ابي مساعدتك بخصوص لندن

[jassem777]

السلام عليكم




ابي مساعدتك بخصوص لندن


1- شنو طلبات السفاره للفيزا

2- وين مكان السفاره في الكويت

3- الي يعرف مندوب يسوي الفيزا يعطيني رقمه

وشكرا لكم​

 

[KUWAIT- STOCK]

السلام عليكم




ابي مساعدتك بخصوص لندن


1- شنو طلبات السفاره للفيزا

2- وين مكان السفاره في الكويت

3- الي يعرف مندوب يسوي الفيزا يعطيني رقمه

وشكرا لكم​

اخى الكريم

اولا تقوم بتعبئة هذا النموذج

http://www.vfs-uk-kw.com/images/VAF.PDF

ومن ثم الذهاب الى مركز استخراج الفيزا وليس للسفارة

ويقع فى العاصمة بجانب بنك الكويت المركزى و الكويت للتأمين و بنك برقان

ولا بد من حضورك للبصمة وبعدين تقدر تبعث السايق او المندوب يستلم

بس اخذ معاك صور شخصية + كشف حساب البنك مختوم + الجواز طبعا + تعبئة الطلب + الرسوم

 

[bosa4u]

بخصوص فيزا لندن القانون الجديد امنعو اي شخص يعمل الفيزا له الا عن طريق مكتب هذا القانون من 3شهور
وبنسبه للطلبات الفيزا تختلف اذا كنت تبيها للدراسه او للسياحه او للعلاج
بس انت روح المكتب الموكل من السفاره البريطانيه وهم يقولولك الطلبات

المكتب مكانه مقابل قصر السيف الي على البحر عند البنك المركزي
ومكان السفاره بين مطعم ميس الغانم وقصر شرق

 

[jassem777]

مشكور يالحبيب قواك الله كفيت وفيت​

 

[دربك أخضر]

الصور لازم تكون الخلفية بيضاء

 

[bensh]

اخوي ود معاك جوازرك وجم صووره وكاش تقريبا 30 اذا فيزا سياحيه

وقدم وثلاث ايام يعطونك فيزا

بس في ابليكاشين قبلها لازم تعبيه

 

[أبوسعد الخالدي]

مـــوووفق خيـــــــ{{{ر}}}

 

[jassem777]

اشكر اخواني على الرد والتوضيح

 

[بادئ التجاره]

المكتب مقابل للبنك الكويت المركزي ولازم صوره خلفيه بيضه مكشوف الراس ولازم في نموذج تعبيه وفي محلات تحت جنب المكتب يعبون لك النموذج ولازم الجواز الاصلي وحضورك شخصيا

اذا كانت الفيزا للسياحه بي جوازك وصوره خلفيه بيضه

اما اذا كانت للعلاج لازم صوره من موعد الطبيب وصوره خلفيه بيضاء


لازم تحضر للمكتب وتبصم وبعدها 3 ايام تستلم الفيزا


واى استفسار عن لندن لا يردك الا الكيبورد

 

[jassem777]

المكتب مقابل للبنك الكويت المركزي ولازم صوره خلفيه بيضه مكشوف الراس ولازم في نموذج تعبيه وفي محلات تحت جنب المكتب يعبون لك النموذج ولازم الجواز الاصلي وحضورك شخصيا

اذا كانت الفيزا للسياحه بي جوازك وصوره خلفيه بيضه

اما اذا كانت للعلاج لازم صوره من موعد الطبيب وصوره خلفيه بيضاء


لازم تحضر للمكتب وتبصم وبعدها 3 ايام تستلم الفيزا


واى استفسار عن لندن لا يردك الا الكيبورد

مشكور الله لايهينك

 

[الصدق منجاة]

بالتوفيق كنت داش ابي اساعدك بس الشباب كفوا اوفوا

والله نفرح بالشباب اللي مثلهم تحس من كتاباتهم انهم متحمسين للمساعده عسي ربي يحرسكم ويديم هالتعاون بينكم​

 

[love-england]

ياجماعه اللي يحتاج اي استفسار عن بريطانيا انا حاظر

هذا ايميلي
love-england1976@

 

[love-england]

love-england1976@hotmail.com

 

[CENTRALBANK]

شكرا على مجهودك جزاك الله خيرحبيت اسأل هل لك خبره عن تاجير الشقق في لندن

 

[عبدالعزيز-كويت]

السلام عليكم
مشكور اخوي على مساعدة اخوانك
وجزاك الله خير
اخوي ولا عليك امر عندي استفسار بسيط :
بغيت اروح دراسة لغة فقط لمدة 3 اشهر بعد العيد ان شاء الله ..
شنو طلبات الفيزا لدراسة اللغه فقط ؟
لازم قبول ؟
وجزاك الله خير

 

[love-england]

طال عمرك الطلبات كالتالي

اولا : اتييب اوراق القبول من المدرسة نفسها
ثانيا : كشف حساب ل 6 شهور من حسابك او حساب اللي مسئول عنك
ثالثا : اتروح مركز التأشيرات البريطانية مكانهم يم البورصه اجبال البنك الوطني
على شان اتقدم طلب فيزا طالب
رابعا : اتسجل مكان السكن هذا ظروري
خامسا: احضار صورة شخصية

اذا انت مو مختار مدرسة انا حاظر اقدر اساعدك بالحصول على مدرسة زينه

 

[love-england]

على فكره الأسعار في بريطانيا تختلف على حسب الموسم دائما تكون غاليه في الصيف ورخيصه في الشتاء لكن انا ما انصح الروحه في الشتاء بسبب الجو البارد شديد وايد اهناك


بالنسبه للأخ العزيز اللي يسأل عن تـأجير الشقق في لندن الأسعار مختلفه اهناك
تعتمد على الموسم وعلى المكان نفسه لكن الأسعار لا تقل عن 300 باوند اسبوعيا
في قلب مدينه ويست منستر في لندن اتعادل تقريبا 150 دينار كويتي
طبعا مثل هذي الشقه اتكون مفروشه تتكون من غرفه وصاله وحمام ومطبخ
نصيحتي دائما ان يكون الأجار يشمل "الكهرباء - الماء - الغاز المركزي "

ملاحظة للطلبة: دراسة اللغة الأنكليزية في قلب مدينة لندن دائما ارخض من ان تكون في القرى الفرق انه اسعار السكن في القرى تكون ارخص بكثير من لندن والمدراس تكون بأسعار مرتفعه والعكس صحيح في لندن المدارس اسعارها جدا رخيصة والسكن غالي

 

[love-england]

اتمنى ان اكون وفيت لكم اسئلتكم وانا حاظر لأي استفسار عن اي سؤال يتعلق في بريطانيا سواء كان للطلاب او للسياح - ارجوكم اقبلوا اعتذاري عن تأخيري في الرد وللأطالة عليكم
ياجماعه اللي عنده اي سؤال مستعجل او بحاجه إلى سكن في بريطانيا يقدر يراسلني على الأميل التالي: love-england1976@hotmail.com


تـــحـــيـــاتـــي
أخـــوكـــم : أحــمــد الــحــداد

 

[تويجر]

الفيزا السياحيه هل تتطلب كشف حساب وشهادة راتب؟؟؟؟؟

 

[Q8O]

اخوي تويجر مايبون كشف حساب ولا شهادة راتب

الي يبونه جوازك وصوره شخصيه وتعبي الابلكيشن وتقدمه وياخذ 3 ايام