###هــــــــــــــــــــــــــــــام حق مصلحتك عشان لا تصير فيك نفس ما صارت فيني###

[abdullah6868]

الله يعطيكم العافية جميعا يا اخوان
بالنسبة لتقرير كارفاكس فهو غير دقيق جدا ولا تعتمد علية فى البيع او الشراء -- لكن يفيد فى بعض الحالات
انا حاليا بكندا يوم الثلاثاء فية مزاد كبير جدا لسيارات الشركات لقيت تاهوات مديل 2007 الشكل الجديد دوريات ماشية 380 الف كيلو فى الكار فاكس الممشى 6000 كيلو فقط -- لسبب بسيط -- استخدام شركات وتاجير للشرطة ويعمل السيرفس فى نفس الشركة دون الذهاب لشركات الخدمة المشهورة التى تتعامل مع كار فاكس
* بالنسبة لكاتب الموضوع مايجوز التشهير بالاخرين الله يجزاك خير
* اذكر الحادثة بدون تفاصيل -- لانه فى هذى الحالة ممكن يقاضيك صاحب المكتب بحجة التشهير واحتمال انه شرا السيارة من زبون او تاجر بامريكا الله اعلم
* مع العلم بان اغلب مكاتب الكويت تلعب بالعداد وانا شخصيا وضعت كارفاكس مجانى للشعب الكويتى دون مقابل لله سبحانه ( ولكن حصلت مشاكل بين الناس والسبة هذا الموضوع وتم اغلاقة ابعادا للمشاكل ) كما هو مكتوب فى موضوعك
ابعدنا الله وياكم من كل شر وحفظكم الله جميعا
اخوكم ابو على كندا مدينة تورونتو​

 

[al-dbel]

الله يجزاة خير راعي المكتب على ردة الفعل وعفية عليك انت ياذيب لكن والله لو مكاتب الري ماتشم العربون اصحاب مكاتب الري 99% منهم حرامية

 

[airlinerq8]

يا ابوي انا اقول شتخربط لا ني شريطي ولا شي و صاحب المكتب لو حرامي جان كله فلوس الريال من العربون , عشان جذيه انا اقوله لا تقطع رزقه و سامحه دام تعاون وياك ..... شكرا

اولا شكرا لاصاحب الموضوع الرائع ..وجزاك الله مليون خير

ثانيا صاحب المكتب أكيد يدري لأنه أهو مستوردها من أمريكا وصارت فيني -بس من مكتب غير هذا -وهمن رجع قلوسي غصبا عليه الديره مو فوضه

ثالثا أمريكا مايغشون بالعداد لأنها جريمه يعاق عيليعا القانون بالسجن وغش من عندنا "عشان تضمن حقك اطلب ورقت الجمرك فيها كل شي على مسؤليتي والي مايعطيك أيها نصاااااااااااااااااب "

اما مو ضوعي شريت sl500 أمريكي ملعوب بعداده والفحص طلع سليم 100% لأنه استعملهم دزب هناك نسبت المكينه 78 % وكل شي سليم عقب 4 شهور استعمال دخلت وشفت التقرير وكانت ماشيه 100 ألف زيده يعني 190 ألف مو 90 ألف رحت المكتب تحلطم وقال مالك عندي شي قلت له تمام أنا رايح حماية المستهلك قالي روح سو إلي تبيه وراسكم ربع ساعه دق يعتذر لا وازيدكم بالشعر بيت شرها بنفس السعر بعد اربع شهور وفيها دعمه مني انا

الخلاصه أعترف مثل الأدمي وبرر موقفه "تبون سيرات رخيصه ومومشايه مايصير شلون " سياره 12 ألف رخيصه !! ولا لأنهم يشترونها high miles
رخيصه رخص التراب ويبون يربحون اضعاف :بأمريكا السعر على حسب الممشى "

وشكرا لصاحب الموضوع ومالك شغل بحجي التجار
وأذكركم أطلبو ورقت الجمرك فيها كل شي
سلام

 

[airlinerq8]

اشكر كل من شارك بالموضوع

خصوصا ابو غلا و الله كلامك على راسي بس ما ودي اتكلم

اول شي يا حبايبي لو اروح افحصه ما يبين اذا العداد ملعب فيه لا لأ

بعدين تكفون شالمنطق و المبدأ الي يقول بدام ردلك العربون لا تقطع رزق الريال

قصدك لا اقطع بوق الريال ،،،

يعني لو نصاب بايق مليون و انا بايق مني الف و ردلي اياه ،،، حرام ابلغ عليه بالمحكمة عشان لا اقطع رزقه بصراحة منطق غريب عجيب !!!!!!!!!

طحت بومقع كله تاجر خايفين على أروحهم ممكن أقتبس موضوعك على موثع ثاني ؟؟

 

[shanab]

شكرااا لصاحب الموضوع

 

[بوجويس88]

اشكر من كل من شكرني على الموضوع و أثني و بالعكس هذا حق و واجب علي اني ابينه
بس مادري بعض الناس مني مستغرب منهم شلون يرضون بالنصب يعني مع احترامي حق الي يقول ما تفرق من 77 الى 45 الف ميل يعني لو تحسبها بالكيلو = 48 الف كيلو العداد نازل ايه صح ما تفرق يعني جنك رايح الجمعية و ياي !!!!! يا حبيبي فرق الممشى أكثر من سنة

حتى لو ناقص كيلو واحد السالفة سالفة مبدأ و امانة

بعدين الي يقول الجمارك ما تدخل سيارات غرقانه و مدعومة دعمة جايدة انا ادري و هذا مال شغل بلعب العداد

و الي يقول روح افحص انا بفهم شدخل الفحص بالعداد

أخوي airlinerq8 اقتبس الموضوع و انشره بالمنتديات قد ما تقدر أهم شي خل الناس توعاه
(بس قولي اي موقع عشان اجيك عليه )

و الله يعطيكم العافية

 

[man.vip]

جزاك الله خير

تم النقل

منتديات طلبي​

 

[أبوسعد الخالدي]

نورتنا الله ينور عليك دنيا وأخرة

 

[sma]

اللة يجزاك خير ,,,,,,,,, طلعت فضايح هاالحرامية المحتالين

 

[سعود المطر]

الله يجزاك خير ..... ومشكور على طرح الموضوع
لتعم الفائدة للجميع .....والنصيحة واجبة على كل مسلم.

 

[بوجويس88]

جزاك الله خير على النقل

و أنتم الله ينور و يجزاكم خير على تقديري

 

[العونى 305]

مشكور بيض الله وجهك

بو جويس مشكور على التوضيح
وبيض الله وجهك بعض المكاتب هذيل
يخمون المساكين ويبيعونهم السيارات هذى
على انها جديده بس انت طلعت خياسهم
والفضل لله ثم لولد عمتك هذى سوالف اهل المكاتب
وغصب على شارب ابوه يرد العربون لنك مفتح وعرفت خياسهم
واذا مارده تشتكى عليه بالتجاره يسكرون بقالته ويبطلقا قهوه حق
بعض هالشباب الى ردودهم تدل على سذاجتهم
وبعدين شمزعل لخمة البحر يشترى من الكويت من برى شمزعلك
الظاهر انك من طقتهم ياجماعه الرجال يقولكم تاكدوا من هالحراميه
وشيكوا على ملف السياره الخاص اذا من برى الى مايبى يشكر
بوجويس ياكل.............. ويسكت مشكور وزين الله فكك منهم ياشباب تعليق بعض الناس يفشل
ويدل على انه صغير سن يابوجويس.اسف على الاطاله

 

[أبو الجوري]

ماقصرت يااصاحب الموضووع وبيض الله وجهك على الاقل وجهتنا الشكل السليم وبعدين صاحب الكتب مايقدر ياخذ العبون في شي اسمه حماية مستهلك اتسكر محله بالشمع الاحمر

 

[abo_ghala]

الرجال رجع العربون لأنه تم كشفه

تلقاه رجع العربون عشان يبلع العافيه لأن ماله حق

لو له حق كان ما رجع شيئ ويجرونه المخفر النصاب

ارضى برزقك بدون نصب يالشريطية حرام عليكم تطعمون عيالكم بالكذب الا من رحم الله منكم لكن الاغلبية يحلف كذب عشان يمشي سلعته

جعله النار اللي يكذب على المسلمين

 

[بوجويس88]

تسلم يا بوغلا و العوني و بوالجوري على حميتكم على اخوانكم المسلمين و الله يجعل في ميزان حسناتكم


أخواني من باب الانصاف
مايسير نحط بذمتنا شي بدون دليل مثل ان هذا ريال نصاب و لا هذا الكراج يتعامل مع المكاتب الا اذا كنا متأكدين مية بالمية و انا مجرد نقلت الحادثة الي صارت لي و يمكن الريال الي موجود بالمكتب ماله شغل بسالفة بس وظيفته يبيع و السالفة كلها عند الراس العود .............. الله أعلم بالسرائر