abdullah6868
عضو نشط
بعد التحرير اشتغلت على تجارة السيارات من الامارات الى الكويت والحمدلله ارباح محترمة فى شهر 8 عام 1991 جانى صديق وقال بعد بكرة بنروح المانيا تروح معانا يابو على قلت منو معاك قال فلان وافلان قلت الجماعه مانى عارف اطباعهم اخاف ما يبونى قال اسئلهم وارد خبر وفعلا رد خبر لى بالموافقة بس مو مثل اول ماجانى متحمس حسيت انه متردد فى سفرتى دقيت على الكبير فى الشباب وسئلته تبينى اخاويكم قام يحذرنى من المانيا ويحاول يخوفنى صراحة انا قطيت وجهى بحكم انهم من الجماعه وافهم منى واكبر وناس تتكلم انجليزى بطلاقه وانا ما اعرف ولا كلمه انجليزى وعمرى ما شفت اوربا بس الفرق انه معاى مبلغ ضخم وهم كل واحد معاه مبلغ بسيط قال صاحبنا روح فيز فى السفارة الالمانية وقص تذكرة كويت فرانكفورت كويت وفعلا ثانى يوم الصبح حطيت فيزة لالمانيا واستلمت جوازى الظهر وقصيت تذكرة كويت فرانكفورت كويت بخصم 50% بحكم عملى فى مطار الكويت الدولى وبلغت الوالد الله يرحمة واخذت استشارته لانه من عشاق المانيا وسافر لها عدة مرات -- اول شي حذرنى من اللى معاى قال بالحرف الواحد دير بالك منهم تراهم ما يعتمد عليهم اعتمد على نفسك -- استغربت -- المهم سافرنا وانا الفرحة مو شايلتنى الله المانيا مرة وحد يارب لك الحمد ويسر الامور المهم وصلنا فرانكفورت -- الصدمه الاولى -- الاخوان حاجزين كويت-فرانكفورت-ميونخ --- شلون يا اخوان الحين -- قالوا دبر حالك انزل فرانكفورت وتعال ميونخ بالقطار -- صراحه اخنقتنى العبرة -- بحكم صغر سنى وعدم معرفتى للغة الانجليزية ولا المانية -- وشكل الناس غير -- فية رهبة كبيرة من الوضع -- قلت بقلى وصلت الرسالة يايبة الله يرحمك نعم تعرف الرجال احسن منى انا الطيبه اعمتنى -- لكن يارب سهل الامور -- شنو عنوان فندقكم قالوا معروف فندق اطلس مقابل البانهوف( محطة القطارات الرئيسية ) وفعلا دخلت فرانكفورت مطر خفيف واصحاب التكاسى واقفين من فضل الله اخذت راحه نص ساعه قدام المطار اطالع الناس اللى رايح والى جاى طلعت كتاب الترجمة انجليزى واقرا شنو اسم محطة القطارات -- رحت لاول تكسى صاف بالدور سئلتة عن محطة القطارات -- طلع الاخ ما يتكلم انجليزى بالصدفة واقف جنبى كويتى مع زوجته صراحه كشخه ماشاء الله علية شافنى الدم ناشف من وجهى من الخوف والربكه وسئلنى انت كويتى والله العظيم عطيته بوسه على خشمة من الروعه وانا ما عرفة ضحك مع زوجتة قال شعندك جاى المانيا فية احد يستقبلك وقلتلة قصتى وان ربعى قطونى على صخر هذا الشخص ما انساه طول عمري محمد بوعركى يتردد على المانيا لعلاج زوجته الله يذكرها بالخير ام عبدالله قال لا اتخاف انت معاى ولا راح اخليك شبر واحد اركب معنا هذى سيارت المترجم صراحة من الفرحة طمرت ورا السايق من الفرحة مات من الضحك قال لا ياولدى اركب قدام انا ورا مع زوجتى طبعا لو شنو قال والله ما اخليه ما صدقت القى عربى والحين كويتى( يارب اجد الصديق فى الطريق) وفعلا تكلمنا بالسيارة واطمئن القلب بعد ما شفت الناس والكل فى طريقة ماله شغل بالثانى وطول الطريق والعم ابو عبدالله ينصحنى وقال هذى ارقام تلفوناتى وعنوانى اى مشكلة اركب اى تكسي ولاتكلمة بس عطة الكرت تبى فلوس ناقصك شى انت امر بس قلت انا ابى سلامتكم نزلونى محطة القطارات ومشكورين وفعلا نزلونى المحطة ونزل معاى المترجم وقص لى تذكرة ميونخ وقال اسمها ( منشن ) مو ميونخ وشرالى كتاب كيف تتكلم المانى بالعربى -- ( صراحة خدمة ما انساها طول حياتى ) عرفت ان اللى يزرع الطيب يحصد الطيب - وان الشعب الكويتى معدنه اصيل ركبت القطار وجلس جنبى اثنين ليبيين صراحة كشيت منهم لان العالم كلة يتكلمون عن الليبيين ومشاكلهم بس اصابعك مو سوى هذول مبين عليهم اعيال نعمة وصارو يتكلمون عن الغزو العراقى الغاشم وان اصلهم من الجزيرة العربية وابوهم دكتور معارض ليبى وهم عايشيين بالمانيا تجار سيارات يوم قالوا سيارات تلزقت فيهم علشان احطهم خط رجعه اخاف من الردايا اللى انا رايح لهم يقطونى مرة ثانية على صخر -- صراحة رجعت ظهرى على الكرسي وارتحت وقلت فى نفسي سبحان الله البعاد ساعدونى والقراب همولونى الله كريم تسهل الامور حسيت براحة نفسية كبيرة المهم وصلونى الفندق والا ربعى موجودين الواحد منهم شكلة حرامى بايق من اهلة شى ترحيبهم فينى على الماشى سكنت معاهم وثانى يوم جانا مترجمهم اكبر حرامى بالمانى اسمه ( ابودريد العراقى ) ورحنا نفتر معاه على تجار السيارات اول واحد رحنالة ربعى الليبيين انصدم مع ربعى لما شافونى سلمت عليهم وكأنى اعرفهم من زمان قالى على طول تعرفهم قلت ايه ربعى قعدنا ربع ساعه نفتر على السيارات المعروضة عندهم انا اعجبتنى بى ام دبليو قير عادى -- سعرها 3500 دينار -- قالوا ربعى مجنون هذى مو مرغوبة بالكويت اتركها -- قال العراقى اليبيين حرامية خلنا نروح لتجار المان احسن وفعلا رحنا لتجار المان وربعى شروا اربع سيارات مورسيدس -- ملاحظه -- العراقى اخذ عمولة من المانى بدون علمهم ومن ربعى وباق الضريبه 16 % منهم يعنى غير عمولته باق 400 دينار من كل سيارة -- انا تخوفت من العراقى ومارتحت له لانه باق مسجل سيارة قدامنا من حوطة سيارت مدعومه للبيع -- وقلت لربعى صاحبكم حرامى محترف قالوا مو شغلك تسوى نفسك فاهم -- حسيت بالاهانة وكتمتها فى نفسي -- بعد اربع ايام الشباب قالوا خلاص نبى نرجع الكويت -- قلت انا ما شريت شي -- كل ما قلت لكم سيارة سبيتوها وقلتوا تسوا -- انطرونى اشترى وانخلص على اى سيارة -- قالوا اسمح لنا --
هنية قلت بقلبى الرزق على الله مو على هذى الاشكال رجعنا للفندق بالليل لميت شنطتى وقلت مع السلامه -- وين راح اتظيع ترى المانيا صعبة -- قلت ما ضعت لما خلتونى بالمطار -- بدينارى اطوع اكبر شنب بعد التوفيق من الله -- والله لما طلعت من الفندق بالليل حسيت بسعاده من المعقدين حتى بالاكل فى المطاعم يتهاوشون مع بعض وسوالفهم سولف جهال وهم كبار -- سكنت بفندق قريب من محطة القطارات وثانى يوم رحت لليبيين وشرحت القصة وطلع ابوهم فحل يسوى الف رجل عطانى بى ام بسعر 3200 دينار وعلمنى طريقة الضريبه 16% وطلع لى خريطة المانيا وعلمنى كل شي وتعشيت فى بيتهم بنفس الليلة وثانى يوم شحن سيارتى وقال لازم تروح معانى هولندا وفعلا رحنا امستردام واستانست معاهم اسبوع كامل ودقيت على العود الله يرحمه وبلغته بالقصة وقال الرجل لازم يتكل على الله ثم على نفسة وقال مدام السيارات بهذا السعر اشتر 3 بعد وفعلا شريت اربع سيارات من الليبى -- وعلمنى على احد الاسرار يمكن الاخوان يعرفونها تجار السيارات -- انه كل يوم احد تنزل جريدة اعلانية نفس الوسيط اسمها ( داز) قبل الانترنت لا يكون موجود -- فيها اعلانات السيارات للبيع
وبعدها رحت لفرانكفورت --- شوفوا الصدفه -- لقيت ربعى متفرقين وواحد منهم معاى فى نفس الفندق ما عنده ولا فلس ينطر حوالة من الكويت علشان يرد الكويت -- ودة يتسلف منى بس مستحى بعد اللى سواة فينى بس رب ضارة نافعه تعلمت من ناس افضل منه مية مرة -- قلت تفضل 2000 مارك صرف نفسك فيها واذا ردينا الكويت ردها لى -- وفعلا ردنيا الكويت وبعد 4 اشهر رد افلوسى لى وانا بعت اقل سيارة 8000 دينار مازالت تجارتى قائمة الى اليوم من فضل الله وهم الله يكفينا شرهم ما استفادوا شي وهذى بداية تجارتى بالسيارات ومطبات الحياة اللى تعرضت لها
هنية قلت بقلبى الرزق على الله مو على هذى الاشكال رجعنا للفندق بالليل لميت شنطتى وقلت مع السلامه -- وين راح اتظيع ترى المانيا صعبة -- قلت ما ضعت لما خلتونى بالمطار -- بدينارى اطوع اكبر شنب بعد التوفيق من الله -- والله لما طلعت من الفندق بالليل حسيت بسعاده من المعقدين حتى بالاكل فى المطاعم يتهاوشون مع بعض وسوالفهم سولف جهال وهم كبار -- سكنت بفندق قريب من محطة القطارات وثانى يوم رحت لليبيين وشرحت القصة وطلع ابوهم فحل يسوى الف رجل عطانى بى ام بسعر 3200 دينار وعلمنى طريقة الضريبه 16% وطلع لى خريطة المانيا وعلمنى كل شي وتعشيت فى بيتهم بنفس الليلة وثانى يوم شحن سيارتى وقال لازم تروح معانى هولندا وفعلا رحنا امستردام واستانست معاهم اسبوع كامل ودقيت على العود الله يرحمه وبلغته بالقصة وقال الرجل لازم يتكل على الله ثم على نفسة وقال مدام السيارات بهذا السعر اشتر 3 بعد وفعلا شريت اربع سيارات من الليبى -- وعلمنى على احد الاسرار يمكن الاخوان يعرفونها تجار السيارات -- انه كل يوم احد تنزل جريدة اعلانية نفس الوسيط اسمها ( داز) قبل الانترنت لا يكون موجود -- فيها اعلانات السيارات للبيع
وبعدها رحت لفرانكفورت --- شوفوا الصدفه -- لقيت ربعى متفرقين وواحد منهم معاى فى نفس الفندق ما عنده ولا فلس ينطر حوالة من الكويت علشان يرد الكويت -- ودة يتسلف منى بس مستحى بعد اللى سواة فينى بس رب ضارة نافعه تعلمت من ناس افضل منه مية مرة -- قلت تفضل 2000 مارك صرف نفسك فيها واذا ردينا الكويت ردها لى -- وفعلا ردنيا الكويت وبعد 4 اشهر رد افلوسى لى وانا بعت اقل سيارة 8000 دينار مازالت تجارتى قائمة الى اليوم من فضل الله وهم الله يكفينا شرهم ما استفادوا شي وهذى بداية تجارتى بالسيارات ومطبات الحياة اللى تعرضت لها