كم سؤال عن تغييم السيارة

[المهندسـة]

السلام عليكم
حبيت اعرف اي تغييم اللي يخالفون عليه المرور؟
تغييم جامة السايق والا عادي؟
واي درجة اقدر اغير؟

انا عندي سيارة سبورت كوبيه وابي اغيمها حراري (هذا اللي يخفف الحرارة) وين وشلون؟

 

[احمد البحر]

مرحبا التغيم الي مسموح بس حق السيارات العائليه مثل جيب او سوبر يوكن ويسمح بتغيم الجام الي من ورا السايق اما السيارات الصالون ممنوع الا اذا كان عندج تصريح تظليل
وتغيم الحراري الوان في الاسود ودرجاته وفي شفاف وهذا مسموح في
واماكن التغيم وشركات التغيم وايد منهم في كول لو مار زي بارت وكلهم بالشويخ او الري
واسف علا الاطاله

 

[saryq8]

اختي فيه حراري شفاف مايبين ان السيارة مغيمة بالشويخ ويمنع الحرارة
وواحد من الربع اشترى فورد ماركيز غيم السيارة بالوكالة شفاف حراري طلع حسابهم تقريبا 100 دينارا طبعا الوكالة غالية اكيد الشويخ ارخص

موفقة خير

واذا تبين اخذ السيارة واروح اغيمها واردها لج حاضر

 

[محب الرياضه]

--------------------------------------------------------------------------------

نسبة التغيم المسموح بها 50%

السيارات المسموح بها

جميع انواع الجيب (بس الاجناب يعني اللي ورا السايق + الكرسي الثالث او الجنب الخلفي)

الوانيت (فقط بالخلف)

الفان (كله عدا جام السايق + الامامي)

حراري ولا عادي نفس شي مخالفه لسيارات الصالون

ترى حتى اللي عنده اعفاء من الطبيب ويسمح له بالتغييم يتخالف غير مباشر

وبس حبيت اضيف معلومه صج في تغييم شفاف سواء بالوكاله ولا بره نفس الشي كله ممنوع بس عند تجديد السياره بالفحص الفني عندهم جهاز يكشف التغييم حتى لو شفاف حتى لو الفحص حق السياره الجديده 3 سنوات او سنوي هم اي شرطي بالتفتيش يقول نزل الجامه اللي جدام ترى يبين يعني اللي يبي يصير ذكي على القانون ترى اهل القانون اذكى

 

[العتيبى2010]

مرحبا اخوانى
احب اصحح بعض المعلومات:
بالنسبه للوانيتات المسموح خلفى للغمارة فقط وغيره لا.
وبالنسبه للفان الجانبى فقط وغيره هم لا.
وطبعا النسبه للكل 50بالميه وطبعا اذا فى تضليل حرارى شفاف فبكل تاكيد غير ممــــــــــنــــــــــــــــــــوع.
والغرض او السبب فالمنع اهو مطلوب رؤية وتمييز الاشخاص داخل المركبه فى حالة الاشتباه وطبعا ال 50بالميه تفى بالغرض.
والجهاز اللى تكلمتوا عنه فاشل فاشل وكان ملغى من جم سنه ولكن اعيد استعماله واحيانا يتم اعتماد تحديد النسبه بالعين المجرده.. وترجع احيانا على حسب حجم الواسطه

 

[LS__430]

افضل تغييم حراري بالسوق

شركة زيبارت

كفاله 10 سنوات 1-

على التشققات

2-تغيير اللون بسبب الشمس

3- وجود الخطوط الدائريه اللي تشوه منظر التغييم وبالتالي يشوه منظر السيارة

وأفضل انواع التغييم

(( الشفاف اللي فيه نسبه بسيطه للون الدخاني ))

يعطي هيبه ونظره للسيارة

وأحسن شي بعد

للشرطة الحلوين

علشان مافي احط منهم

يتفلسف على التغييم ويسجل مخالفه

​

 

[محب الرياضه]

مرحبا اخوانى
احب اصحح بعض المعلومات:
بالنسبه للوانيتات المسموح خلفى للغمارة فقط وغيره لا.
وبالنسبه للفان الجانبى فقط وغيره هم لا.
وطبعا النسبه للكل 50بالميه وطبعا اذا فى تضليل حرارى شفاف فبكل تاكيد غير ممــــــــــنــــــــــــــــــــوع.
والغرض او السبب فالمنع اهو مطلوب رؤية وتمييز الاشخاص داخل المركبه فى حالة الاشتباه وطبعا ال 50بالميه تفى بالغرض.
والجهاز اللى تكلمتوا عنه فاشل فاشل وكان ملغى من جم سنه ولكن اعيد استعماله واحيانا يتم اعتماد تحديد النسبه بالعين المجرده.. وترجع احيانا على حسب حجم الواسطه

تصحيح للوانيت قمارة وقمارتين مسموح تغييم بالخلف

تصحيح للفان يصير بالخلف

تصحيح للكل ممنوع ثم ممنوع ثم ممنوع لسيارات الصالون حتى لو شفاف

 

[بالول]

والله لو انا سائل جان محد رد اختى لا تغيمين كلش ترى ممنوع وانا بالشرطه ان شفت اى سياره مغيمه بخالفها ولا تغيم مسموح الا تصريح وشكرا للاخوان

 

[احمد البحر]

ما كو مخالفه غير مباشرة

 

[كويتي راقي]

يا اختي ليش تعبين حالج لازم تغيمين السيارة
خذي نصيحتي
ركبي ستاير
انا مفصل ستاير حق كل السيارة الجانبي والخلفي
واذا جاء شرطي انزلهم

 

[كويتي راقي]

يا اختي ليش تعبين حالج لازم تغيمين السيارة
خذي نصيحتي
ركبي ستاير
انا مفصل ستاير حق كل السيارة الجانبي والخلفي
واذا جاء شرطي انزلهم
واذا تبيني اجيبلج ستاير انا حاضر

 

[العتيبى2010]

اولا : على محب الرياضه : تراهن على شنو ؟؟؟؟
ثانيا : ls430 ياخوك ماله داعى تقول الشرطه منحطين هذيلى هم اخواننا وربعنا وكل واحد بعمله وضميره وربه فوقه.
ثالثا : بالول تصدق انا رديت ولا ادرى ان راعية الموضوع بنت واذا بنت شنو صار فرق بنظرك(اهل المنتدى ترى كلهم شايفين خير ) احسن الظن
رابعا : كويتى راقى اقتراحك اهو الاصح ميه بالميه حتى بالفحص الفنى شيل وبعد ماتخلص رد ركبه وحتى داخل الفحص ماحد يقولك شى اذا عرف انها الستاره اللزق...
وتقبلوا تحياتى احنا اخوان وربع بكل الاحوال....

 

[gulffalcon]

كله خرابيط نسبة التغييم تقاس على السياره ونسبة تظليلها من المصنع مثال اي سياره المانيه تكون فيها النسبه ستاندر من المصنع 20% تضيفين عليها فقط 30% كحد اقصى لتصبح النسبه لاتتعدى 50% لجميع السيارات والنوافد وانا عندي سياره وغيمتها بهالنسبه ودخلت فيها الفحص الفني عادي بس الزجاج الخلفي ممنوع الدبه اقصد مو الباب وسويتها بشارع الزينه بس اهم شي يكون التظليل امريكي افضل نوعيه مكتوب عليه مو يقص عليج يعطيج تايون او غيره وسعره مايتعدى 20 دينار لست نوافذ احسن من اللي ينحط وماتقدرين تشيلينه لاي سبب ومكلف

 

[LS__430]

اولا : على محب الرياضه : تراهن على شنو ؟؟؟؟
ثانيا : ls430 ياخوك ماله داعى تقول الشرطه منحطين هذيلى هم اخواننا وربعنا وكل واحد بعمله وضميره وربه فوقه.ثالثا : بالول تصدق انا رديت ولا ادرى ان راعية الموضوع بنت واذا بنت شنو صار فرق بنظرك(اهل المنتدى ترى كلهم شايفين خير ) احسن الظن
رابعا : كويتى راقى اقتراحك اهو الاصح ميه بالميه حتى بالفحص الفنى شيل وبعد ماتخلص رد ركبه وحتى داخل الفحص ماحد يقولك شى اذا عرف انها الستاره اللزق...
وتقبلوا تحياتى احنا اخوان وربع بكل الاحوال....

تمون يالخال على التعليق

بس ما أعتقد إني كتبت الشرطة منحطين قلت الشرطة الحلوين !!!!

وأنا يا الخال ( ملازم أول بالشرطة ) علشان لا تظن اني اتكلم من فراغ !!!
واعرف ان الناس انواع على حسب تربيته وعلى حسب مزاجيته

لكن البعض شوه سمعة وهيبة رجال الشرطة بسبب تفلسفه الزايد

على اغلب الشباب وخصوصا البنات

وتقبل تحياتي

 

[المهندسـة]

مشكورين وما قصرتوا
بالنسبة لتغييم الزيبارت وايد غالي ، تغييم محلات الزينة شنو احسن شي منهم؟
الامريكي نفس ما تفضل اخونا gulffalcon؟

 

[gulffalcon]

افضل شي التغييم الامريكي بس تأكدي انه امريكي مكتوب عليه usa لانه الوحيد اللي يعزل الحراره وما تشوفين فيه خدوش بعد غسيل السياره ولونه مايتغير مع الوقت وشكله جدا راقي انا مركبه على رنج روفر الكل قام يسألني وسعره مناسب بس لاتركبين اكثر من النسبه المسموحه يعني حطي 30% وشرطي على اللي ركبلج بشارع الزينه ان النسبه صحيحه ولا تحطين الا الاسود الفاتح مو الدارك كلش يعني خليه يكون فاتح تره بالليل تشوفينه غير والنسبه تزيد ولون سيارتك من بره ومن داخل يلعب دور بالتعتييم مو تحطين تغييم عاكس نفس المنظره تره شغل بهلوق انا قلتلج

 

[mmf]

افضل تغييم حراري بالسوق

شركة زيبارت

كفاله 10 سنوات 1-

على التشققات

2-تغيير اللون بسبب الشمس

3- وجود الخطوط الدائريه اللي تشوه منظر التغييم وبالتالي يشوه منظر السيارة

وأفضل انواع التغييم

(( الشفاف اللي فيه نسبه بسيطه للون الدخاني ))

يعطي هيبه ونظره للسيارة

وأحسن شي بعد

للشرطة الحلوين

علشان مافي احط منهم

يتفلسف على التغييم ويسجل مخالفه

​

>>علشان مافي احط منهم<<

((((تصحيح لأخوي وضع حرف الط بدل من الــ د والمقصود مافي احد منهم يتفلسف ))))


اخواني يوجد تظليل بالكهرباء يعني درجات كل ماتبيه يصير اغمج يصير واذا

تبي ترد الزجاج نفس الوكاله يصير تقدر تعتمه اللي درجة 100%100 وتقدر

ترده شفاف ... بس غالي شوي وهذا رقم صاحب العرض 99066260​

تٍـًــُ،ح يٍـًـ~ـيآتـ،ٌـٍـي

 

[بالول]

اذا شفت اى تغيم راح اخالفه والتغيم ممنوع الا بتصريح والتصريح له شروطه واولهم انت يالعتيبى لاتفتى التغيم مو ممنوع لا تروح فيها سجن وغرامة التغيم ممنوع وانت عارف ليش وشكرا وتقبلوا مرورى شكرا للجميع

 

[gulffalcon]

الظاهر يالبالول توك متخرج من الكليه وشاد النجمه وتبي تمشي وتخالف يعني هديت اللي يستعرضون بالشوارع ويذبحون بخلق الله وماسكين اللي يعتمون بعرف شي واحد اللي معتم شي يضر غيره وبعدين اذا مشتبهين بواحد معتم عندكم صلاحيه توقفونه بالشارع وللحديث بقيه

 

[cherish]

مرحبا اختي التغييم الامريكي افضل شي انا حطيت 10% والجامه اللي جدام 5% صج يصير فيها خط بالنص بس اهم شي الشمس ما اتدش على .. والحين شريت سياره ثانيه و بغيمها 30% وجدام 10% ولا خالفوني ولا شي لان بالليل غير عن الصبح هاذا اللي لاحظته الصبح يغمق اشوي و بالليل ولا كانج حاطه شي .. امشي انا وياج انروح انغيم اعرف خوش محل سوالي الجوانب وجدام اب 15 دينار وقفت في بلعومه طبعا حريم نشبه لوول