والله انت مسكين
ما تعرف ان هذا البلد بلد تجار
أعضاء مجلس الأمه يالحبيب اكثرهم ما وده يوقف مع العضو الطاحوس الي استجوابه عن قضيه تهم المواطن
لا تركن عليهم وايد
منو يملك الأراضي
شيوخ وتجار تبي يخسرونهم عشانك يا المواطن المسكين وانت شنو وضعك بالبلد
كل الي باقي في الإقتصاد العقار تبي الدوله تهد الأراضي عشان المواطنين خلهم يعطون بيوت لهم الواحد ينطر 15 سنه عسي يوصله الدور
اعطيك امثلة
تجار العيش
تجار الدجاج
تجار الأسمنت والحديد
اللحوم
في احد وقف امامهم وطبق القانون
قانون التدخين طبقوه
قانون شقق العزاب مع العوائل طبقوه
تجاوزات البلديه في جليب الشيوخ وخيطان في احد حاسبها
وغيرها وغيرها
تري انا مواطن مثلك ما ني تاجر بس واقعي
ودمتم
اخوي على الكلام اللي قايله...حسيت اننا في السودان مو الكويت...
اذا مااستند واعتمد على مجلس الامة...استند على منو؟؟؟
في المجلس من اسبوع تقريبا تم عقد جلسة خاصة عن ارتفاع الاسعار في الكويت...وناقشوا كل الحجي اللي تقوله...راجع المضبطة وراح تعرف اهمية اعضاء مجلس الامة..
ياخوي مصطلح الهوامير والحيتان طلع من اعضاء مجلس الامة..
قانون8،9/2008 الشهير طلع من اعضاء مجلس الامة...
قانون توفير 200 وحدة سكنية خلال 3 سنوات طلع من مجلس الامة..
قانون اسقاط الفوائد من المواطنين الكويتين طلع من مجلس الامة..
واذا تبيني احسبلك انجازات مجلس الامة احتاج الى صفحات وصفحات..
لا ياخوك...اركن عليهم وابصم بالعشرة...
اذا ماركن عليهم على قولتك اركن على منو..على( ودي اربح) وربعه..