الله يهداك بس

 

[نصوح]

أصبحنا وأصبح الملك لله الواحد القهار

الحمد لله بأن الأرزاق بيد الله وحده مو بيد التجار والعباد
إذا هذه نفسياتكم شتبون من الصيادين يسوون وخاصة
إذا كانت الفرصة سانحة لهم
هذا سوق أوراق مالية ... نزول الأسهم كما هو يخسر
الكثيرين من المتداولين .. ترى أيضا يكسر ظهور الكبار قبلكم

السوق يمرض وما يموت ... خلوا عنكم الهلع والخوف وتفاءلوا
بالخير ... وإن شاء الأمور إلى الأحسن والأطيب بإذن الله
بس عليكم بالأسهم التشغيلية الطيبة والرزق على رب العباد

وبالنهاية إن شاء الله سوقنا أخضر .. لا .. وأخضر كزبري ( لون الكزبر )
حلوة كزبري ....وعسى الله يعوض الجميع ​

الحمد لله رب العالمين​

 

[thereelax]

الحين بعد ما سكر السوق مرتفع شنو وضع الاخوان اللي شغالين تخرع
عسى مو زعلانين

 

[الفهد667]

ايه أكيد حلوه الكزبرى والكرفسى بعد(لاهو قرمزى ولا فاقع ) ، أنا عندى نصيحه لأصحاب مثل هالمواضيع وبعرف شنو الفائده منها ’ يا أخوان بشروا ولا تنفروا ، واللى حاس انه متشائم يخلى هالشى فى نفسه يعنى قيس ذلك على الأكل اذا شفت والا تذوقت فيه ما تكره فالزم الصمت أو لا تاكل حتى تترك غيرك ياكل ’ واحنا حيل حيل جوعى من هالسوق يعنى اللى محتاجين الى المشهيات والبشائر والأخبار الزينه ، أتمنى ان الفكره وصلت وجزاكم الله خير

 

[قنوووع]

ايه أكيد حلوه الكزبرى والكرفسى بعد(لاهو قرمزى ولا فاقع ) ، أنا عندى نصيحه لأصحاب مثل هالمواضيع وبعرف شنو الفائده منها ’ يا أخوان بشروا ولا تنفروا ، واللى حاس انه متشائم يخلى هالشى فى نفسه يعنى قيس ذلك على الأكل اذا شفت والا تذوقت فيه ما تكره فالزم الصمت أو لا تاكل حتى تترك غيرك ياكل ’ واحنا حيل حيل جوعى من هالسوق يعنى اللى محتاجين الى المشهيات والبشائر والأخبار الزينه ، أتمنى ان الفكره وصلت وجزاكم الله خير

بسم الله الرحمن الرحيم

كلام جميييييييييييييل ورائع واصبت كبد الحقيقه بارك الله فيك وجعله في ميزان اعمالك

بشرو ولا تنفرو

انا اضم صوتي لأخوي الفهد واتمنى ان الفكره وصلت .

 

[الفهد667]

وأنا دايما أحب مداخلاتك يا قنوع لأنك ما تقول ولا تجيب الا الخير ، بارك الله لك وفيك .

 

[Q8 Stock]

هذه الجملة الاخيرة اول مرة اسمع واحد يقول العلم عند الله اكيد ... يعني عندك علم اكيد

انزين شنهو دليلك شنهو معرفتك بالشارات شنهو خبرتك بالبورصة (انا احيل هذا الموضوع الى ادارة المنتدى)


وشنهو خبر زين وشنهو خميس... وشنهو الجمعة ... يعني ودك نخسر قبل ان يأتي خبر الخسارة او خبر الحكم


اخوي لا تتفلسف على رأسي أنا أقول وفق المعطيات والمؤشرات الموجوده

السوق باجر أحمر تبي تدش دش مو مقتنع كيفك كلامي مو قرءان كريم

يبا دش واشتري والله يوفقك ههههههه

أخواني الأفاضل أتوقع السوق باجر احمر ليش ؟ أولا حكم محكمة اجليتي

يوم الجمعه يعني المتوقع لأجليتي وقروبها نزول أذا مو حد أدنى ثانيا حسب

ما وصل لي أيضا فشل المفاوضات لزين لشراء حصتها والخبر راح يعلن عنها

والسهم راح يروح تحت بعد علاوة أن باجر الخميس والناس تبي تكيش

أخر السوق ...لذا التوقع باجر السوق أحمر أحمر والعلم عند الله أكيد .

توقعك خاطئ وتكبر بردك على اخوانك (الكلام المظلل باللون الاحمر)
ولا شي من كلامك تحقق...!!!

المساله مو ضربة حظ او ودع



بارك الله فيك اخوي الفارس الذهبي
على هذا الاسلوب الراقي بالطرح


بالتوفيق