هلا اخوى فية شركتين
شركة يورو كار
و شركة sixt
وفية غيرهم مثل شركة hertz
انا خذيت بى ام الفئة الثالثة مدة 15 يوم من شركة sixt
خذيتها بسعر 1000 يورو
والبى ام الفئة السادسة نفس المدة 1850 يورو
للعلم شركة يورو كار ارخص
واذا خذيتها من نفس الشركات بس من برا المطار هم ارخص
واذا استمريت معاهم تأجر من عندهم تحصل على بطاقة البلاتينيوم ويصير لك 35% خصم مع اولوية الحجز فى حال ضغط السياح
ارقامهم
يوروكار - هاتف: (089) 973-5020
سيكست - هاتف: (01805) 262525
تقدر تحجز عن طريق النت اكتب فى قوقل ( البحث عن تأجير السيارات في فرانكفورت )
يطلع لك جدول الحجز والمدة والشركة الى تختارها وانتا تأكد حجزك
اخذ رخصة دولية معاك لان الموضوع حسب مزاجية الموظف
انا قبلو منى الرخصة الكويتية المترجمه الجديدة عادى
بنسبة للبانزين عندهم مثل البورصة مرة فوق مرة تحت
سعر لتر البنزين في ألمانيا 1.43 يورو
الديزل 1.21 يورو فى الوقت الحالى
بنسبة للخريطة
عندك القارمن كان معاى نوفى205 مثبتة بسيارة
ونوفى 310 حاطة بجيبى عليهم خريطة اوروبا < اخذ واحد من الاثنين وانسى تظيع
تصير كأنك ولد البلد
تبى مطعم - طريق - ترفية - مواقف - مستشفى - شرطة - منطقة - مدينة - دولة - اقرب طريق - ومميزات كثيرة
بس حدد واضغط اذهب يرسملك الخط مع توجية صوتى عربى
والمكان الى تبية وجازلك وبترجعلة ضيفة عندك بلجهاز مثل المفضلة
بالنسبة لفنادق القرى < هذى مناطق صغيرة واغلبهم يحطونهم على الطريج الى تمشون فيه بتنقلاتكم من قرية الى قرية
وتقدر تدخل سنتر القرية وبتلقا بعد
< عن نفسى ما احب اسافر الى اى بلد وما يكون معاى هلجهاز الجبار
بدون هلجهاز احس انى مغمض عيونى وظايع حتى لو بدون سيارة
انصحك بهطريقة للسفرات والله ماتنساها طول عمرك
وخل عنك السفرات التقليدية الى اغلب ربعنا يسافرونها مناطق محدودة واماكن محدودة وكافيهات وقعدة وتلقا بعضهم مسافر لنفس المدينة 20 مرة
ومايعرف شنو حواليها وما استكشف المنطقة راح تشوف بطريجك شغلااااات كثيرة اتوقع 85% من السياح ما شافوها
عموما جربوها اكثر من واحد من الربع بصراحة شكرونى كثير كثير كثير
لاتنسى الكاميرات الفيديو والصور وكثر ميموريات لانك كل شوى بتوقف وبتزل تصور بدون شعور << توثيق للرحلة
واسأل عن اى شى يدور فى بالك انا حاضر اخوى
وان شاء الله يفيدونك اكثر الاخوااان
ماشاء الله
تبارك الرحمن
الله يهنيك وعساك تسافر هالسنه وكل سنه
بصراحه عيشتني باجواء السفره
بخصوص السياره ما اعتقد راح اقدر اتحملها هالسنه
لان يا دوب المبلغ اللي معاي يكمل 3000 دينار , وانا بروح
معاي المدام وعيالي 3 يعني التذاكر بروحها بتاخذ اكثر من 1300 من غير السكن
طبعا اذا رايح مو مع قروب
اما مع قروب بطوف 2000 وانا اضحك
لكن ان شاء الله السنه الجايه نجهز لها من بدري
مشكور اخوي على هالمعلومات
وبسياره اكيد احسن بألف مره واخذ توم توم بدال جارمن افضل بواجد 
الله يرزقه 
بس اغلاب الاحكام ماكو شى لانها غلطات سفر
