استفسار يا جماعه الخير عن الرنج السبورت

[WSM]

يا جماعه ابي اعرف الرنج السبورت خرابات ولا حجي وقطع غياره نار ولا متوسطه وشلون استعماله ياريت اتفيدوني وهل تنصحون بالرنج الامريكي ولا لا

وشاااااااااااااااااااااااااااااااااكر لكم

 

[MDH119]

اخوي قطع الرنج نار سواء سبورت ولا كلاسيك
والخرابات المعتاده فيه طرنبة البانزين + الابككس الامامي + الهيدروليك
وقطعه غاليه ولكن السياره من افضل السيارات استخدام
واذا كانت الميزانيه مرتاحه عندك اشتر ولا تتردد
وافتك من الامريكي لانه ماله سوق في البيع
ولكن بالاستخدام ماكو فرق نهائيا عدا العداد بالمايل

وتحياتي لك

 

[WSM]

بيض الله وجهك وما تقصر حبيب

 

[قرم وفقير]

انحششششششششششش دربالك لاتتوهق

 

[ابو_نايف]

السلام عليكم ويعطيك العافيه
اخوي بخصوص الرنج استعامله حلو والمكيف مو ذاك الزود
وبخصوص قطع الغيار اخوي تحترم الموتر يحترمك وانا ترا استعمله وشاريه من شهر 5 الي طاف
ومن اروع مايكون بس اخذه والله وياك ونصيحه اخذ سبورت لا تاخذ سوبر شارج
واتمنى اني فدتك يا الغالي

 

[LS__430]

ياشباب اللي يبي الزين لازم يتحمل

يعني تبي تكشخ بموتر ملفت للنظر ومميز

ووقت التصليح تبي قطع الغيار مثل سعر قطع كابرس 91

مايصير يالحبيب !!!!!!​

انا والله اكلمك بصراحه ولاتزعل ياخوي

ومثل ماقالوا بالأمثال

مافي حلا من غير نار

وانا ياخوك عندي رنج روفر كلاسيك وعندي بعد رنج روفر سبورت

( والحمد لله الف مره )

ووكل واحد فيهم له ميزه

الكلاسيك خراباته قليله بالنسبة للسبورت

بشرط تعطيه حقه يعني اول ماتخرب شغله على طول صلحها

لأنها تجر شغله ثانيه وتكثر الخرابات وبالنسبه للقطع ارخص من السبورت

ولكن لا صفطت الكلاسيك والسبورت أسمحلي السبورت يفرض نفسه عدل

والكلاسيك عيبه الهيدروليك أغلى من السبورت وسعره من 300 الى 500 للواحد

بس السبورت مايكلفك اكثر من 200 للواحد

وبالنسبه لقطع الغيار مثلا

طرمبة البانزين كلاسيك من الوكاله 85 دك والسبورت 280 دك

كراسي الماكينه من الوكاله 135 دك والسبورت 195 دك

كرسي الجير من الوكاله 29 دك والسبورت 48 دك

كولر ( مبرد الجير ) والثرموستات إجمالي من الوكاله 140 دك والسبورت 179 دك

بوشات الباكسس ( 3 قطع ) من الوكاله 48 دك والسبورت 61 دك

قطع الغيار للتصفيه الشامله للماكينه من الوكاله 110 دك والسبورت 165 دك

طرمبة سكان من الوكاله 92 دك والسبورت 120 دك

سفايف اماميه وخلفيه والسايد بريك من الوكاله 155 دك والسبورت 170 دك

وفي محلات قطع غيار غير الوكاله بس للأسف ماعندهم اغلب القطع مثل الوكاله

بس اكلمك بصراحه إن جربت الكلاسيك او السبورت

صدقيني راح تقول يستاهل اصرف عليه هالمبالغ لأنه رزه بمنعى الكلمه

والله يوفقك ياالحبيب​

 

[mxxy]

السلام عليكم


والله أخوي عندك جيبين ( ما عليهم حجي ولا تخاف منهم وقمة الفخامه والراحه )


جيب بورش كاين بأنواعه

والاند روفر ( رنج ) بأنواعه

بقولك شنو وضع الرنج روفر وحش الشارع

1- خدمة علي الغانم قمة السهوله ويركب كل شي أصلي من شركة لاند روفر الاصليه ( بريطانيه )

2- خدمة تبديل السياره اثناء الحوادث ( يعطونك bmw أو range أو لاند روفر )

3- قوة محرك الرنج روفر وسيطرته على كافة الطرق يعني لا تقولي جيب لكسزس لا تقولي كدلاك لا تقولي دينالي معلش الرنج يمشي بالبحر وما يقول أح !!!! أي نعم تقدر تشوف باليوتوب قوة تحمل الرنج في المستنقعات المائيه

4- قوة تحمل الرنج في حراره الكويت والخليج ما سمعت احد قال الراديتر عندي مو مضبوط وفيه مشاكل انه ما سمعت أصلا لو في شركة علي الغانم لا يمكن تسكت ولازم تصلحه لك

5- المكيف يعتبر افضل من الالماني بشكل عام وافضل من الامريكي أو نفس الامريكي يعني زين وطبعا كل ما قلنا رنج 2008 و 2009 و 2010 معناة المكيف قمة القوه والبروده لكن لو قلنا 2007 تحت فخقنول يعني نفس مكيف الامريكي يعني ماشي حاله

6- الرنج روفر عبارة عن كمبيوتر متنقل ! السياره اهيه الي تمشي مو انت الي تمشيها ! لو جربتها مره راح تعرف شقصد

7- السياة من ناحية الفخامه فمعروف ان هذي السياره من ضمن شركات رزريز البريطانيه ذو المحرك الالمنيوم ولكن شركة لاند روفر

8- من ناحية تجديد الشكل فرنج يحافظ على ان ما يطيح سعر الي قبله ولكن هم نقول قيمة السياره غاليه يعني

9- طبعا رنج رفور 2010 سبورت ماني متكلم عنه لأن لو عندي مبلغ 26 ألف اروح اخذه وانه مطمن تماما .


10- الرنجات قويه ، البدي قوي ، اذكر مره دعمت بلاند روفر السياره الي جدامي صارت قطعة حديد متخفسه وسيارتي ما صار فيها ألا بعض الزلوق البسيطه ! ولاحظ لاند روفر lr2 يعني حتى مو lr3 او رنج

11- الشكل من داخل لا يعلى عليه ابدا ، لا تيب ولا سيارة حق شكل الرنج من داخل وخاصتا 2010

12- السيارة تعمر معروف عنها تعمر وتكد كد برغم من انها فخمه

13- كل الي يخطر في بالك موجود فيها وكل شي حديث موجود فيها و موديل 2010 لا تشوف مفتاحه شلون صاير شكله رائع

14- الخرائط ماله حلو ، والسقف نظامه حلو ،

15- المميز بالسياره انك تشوف البدي من جدام يعني تحس انك ملك الشارع يعني عندك سيطرة كامله وتحكم كامل

16- الرنج روفر معروف ان متعة في السياقه يعني تسلية في السياقه ما يتعبك .

17- تحكم كامل بالكشنات الكهربائيه والمناظر الكهربائيه بطريقة منظمه ومتطوره

18- ليت زنون عالي يبط عيون السيارات الثانية


19 - لو دعمت فيه على الغالب انت ما تتأثر وصحة الانسان اهم من كل شي يعني أمان ، بالنسبة للحزام ما يسكت ألا تلبسه لازم تلبسه مو مثل باجي السيارات لا لازم تلبسه حتى المقعد اليمين هم لازم يلبس الحزام ولا والله ما يسكت ،

20 - تحكم فريد من نوعه بالسكان وكل الي تبيه بالسكان موجود ، المناظر عاكسه تماما لضوء الليتات الي وراك ، الجام واضح جدا ، وفيه ميزه ان كل ما الليت الي وراك ترك عليك اكثر كل ما سيارتك تظللت بروحها اكثر الجامات تعتم اكثر يعني ماكو فكه انت ما تتأثر

21- جميع مميزات السيارات الثانيه موجوده بالرنج وبكفاءه عاليه ، يعني مو مثل المرسيدس كل يوم مدخله السيرفس ، لا ما شاء الله الراديتر ما تعبيه ماي طول السنه واكثر ولا يقول شي والدهن كل 12 ألف من الوكاله أو 15 ألف من بره الوكاله الشركة تنصح جذي وطبعا دهن الوكاله اقوى لكن 15 ألف لو بره الوكاله لأن الشركة تقول ان المكينه ما تحتاج تبديل في كل مره وكل 3 آلاف

22- بالنسبه للمعونات والهايدروليك والامور هذي بقوة بلا حدود اطق المطبه اشكره تسمع صوت الهايدروليك قاعد يضغط بصوت ناعم ، يعين بطق مطبه تبي اطعز وغيره وغيره على راحتك

23- وطبعا فيه 5 موجات خاصه جيرات ثانيه غير الدبل الاتوماتيك وسايد بريك إضافي والصراحه السياره كل يوم عند يوم تكتشف فيها شي اكثر


22- البريك ، قوي جدا ونفس قوة بريك المرسيدس ، ولو صار حادث التواير تقفل بروحها ، وطبعا السفايف تتحمل وايد انه جربت شخصيا الاند روفر بريكه جدا قوي وعالي الاداء واقوى من بريك اي سياره ركبتها ثانيه والرنج بعد بريكه صمغ فتكس



شقولك كل شي تبيه موجود بالرنج روفر

بسسسسس



أهوه صج ان قوي بمعنى الكلمة وسياره تعمر وراحه وامان وبريك قوي ، بس عاد لازم انت تكون قوي يعني لازم جيبلك يكون مستعد حق الحوادث لا غدر الله ، أو حق تبديل الدهن ، أو حق السيرفس ، شغلك لازم كله من الوكاله على الاقل أول 5 سنوات ضروري بالوكاله وبعدين لم يطيح سعر السياره عاد كيفك ييب طلبية من بره ، علي الغانم ما عنده شغل الساير بربس ، لااا يقولك انه اايب من بريطانيه القطع يعني تحمل تنطر سيارتك تخلص بشهر وبهشر ونص على اتفه الامور .

يعني بختصار أنت مستعد حق تكاليف السيرفس ؟
ومستعد حق الحوادث لو حصل ؟

مادام مستعد اخذها وانت مطمن .

بالمقابل ان الرنج روفر ماراح يطفرك يعني ما يأذيك مثل باجي السيارات مره الراديتر ضارب ومره الجير ومره دهن ومره سفايف ومره معونات الامور هذي تنساها نهائيا الجراجات راح تنسه شكلها .


انه طولت بالحجي بس نصيحه ومميزات لو بتاخذ الرنج روفر ..


وتذكر أن فيه

Range Rover Sport HSE 24.500 KD
Range Rover Sport SuperCharge 37.500 KD

 

[بو بـدر]

فخامة وكشخة واحسن من أبولو 11 بس اخر الشهر طايح على افاك علشان تبدل دهن ... انحش

 

[gulffalcon]

ياجماعه السياره هذي مهما تسولفون عنها ماتعطونها حقها واللي مو مجربها خلي يستريح انا عن نفسي جربت الاند كروزر وعقبه الرنج والله مافي مقارنه بينهم مساكين هالناس قاص عليهم الساير وين رايحين وياكم وعلى شنو رافعين سعر اللاند مادري سياره مافيها سيفتي بالامان صفر واذا ماتبون الامان وتبون تسولفون عن المتانه هم صفر لان يكفي الرنج بديه المنيوم ومبطن بفولاذ مو شينكو نفس الاند والمكينه والجير شتبون تقارنون بين ياباني والماني انتوا تقصون على نفسكم حتى اللي يقول عيب الرنج الهايدرولك غلطان تسوق مثل الناس والله اتحداك انه يضرب و اذا اخترب من الارصفه اوحفره كبيره يفش اما الاند تظرب فيه رصيف والله ينكسر شياله ويقلبك وعلى حسب سرعتك وين تروح وانا ماراح اسولف عن الرزه يكفي بالاسم يرز مو مطلعلي مداليت تويوتا وكاشخ فيها ترى فى ناس تحسب عندك هايلكس اقول حق اللي بيشتري قط فلوسك بسياره عليها القيمه وانصحك لاتشتري الامريكي لان فيه قطع ماتركب نفس الخليجي او الاوروبي يعني حتى لو تدفع زياده بس ترتاح بالاخير وأي معلومه او استفسار عن الرنج انا حاضر

 

[wooow]

قيادة الرنج روفر الاولى على الاطلاق فى الدفع الرباعي بالنسبه لي شخصياا بصراحه متعه وتحس انك سايق سياره صح الكبينه قطعه وحده جامده ما تحس بالسرعه وما تمل من قيادة ..لكن الخربات حدث ولا حرج طلعلي قرون بدلت البككس الامامي والخلفى على الكفاله ..

وهذا سبب افضليه اللكزس عليه وعلى الكايين الاعطال فقط والباقي لصالح الرنج

 

[ابن مطير]

طيب يالربع يعطيكم الف عافيه على الموضوع بصراحه استفدت منه لاني بخاطري اخذلي واحد

والشكر ايضا لصاحب الموضوع بس بغيت اسال اهل الخبره

احسن الرنج سبورت العادي ولا السوبر تشارج

 

[ck1]

VXR >>> its the best

 

[gulffalcon]

بمعلومه بسيطه تبي تعرف شالفرق بين الرنج السبورت العادي والسوبر شارج
الفرق بينهم بقوة عزم المكينه يعني السوبر شارج مكينته هاي برشر ضغط عالي
بس نصيحتي اخذ السبورت العادي لانك شتبي بالمكينه السوبر بتسابق فيه تره العادي مكينته حلوه وتشيله لانه بالاساس اهو خفيف مافيه وزن بالمقارنه بالكبير وبعدين السيرفس اخف من السوبر يعني بالصيانه اذا السبورت العادي مثلا 400 دينار السوبر شارج يطوف 1000 وانت لك الاختيار الاول والاخير

 

[pm.live]

أزيد على الكلام :

أن الاند روفر بأنواعه لو ركبته مرة وحده ما تقدر أتهده يصير أدمان لأنك راح تشوف باجي السيارات عباره عن قطعة حديد مزعجه جدا

 

[LS__430]

أزيد على الكلام :

أن الاند روفر بأنواعه لو ركبته مرة وحده ما تقدر أتهده يصير أدمان لأنك راح تشوف باجي السيارات عباره عن قطعة حديد مزعجه جدا

صحيح 100 %​

 

[محمد خليفه]

بسم الله الرحمن الرحيم

الرنج من افخم السيارات بالعالم ومركب مشاءالله

وصدقني المشكله مو بسيارتنا المشكله فينا

من جذي راح تلاقي ردود مختلفه الي يمدحخ والي يذم

يعني شلون تبي سياره ماتخترب وتلاقي

صاحبها مايهتم فيها ويطق ارصفه ويقحص فيها

وتلاقي عنده عشر اخوان كل واحد داقه سلف وماشي

ولا توقف كلش

هذا استعمال اغلب الشباب للسيارات صعبه تتحمل

لو كانت بوينج والله يوفقك باختيارك يارب

 

[fasal1979]

اتكلم من تجربتي التي تتجاوز 10 سنوات وانا كرااااف بالمواتر
اللحين انا صفيت بالرنج سبورت
بس في غلطه
حلاتها ماخذ موديل جديد وعلي الكفاله
لاني تعبت وانا ارووح بشارع الالماني
فيهم نصب ومزاجيه
بس الوكاله ترى مو غاليه
سيرفس كامل كبير ب130
واذكر كان عندي لكزس 460 كان السيرفس 198

صراحه الرنج مركووب ثاني وملفت للنظر

والله يوفقك ياخوي
وللاخوان المتشاحنين
هدوو اشوي
اذا كان في شي بينكم تكلموا بالخاص او تواعدواا وخلصوا الموضوع
اما ورا الجهاز عيب
مو ملزومين حنا نسمع تحديكم لبعض

مشكوورين

 

[WSM]

مشكوووووووووووووورين وبيض الله وجيهكم على الافادة الطيبه

 

[شيل و مشي]

انزين يا اخواني اذا بشتري رنج سبورت يصير اشتريه من الوكيل بقطر لان اشوف وايد كويتيين يروحون قطر ويشترون رنج من هناك لانه ارخص بس مادري هل الكفالة شاملة الخليج ؟

 

[WSM]

الله يا خوك على كلام الاخوان اخذلك امريكي ارخص ونفس الشي بس يمكن مو مرغوب كبيع لكن كاستخدام يقولون زين