شكل النفسيات تعبانة عندكم

[أبو عزيز]

ياحماعة انا لي أسبوع تقريبا الاحظ قلة في عدد المواضيع


( يعني لازم الا تخلوني اشري احرك لكم السوق شوي )

 

[بريد الكتروني]

المواضيع قليله من شهر ....

الظاهر لو ينزل السوق كمان 200 نقطه بيصير اضراب كامل عن الكتابه ... أول اذا تكتب موضوع في الصباح وتجي الليل تحصله في الصفحه الثالثه .... والحين تكتب موضوع في الصباح تحصله بعد ثلاثه أيام في الصفحه الاولى ...

ويبدو ان أغلب الناس طفشوا من السوق والأسهم الامريكيه.... البنك اللي اتعامل معاه كان من أول صعب تحصله على التلفون دائما مشغول .... الحين يردون عليك قبل ماتخلص ضرب الرقم !!!!

ياليت أبو عزيز تاخر الشراء للاسبوع الجاي حتى يمدينا نجمع قبل ماتدخل ....

 

[abonaser]

وازيدك من الشعر بيت البنوك المحلية التي تقدم خدمة السمسرة في الاسهم المحروقة الامريكية في السابق يتشرطون واقل مبلغ للعمولة 70 دولار لكل الف سهم واقل مبلغ 100 الف دولار , وانا اذكر اول مادخلت البورصة المزبلة اني اشتركت مع احد زملائي في حساب واحد لاننا لم نكن نملك المبلغ المحدد لفتح الحساب

والان العمولة وصلت الي 35 لكل الف سهم واتوقع مع هجرة العملاء من البنوك وخدماتها نشوف العمولة ب 30 لكل 5 الاف سهم , يعني حول داتك .

وفية حكمة تقول اذا كل الناس تتوقع الشر ويتكلمون عن الهبوط توقع ان يطلع السوق , لكن مع الاحداث السياسية الساخنة لا اظن . وشكلنا الاسبوع هذا نبي نشوف 1750