جيت الرمال الذهبية اكثر من 9 مرات مابين بايع وشاري
ولا مرة فيهم شريت ولا بعت فيهم ... يطلعون الموتر من خاطرك
اتقول الموتر مبيوق ولا مقصوص ... يجيك السوري يقولك هذي السيارة
ناقص فيها ماي المساحات ونسبة المكينة 65 % وفيها ربل صباب وفيها تهريب
في الشبنات .... طبعا يقولها لك كأنها فيها شاصي ... طبعا الشاري يكش من السيارة
وتفركش البيعه
ياخواني معنى نسبة المكينة هذي يعني الموتر يبيلة تصفية يعني لو موترك موديل 90
وتسويلة تصفية يروح فوق 80 % ..... وفي شغلة بعد اذا تشتري موتر من الوكالة وطلع
على طول على الفحص وقوله ابي افحص نسبة مكينة راح يعطيك 85% .. الانها هاذي
اعلى نسبة تعطيها اجهزتهم
وموضوع ربل صباب ... هذا له علاقة بي تبخير السيارة
امر طبيعي الانها تستهلك بسرعه وعادي اذا قالك ربل صباب 30%
وعلى العموم يتبدل وموضوعه بسيط جدا
عندي النجم الثلاثي احسن من اي فحص ... كافي انهم سمحين ومبروكين
واذا جيته تقعد بالمكتب وتطلع اتشوف سيارتك
الرمال الذهبية اهم شي ياخذ افلوس ....
النجم الثلاثي متعاون مع الشريطيه ..اذا احد منهم باع السياره يقولك خلنا نروح النجم الثلاثي .. اذا قلت له ليش قال ماعندهم زحمه وارخص لك ,,
انا مره شريت كامري من شريطي الله لايوفقه ... يوقف دايم عند الساير ويكشخ كشخه يحسسك انه عيال بطنها .. المهم خذيت السياره ورحت للنجم الثلاثي وقتها كنت جاهل وطايش .. فحصت السياره قالي مافيها شي
بعد 3 سنوات بعتها على صاحبي وقلتله لازم تفحصها ... عشان مايقول شي اذا طلع فيها شي بعد مايشتريها ... وديتها للنجم الثلاثي ...
السياره طلع فيها صبغ كاامل مع معجووون قوي ... انصدمت
قلتله انا فاحصها عندكم قبل 3 سنوات مافيها شي .... قالي
اكيد انت داعم عليها ولا حايشها قلبه ؟؟؟؟؟
والله العظيم وبالله الكريم انه ماحاشها ولا دعمه ياجماااعه
....
الرمال الذهبيه شريت كامري 2006 ماشيه 90 الف .. والسياره للامانه شبه جديده .. فحصها لي قالي مافيها شي ..بس تصفيه و ميزان تواير
نسبة الماكينه 88%
ومره ثانيه شريت لاندكروزر من المنتدى 2009 وفحصته عندهم ويعدها وديته للوكاله سيرفس وفحص وطلع نفس كلام الرمال الذهبيه