رحت لحراج السيارات وانصدمت من الجيب الاندكروزر

[الحمد لله 1]

والله الله والله شي مضحك حييييييييييييييل
مادري البشريه الي بهسوق لهدرجه اغبياء
اسعار خياليه تنافس الوكاله
مثال جيب لاند كروزر مواصفاته و1و2و3 مديل 2008 ماشي بحدود ال60 الف وداخليه محروقه من تتن الزجاير والبدي فيه زلوق بسيطه ووصاخت جهال من الداخل تحتاج تنضيف امور بسيطه سيارة لاباس فيها
سعرها 13 الف و300
شوف الصدمه سعر الوكاله نفس مواصفاتها مديل 2010 اصفار وكفاله وعلي ايدك سعرها بعد الخصم 14 الف و500
بختصار الفرق بين الحراج والوكاله 1000الي 1300 فقط لااغير
والناس دايخه

 

[hassan_abu3eed]

الناس كساله مايعرف يشترون ومالهم خلق يفرون وبتفكريهم ان الحراج رخيص مايدرون انه كله شريطيه وذيابه اذا فرق الف عن الوكاله انا اقول اخذ السياره اصفار احسن

 

[bo_sultan]

سلام عليكم

القصة كالتالي بيع نجش شريطي ينزل الجيب بالحراج وربعة يرفعون السوم ليييين توصل السيارة سعر الوكالة و الله يعينهم علي أكل الحرام و يعين الجميع​

 

[wawa]

لاحول ولا قوة الا باللة
اللة يكفينى بيع النجش
واكل الحرام

 

[خالد32]

انا مستغرب نفسك بل وصلت بعض الاحيان يبيعون اغلا من الوكاله..!!! واحد بكويت كار كاتب يبي 16 الف وهي بالوكاله 14 يحسب الناس جحوش؟؟ واذا سمت 10 قالك سومتك ملغيه وعصب!! يبا ابو واحد من الربع بايع 2009 6سلندر بقراطيسه 9 ونص وهذا سعره الطبيعي اواقل شوي يعني يفترض من هذا السعر الين 10ونص بس وانا شاري موتر يوم الخميس ماشي 11 الف ريحة الوكاله فيه جديد شاشه وديفي دي شاشات على الكشنات الخلفيه ويدات بلي ستيشن وملبسه الكشنات ومالات الوكاله محد قعد عليهم كلش السياره جنك مطلعها اليوم من الوكاله وموديلها 2010 خذيتها 12 و300 وماعنده مشكله يطيح ال300 بس قلتله بعدين انتفاهم لمن نفحص وعند الفحص انصدمت انه مافيها فتحه وهونت ردتني الفتحه والاالموتر ماعليه كلام

 

[Duke wahid]

سيارات كثيرة تنباع فرق عن الوكالة 500 دينار بس يعني سيارة من الوكالة جديدة وعلى أيدك

500 دينار واجد

ولا أذا قلت للشريطي بالوكاله بهالسعر ينظر أليك شزرا ويقول روح أشتر من الوكالة

وفي شي الناس يمكن غافله عنه ان سعر او قيمة الفوائد والأرباح السيارة الجديدة أقل من السيارة المستعملة

يعني لو حولت سيارة جديدة تكون أرباح المعامله أقل

 

[khaled6]

ياجماعه القصه ومافيها الساير ورا هاللعبه يعني يعطي الشريطيه السيارات وينزلونها للحراج ومتعامل معاهم لوتروح الوكاله يقول لك مافيه عندي تبي انطر شهرين سجل اسمك واذا وصلت اندق عليك فالناس تبي لاند كروزر تنزل الحراج تلقاه عند الجبايب مطيرينه عشره يهونون من الاند وواحد يندبس لا على قولت الاخ يوم يقول روح اشتر من الوكاله هو ضامن انك ماتلقى لو الساير يوفر السيارات راح يطيح سعر الاند بس يلعبها من تحت لتحت والضحيه المواطن

 

[Old_Nevy]

ياجماعه القصه ومافيها الساير ورا هاللعبه يعني يعطي الشريطيه السيارات وينزلونها للحراج ومتعامل معاهم لوتروح الوكاله يقول لك مافيه عندي تبي انطر شهرين سجل اسمك واذا وصلت اندق عليك فالناس تبي لاند كروزر تنزل الحراج تلقاه عند الجبايب مطيرينه عشره يهونون من الاند وواحد يندبس لا على قولت الاخ يوم يقول روح اشتر من الوكاله هو ضامن انك ماتلقى لو الساير يوفر السيارات راح يطيح سعر الاند بس يلعبها من تحت لتحت والضحيه المواطن

اخوى انا اايد كلامك رحت الساير علا هايلكس وقالى نفس الكلام انطر شهر 5 فى دفعه جايه وخذا رقمى والاسم وقبض من دبش
لولا الكاش مومتوفر كان اقرب وكاله فى السعوديه ابرك واحسن وارخص

 

[sab_alek]

والله كلامك من صحيح

الله يعين

 

[yes.man]

للاسف سيارة الناس ماخذه فيها مقلب
في جيوب افضل منه وارخص بس شتسوي
وبعدين لاتشترون من الحراج اشترو من الوكاله افضلكم
يعني الي يبي يدفع 10000 دك منت خسران اتزيدهم وتشتري من الوكاله

 

[BO.MSHARY]

أطالب بأزالة الحراج فوراً

ولو يزيلون الشريطيه معاهم يكون احسن


نصب واحتيال اشكره عيني عينك

شماخذين من الحراج وبلاويه !!


شيلوووه شيلوووه شيلوووه ​

 

[مضارب بورصوي]

يامعود اروح اجيبه من الرياض ابرك من سعر الحراج والوكاله وكالة الرياض ارخص من الساير بالفين

 

[نبيه خضر]

حسبيا الله و نعم الوكيل

 

[شيروكي اخضر]

يامعود اروح اجيبه من الرياض ابرك من سعر الحراج والوكاله وكالة الرياض ارخص من الساير بالفين

من صجك انت منو يقول



الي بالرياض نفس الفرع الي بالخفجي

والاسعار تقريبا نفس الشي
مو نفس اليوكن والتاهو



الاند سيم سيم سعر

 

[ابو الجوري1]

سلام عليكم والله وكالاة الكويت غاليه على شنو شوفو الأمارات والسعوديه وقطر يعطون تجي اسياره من المصنع كامله والكامل الله اما وكالاة الكويت لا ياخذون من السياره اشاشه ولاكسسوارات وي بيعونها لكم والله انا شريت لكزس من وكالة الساير 2008 تخيلو مالقيت العده مالوت اتواير والي يرفع السياره رحتلهم من عقب 7شهور وقالو اشتر انت يمكن بايقهم شوفو هدرجه وكالاة الكويت مو بس ساير كل واحد يقولي عن وكالات الكويت

 

[basemo]

صح وكيلهم عبداللطيف جميل

 

[F A L C O N]

المشكله بالناس انها تشتري اللاند الجديد مع ان سعره مبالغ فيه لدرجه كبيره ومواصفاته عاديه جدا
واللي يضحك ان شاشته تقول مركبها من محل زينه

واذا قلت ليش تشتري لاند قالك لاند تويوتا كد ومد هههههههههههه تلقا الواحد يشتريه ولا يدخله البر ولا يحمل عليه ( ليش شاريه ) وانا وجهت نظري السفاري الجديد احلا ب100 مره من اللاند
السفاري كشخه ومواصفات قويه ومعروف عن السفاري انه اقوى من اللاند ويتحمل ويعمر اكثر


وتقبلوووو تحياتي ,,,,,,,,,,,,,,,,,,,,,,,,,,,,,,, Hrm

 

[بو شيشه]

انا اقول نقطع الوكالات وناخذلنا سيكل بو هندل خاصة ان الزحمه صايره معششه بالديره
الواحد يبيله اغلب يومه علشان يرد بيتهم

 

[المطيري.]

صح كلامك اغبيااء وحرااميه

 

[بومعالي]

أهل العقول في راحه