منو فيكم جرب قروبات جنوب افريقيا مع الرابية او البندر

[بيت]

السلام عليكم منو فيكم اخواني جرب السفر مع قروبات جنوب افريقيا مع سفريات الرابية او البندر يكلمنا عن سفرته من حيث الايجابيات والسلبيات
وجزاكم الله خير

 

[بيت]

ارجو المساعدة والاجابة والتجاوب والتعاون والمشورة .............up

 

[fayoona74]

انا عندي تجربة قروب لجنوب افريقيا بس مع البندر وكانت رحلة حلوة بس متعبة حيل من طيارة لي طيارة لان جنوب افريقيا بعيدة حيل واحلى منطقة فيها كيب تاون يليها سن سيتي مثل شاليهات بس وسط الغابة وشي حلو وابيخ شي العاصمة نسيت اسمها الزرع محروق مو شي

 

[بيت]

السلام عليكم ............اختي فيونة القروب اللي مع البندر كان مع قايد ولا بدون قايد وباي سنة سافرتوا وشلون فنادقهم وهي ونيسة لليهال ولا لا وشكرا

 

[fayoona74]

مع قايد وفنادقهم زينة ورحلات وايد استانسنا الدولة تستحق المشاهدة وتجربة يديدة بس حاليا سمعت ان مافي قروبات وقفوها انا رحت تقريبا من 6 سنوات

 

[بيت]

مشكورة اخت فيونة على الرد بي حبيت اسال القايد يطير معاكم من الكويت ولا تلاقونه ينطركم هناك بجنوب افريقيا وفنادقهم قريبة من المناطق الحيوية ولا لازم سيارة لان فنادقهم الحين اظن انها بعيدة وشكرا

 

[الكتكوت المتوحش]

اخوى ، انا رحت جنوب افريقيا
ولا جروب ولا شى ، اصلا ما يحتاج
انا حجزت على القطريه ، وحجزت شقه من الانترنت
ولما وصلت المطار اجرت سياره ( وانصدمت لما لقيت السكان على اليمين )
واستخدمت الgbs اللى بالتلفون ( نزلت عليه جارمن قبل ما اسافر ، بالاضافه لgbs نوكيا ) وهناك تفتر على كيفك
- كيب تاون ولما توصل هناك تحجز شاليه او فندق
- صن ستى ، ولما توصل هناك تحجز شاليه او فندق
- ليون بارك
- رينو اند ليون بارك
- جولد ريف سيتى
- لابيراشن بارك
- مانتى كزينو ( اهو مو بس كازينو ، هذا سوق وسينما ومادرى شنو ويستحق الزياره )
- وبما انك رايح رايح ، مر شوف العاصمه ( جوهانزبيرج ) ، ومثل ما تقضلت الاخت ، العاصمه ما تسوى ، بس انت الحين صرت هناك ، مر وشوف تمثال مانديلا
- غير انه هناك اماكن سياحيه كثيره ، اسال الفندق وراح يقولولك ، او مر السفاره ( مثل ما انا سويت ) واخذ كتيبات عن السياحه فى جنوب افريقيا

بالنسبه للاكل ، عندك ماكدونالدز و كنتاكى وناندوز بالاضافه لغالبية المطاعم الهنديه اكلهم حلال ومذبوح على الطريقه الاسلاميه

تاجير السيارات رخيص ، ولكن البنزين غالى حيل ، احرت كورولا هناك ، فلها يطلع تقريبا 15 دينار

لا ينصح انك تطلع بالليل او بعد مغيب الشمس ، يعنى عقب الساعه 5 ، واذا اضطريت ، لا توقف حق اى احد ، حتى لو شفته مرمى بنص الشارع ودمه ينزف ، لا توقف ، سو نفسك ما تدرى واستمر بالقياده ، ولو واحد قالك اوقف ، سو نفسك ما تسمع ، او ما تعرف شنو يقول وتم ماشى مالك شغل

وبصراحه اهى بلد حلوه حيل ، ولكن يجب ان تحطاط

 

[fayoona74]

اي نعم طار معانا من الكويت اهو اساسا كان كويتي بالنسبة للتنقلات دايما يكون بباصات القروب عشان جذي القروات ارخص كتكلفة