لوتجري جري الوحوش غير رزقك ماتحوش

[لرزاق على الله]

السلام عليكم ..

اما بعد انا يااخوان شاب كويتي عمري 23 طالب بالهيئه العامه للتعليم التطبيقي والتدريب واداوم مسائي من 2 الظهر لين 9 بالليل غير هالوقت يعني (صباحي) انا فاضي ابي شغله اترزق الله منها وتكون مناسبه وخفيفه مثل مندوب اومحصل اجارات .. الخ والله يبارك فيكم اخوكم محمد والناس للناس والكل بالله وسلامتكم

 

[qadsawi]

السلام عليكم اخوي البترول فاتحين التسجيل الحين سجل والله يوفقك

 

[لرزاق على الله]

حياك الله ياالقدساوي وماقصرت على الرد انا راجعت شركات النفط اذا تقصد اللي يوظفوني بمحطات البانزين انا راجعتهم اتضحلي ان اول 3 اسابيع دوامهم مايناسب دوامي (دراستي ) ويدخلوني دوره مدتها بسيطه هم اتزيد الامور صعوبه فاانا ادور بارت تايم ابوقت معين يتناسب مع ظروفي مع خالص شكري لك قدساوي

 

[qadsawi]

لا مو قصدي هذا ادخل علي موقع مؤسسة البترول وسجل طلبك وراك يدقون عليك بس فيه حق المتوسطة والثانوية والجامعة اخوي قبل لا يخلص التسجل واذا ماعندك اسكنر في البيت روح عند الطباعين وياك فلاش مومري عشان تحط مستنداتك ولازم تكون ابيض واسود الا الصورة لا يطوفك التسجيل تري فاتح صارله اسبوع الله يوفقك

 

[لرزاق على الله]

تسلم قدساوي انا ابي دوام الدوام اللي عارضته المؤسسة دوام كامل انا ابي بارت تايم وهذه مالاقيها بالنفط قدساوي سبق اني بحثت فيها لقيت ان الدوام مايصلحلي واذا دخلت يجبرني على ترك الدراسه على العموم ممكن تزودني بالعنوان الالكتروني مال الشركة

 

[الشكوىى لله]

والنفـط .. دواماتهـم ..!!
من الـ8:00 ص لـ 4:00 م

وألتزام

ماينفع كونك طالبَ في معهـد التطبيقي

عسى الله يوفقك دنيـاَ وإخره يالغـــــــالي

 

[qadsawi]

عندك زين الجمعيات حاول فيها بس جم عمرك لانه دعم العمالة ما يعطون الا لازم يكون عمرك 25 او تكون متزوج والله يوفقك

 

[لرزاق على الله]

اي والله ماينفع ياالشكوى لله مشكور على التعليق .. قدساوي انا عمري 23 مابي دعم عماله يبيلي شغيله ام 150 200 دينار جذي وانا تنزلي اعانه 100 دينار نعمه من الله كسرت ظهر اهلي والله ..والله يوفق الجميع .. بس شلون طريقة الجمعيان هذه ماعندي خبر عنها يعني شنو الوظيفه والراتب والدوام ..الخ ؟ اذا عندك خبر لاتنسانا قدساوي تعمل خير فينا الله يسدد خطاك

 

[qadsawi]

اخوي تروح اي جمعية بس لازم تعرف عضو بالجمعية هناك تقوله يوظفك بالجمعية بس قوله بدون دعم العمالة واجد يسونها يداومون الصبح بالوزارة والعصر بالجمعية وانت دوامك ان شاء الصبح اخذ لك وظيفة مراقب والله يوفقك

 

[لرزاق على الله]

قدساوي ابي دوام الصبح الجمعيه فيها صبح ؟انا دراستي تقريبا كل محاضراتي مسائي

 

[qadsawi]

الدوام الصبح بس انت تقدر تكلم المدير تشرحله حالتك تقوله انا اداوم العصر واهو يضبطك بدوام سنع بس شوفلك عضو بالجمعة او عضو مجلس امة تعطيه كتابك واهو يضبطك ان شاء الله والله يوفقك

 

[لرزاق على الله]

ابي وظيييييييفه الله يبارك فيكم للي الله انعم عليه عنده شركة اومحل لاينسانا والله يزيده في رزقه

 

[N900q8.com]

موفقين

 

[شركة القيروان]

اخوي
حنا عندنا شركه عقارية بالجهراء
ونحتاج مناديب
وضيفتهم انهم يوفرون لنا بيوت عماير اراضي وغيره من العقارات للبيع او الايجار
وبالعموله
طبعا ما عندنا دوام الشغل كله على التلفون
اذا تحب اتصل علي