أفضل كراج لتغيير لون السيارة إلى اللون الأبيض وأهم شي يضبط الصبغة

[khalifaq8]

يقول المثل من ( إستشارك دخل في ذمتك )
أنا عندي مرسيدس 2002 ولونه زيتي ودي أغير اللون أبيض وأهم شي يكون شغله نظيف حتى لو يكون غالي مافيه مشكلة .
وأتمنى من اخواني أعضاء هذا المنتدى الغالي أن يساعدوني
ولكم مني خالص الدعاء

أخوكم / خليفة

 

[أبو الجوري]

أخوي خليفه أسعد الله أيامك من سنه تقربيا صبغت مرسيدس 560 في كراج في الشويخ بصراحه فنان بس في شي خايس فيه صبغه قوووي حيل بس يوصخ الربلات

 

[bamk555]

أنوار كاظمة بالري بس غالي

 

[مشعل السبيعي]

هلا اخوي

تبي النصحيه لا تصبغ لو توديه للوكاله مافيه احد يضبط الصبغ 100/100
واذا صبغته بيطيح من سعره وقت البيع
احسن شي تسويه بع السياره واشتر لك سياره لونها ابيض

 

[خطـــــاب]

كراج مونديال
بالشويخ بجانب شركة بورش

 

[japan skyline]

تبي النصحيه لا تصبغ لو توديه للوكاله مافيه احد يضبط الصبغ 100/100
واذا صبغته بيطيح من سعره وقت البيع
احسن شي تسويه بع السياره واشتر لك سياره لونها ابيض

----------------------------

 

[Knights]

الي اعرفه احسن كراج بالكويت يصبغ على كلام ناس واجد كراج الريم يمدحونه والله
واسال عنه اخوي وموفق خير يا رب

 

[Knights]

الي اعرفه احسن كراج بالكويت يصبغ على كلام ناس واجد كراج الريم يمدحونه والله
واسال عنه اخوي وموفق خير يا رب

 

[&أبو عبدالله&]

كراج ادرار بادارة ابوعمر 66847763 فنان اسال مجرب ترى بالري

 

[ali_q8]

انواااار مونتانا وانت مغمض


وقبل كل شي روح شوف المواتر اللي عنده وشوف شغله وانت راح تقتنع

انا صابغ عندهم سيارتي وعطاني عليها كفاله 5 سنوات للصبغه ما تتغير ولا تروح لمعتها

 

[anonymes]

جايفرز كراج

عندهم فرن جديد تو واصل والفنيين من تايلاند شغل إحتراف

و العنوان عليك عاد انا اللهم سمعت كلام طيب عن المكان ونقلته لك

 

[الشلاش]

السلام عليكم أنا بعطيك راي من بعد يمكن سبع أو ثمان مرات جربتة تغيير لون شغلة فوق الزين وبخصوص الربلات يفتحهم ويصبغ تحتهم وردهم نفس ماكانو أنا السيارات إلي كنت أجيبهم عندة مالها ربلات بالسوق وبخصوص المعجون مايحطة علا السيارة عشان ماتخرب سمعت المحل
موقفين صار معانا عند فحص السيارات موجود بالكويت منغير ذكر الأسم مال المحل يقولون السيارة مافيها صبغ وحنة نقول للشاري فيها صبغ هههه ويشتري الشاري وهوة يضحك أذا الفحص ماصادة !!!أ الشراي ..... الكراج خلف الساير بشرق أسمة قابازرد المعلم طاها ونشاللة يشتغلك نفس ماشتغلي وتدعيلي

 

[mmf]

الي اعرفه احسن كراج بالكويت يصبغ على كلام ناس واجد كراج الريم يمدحونه والله
واسال عنه اخوي وموفق خير يا رب

نعم كراج(( ريما )) للتعديل فقط.... ومافيه كلام بعض الوكالات يشتغلون عندهم ومره سألتهم عن تغير اللون حق حوت من اسود اللى ابيض قالو لي بــ 1000 او 1100 والله ناسي بظبط بس ريما وقطع ولو ان اسعارهم ناااااااار
​

 

[©A©]

شوف اخوي مو شرط الغالي يكون جيد

انا صابغ كرسيدا عند كراج برقان بالشويخ قبل 10 سنين صبغ عام ( بيسكوت على قولتهم) وليلحين السياره موجوده عندي والله تقول وكاله ماشاء الله ب 160 دبنار هههه
وعلى فكره ما يدور اللزاق عنده كله فك وصبغ القطع والدعاميات بره
وراعيه نسيته بس ينقال له العوضي الله يذكره بالخير

 

[basemo]

فيه كراج فنان شفت واحد من الربع صابغ سيارته عنده موباين عليها انها حايشتها طقه نهائيا حتي الجسور اللي داخل كأنه مبدلهم اسمه كراج المونديال بس غالي والله

 

[ما شاء الله]

تبي النصحيه لا تصبغ لو توديه للوكاله مافيه احد يضبط الصبغ 100/100
واذا صبغته بيطيح من سعره وقت البيع
احسن شي تسويه بع السياره واشتر لك سياره لونها ابيض

كلامك عيل العقل
يعني لو يبي يبيع السياره بيطيح منها على الاقل 500 وحسب تكلفه الصبغه
يعني اشتر سياره بيضه وموديل احدث ونت الربحان