السلام عليكم,
اليوم كنت ادردش مع نائب رئيس مجلس ادارة شركة مدرجة بالبورصه نص الكويت مساهمة فيها
, مو هذا غرضي من الموضوع
سالت الرجل عن اجيليتي ووضعها واللي يحصل مع شركات النقل الاخرى حاليا بالبورصه!!
الرجل للامانة تحمس جدا وعلى فكره اهوا من ملاك السهم ويملك ارقام كبيرة جدا - يعني - لكم القياس يمكن يكون يمدح انه من ملاكه او غير ذلك بس بنقل لكم كلامة بالحرف.
يقول اجيليتي مو بس ناقل استراتيجي , اجيلتي تملك 8 مزارع ما تدخل للكويت منهم بيضه وحده كل شي يروح للجيش الامريكي، اتوقع قصد مزارع اغذيه - وتمويل لوجستي , ناهيك عن اساطيلها اللي تاسست حسب الطلب الامريكي والمعيار مالهم، بالاضافة الى ان الحل وصل لاجليتي اسهل من المتوقع لهم وقالي ارقام بس ما راح اقولها لان هالشي مادري بينفع او يضر بس ما راح اتكلم عن ارقام التسويه مع الاماريكان - طبعا الرجل قال شوية كلام ثقيل عن الملاك وانهم شوية ..... بس هم رد وقال انهم افضل ناس يتعاملون مع الامريكان.
بعدين قال اللي يصير مع شركات النقل الاخرى وارتفاعات قياسية لايمكن يكون بسبب عقود امريكية , ودخول الامريكان مع شريك اخر يقدم لها ما تقدمه امريكي , بل على العكس ان الارتفاعات جاءت بمنطق ( انو اجيليتي ما راح تاخذ عقود من الجيش الامريكي منو بياخذ غير هالجم شركة). يقول الرجل بالحرف ان الامريكان يدرون ان هالشركات مثل الزوري اللي تاكل ورى الهامور ويدرون ان هالشركات كانت تنفس لها اجيليتي بعض عقود الباطن عشان تعيش , وان ما تقدمة اجيليتي لامريكا لايمكن استبدالة بشركة نوع زوري
ترى والله العظيم مو قاعد اطبل انقلكم الكلام ماله بالحرف . المهم قال ان التسوية قاب قوسين او ادنى, واقل بكثير من العرض مال اجيليتي للبنتاغون ,