دورة المؤشرنت للتحليل الفني
50 دينار كويتي
لو سألتني عن المملكهـ ..بقووول
شركهـ آرامكوا بلا منازع بالدرجهـ الآولى
ومن ثم مؤسسهـ النقد
والعمل في الجامعهـ في المرتبهـ الآخيرهـ ..!!
بسم الله الرحمن الرحيم
السلام عليكم ورحمة الله وبركاته
عندي سؤال لو سمحتوا
شنو افضل مكان للعمل فيه من حيث (المكان والكادر والبونص والحافز) ؟
ممكن ترتبونهم لي من الافضل الى الاسوأ
جامعة الكويت
وزارة المالية
مؤسسة البترول (طبعا الوفرة)
وشكرا لكم
مشكورة اختي على مشاركتج، ان شاء الله النصيحة تفيد اللي بالمملكةلو سألتني عن المملكهـ ..بقووول
شركهـ آرامكوا بلا منازع بالدرجهـ الآولى
ومن ثم مؤسسهـ النقد
والعمل في الجامعهـ في المرتبهـ الآخيرهـ ..!!
شاكر لك اخوي على مروركطع هذي
الله بالخير
هلا اخوي
ما هو مؤهلك الدراسي؟ جامعي تخصص ITوشنو طموحك؟ انمي قدراتي مثلا درست برمجة، استخدمها بالوظيفة وهكذا
نصيحه أخو ( المعاش يغث ويطلع من الجبد اذا مكانك مو عاجبك )
كل جهه من اللي قلتهم لها خط مستقل ومستقبل غير الثانيه
- الجامعه ممكن اذا اثب وجودك وعملك فيها يخلونك تكمل دراستك الى الدكتوراه وتفتحلك باب لحياه عمليه اكبر
الجامعة ان شاء الله راح اكون فيها موظف عادي بقسم نظم المعلومات ومسمى صائغ برامج
- وزاره الماليه حلوه ( للي عنده واسطه )
المالية بعد ماصليت الاستخارة شفتها صدفة وقدمت عندهم وناطر المقابلة، اشرايك اذا سويت المقابلة ووافقو علي اكيد بعد التدريب اشتغل عندهم؟
- البترول ممتازه ومزايا وظيفيه رائعه تعادل علاوات بمجالات اخرى
البترول ان شاء الله اذا نزل اعلان اقدم عندهم
بس كل يعتمد على الله أولا
ثم على تفكيرك لمستقبلك
ونعم بالله
ترتيبي للجهات الثلاث اذا كنت جامعي
1- البترول
2- الجامعه
3- الوزاره
يعني وزارة المالية مو زينة
ولو كنت مهندس راح احتار بين الجامعه والبترول
موفق خير طال عمرك
لا يعني مو زينة <<<--- عندي احساس راح انقبل بالماليةبالنسبه للجامعه زياده بالراتب 200 عن باجي الوزارات و لكن تاكد ان الجامعه ينطبق عليها المثلين اللي بقولك اياهم
وهل هذا ينطبق على الموظف؟
( صخلة الفريج ما تحب الا التيس الغريب ) لان وايد مميزات حق غير الكويتي و مناشبينا على الرواتب مثلا احنا اذا نراقب امتحان يطلعونا مبجر من الدوام هذا الحجي قبل البصمه و الحين شالوا عنا المراقبه خير شر و اذا راقبنا تري يكون شي ودي نستحي من الدكتور و نوقف له بالامتحان اما الغير كويتي يراقب بفلوس لا و احنا نفتر بالامتحان و اهم حاطين كراسي و ريل على ريل و كلاس شاي صعيدي و اذا الكليه فيها مؤتمر او ندوه او اي نشاط احنا نوقف سكيرتي بلاش لا و منظمين و تعبانين و مسوين كل شي و اهم بفلوس يشتغلون لا و كل ما قلنا لهم شي قالوا مو من مهامنا الوظيفيه و اللجان في بعض اللجان اصير بلاش لنا هذا اذا خذونا لان بالغالب اللجان لهم بس اهم بفلوس لا و مو عاجبهم و عينهم برواتبنا و يموتون و يدقدون تلفونات على ربعهم بالماليه عشان يعرفون جم رواتبنا
و ازيدك اللجان عندنا سكرتير ( طبعا مو كويتي ) واسطته قويه كل اللجان فيهم اهو و مرته و لا يحضرون و لا لجنه و تمشي لهم الفلوس و اذا كلش سمع ان احد معروف باللجنه معاهم يحضر بروحه و يا اخي السياره برادو لا و كان اول المسئول عندنا يطق كرت و اهو سكرتير مشيول عنه الكرت ( ناس واصله )
المثل الثاني
( السيط و لا الغني ) يعني لما انقول حق احد نشتغل بالجامعه ما نسمع الا شعليه و كشخه و عشتوا بس الواقع كراف على الفاضي و تفرقه بالرواتب يعني بقولك على البكالريوس قسم قاعدين يحكون قمل راسهم و زادوهم 1000 و شالوا عنهم البصمه ( واسطه قويه ) قسم كراف اليهد و لا يرتاحون و رواتبهم عاديه
مشكور اخوي على هذه الملاحظات والله يكون بعونكم
بالنسبه للبترول اتقوع وايد افضل لان بدلاتهم احسن مكان حتي لو كان طريج بعيد بس في بونص حلو و في جم فلس حلوين بالاوفر تايم يعني تتعب و انت باول شغلك و ترتاح بعدين
الماليه اعرف 2 هناك و لا ينصحون احد اصلا بس ميزتهم الدورات الخارجيه لا و بهوشه ياخذونها و دور و سالفه حتي واحد منهم بيطلع
عدل كلامك اخوي، بس انا اخذت اسوء احتمال عشان اعرف المقارنة تصير اشلونعلى البترول
مو بكيفك تختار
والحين التقديم للبترول يكون عن طريق مؤسسة البترول الكويتية ومو بكيفك تختار المكان أهم يسوون قرعه إذا نجحت في الإختبارات
الإختبارات إنقليزي وقدرات وتخصص
صعبه طبعا
وكوني أحد موظفين المؤسسة أنصحك وبشدة تشد حيلك وتدش البترول خصوصا إذا كنت جامعي
وإذا كنت غير حاصل على مؤهل دراسي عالي
دش مشغل مصفاة والله يوفقك
البترول فيه أسرار تخلي الواحد يداوم من 7 لييييييييي 3 العصر ^_^
ليش لاتبي نصيحتي رووووح الاشغال وشتر راحت بالك
دورة المؤشرنت للتحليل الفني
50 دينار كويتي