ياهل الخبره شوفولنا حل بالفورد

[عـذبي]

السلام عليكم

ياجماعا نبي حل مع مكيف الفورد عندي فورد 2003 فكتوريا مكيفه حاار حيل الظهر بدال لايبرد يخليك تحتر ازياده وفحصت كل شي بالتكييف سليم

وعندي واحد من ربعي فكتوريا 2006 نفس سيارتي مكيفه حار


اذا في حل ياهل الخبره عطونا ؟؟؟؟

 

[الساحل1]

روح الري محل بلال خل يفحص التكيف ويعرف العله احسن واحد بالكويت تكيف سيارات ..

 

[عـذبي]

الساحل وين مكانه بالضبط وشسم محله محتاجه اليوم

 

[BADR-1]

حبيبي هذا الفورد تكييف خااااااااااااااااااايس بدل الكومبرسر حط ياباني ترهيم حق تيوتا بالشويخ يسوونة

 

[عـذبي]

اي ولله انه خايس لاني جربت كل الفوردات كلهم نفس الشي

ياليت تفيدني اكثر ابتغير الكمبريسر

هل يطيح من عزم السياره ولا عادي ؟

واذا بحط اي نوع كمبريسر احط ؟


ووين تعرف لك محل اروحله اغيره ؟

 

[B-A-1983-A-B]

خوقلبي انا كان عندي فكتوريا 97 مرهم عليها مكيف وكمبريسر كرسيدا كلفني 90 دينار بس مادري اذا يترهم على الالفين وفوق !
بالسكراب يرهمون لك وشرط التجربة بعد
بس تبي الصج يالحبيب الحرارة 55 وفوق يعين المكيف والموتر يبة زين من توديك السيارة وتردك : )

 

[ناصر فيصل]

التكييف

وين التكييف يبرد و وحرارة التابلوه ما تقدر تحط ايدك عليه كانه دفايه ومكيف بنفس السياره و ين تبرد السياره احسن شي سو مثلي انا عندي فورد احط فوطه و ماء وامسح التابلوه اذا برد التابلوه برد المكيف .

 

[بو بـدر]

الامريكي معروف مكيفة تعبان بعدين اجوائنا ما تساعد التكييف قبل امس درجة حرارة وصلت 53 وين تبي يلحق

الله يعين العمال بالشوارع والحمدلله على نعمه الى حنا فيها

 

[heart]

اخوي في واحد بالفحيحيل بنص الصناعيه اسمه كهرباء ماضي يم قطع غيار الشواف صج فيه غلاه عن الي حواليه شوي بس تو رفيجي مضبط تكييف ماركيز 2005 عنده ويمدح تكييف الموتر انا اشتغلت عنده كذا سياره شغله نظيف في واحد اسمه علي واذا بتروح عنده دق على رقمي وانا اكلمه لك ابشر66088088 واذا الفحيحيل بعيد عليك مالك الا الشويخ بس البس فنيله علاق ووزار الله يعينك على الزحمه وافتر عليهم غالبا الخلل بالثلاجه الي بالطبلون لانه تكييف الفورد الي اعرفه ممتاز

 

[Singel]

يجماعه الشويخ دوار الاكسجين المحل الي علي الزاويه واحد اسمه ابراهيم خوش مهندس وربي فنان روحوله وادعو لي اني اتزوج الثانيه وعسي الله يبرد عليكم في نار جهنم الي هي في الدنيا هههههههه

 

[ابن ضعيان]

وفحصت كل شي بالتكييف سليم

يمكن عندك غايش المكيف مرتخي... أو فلتر التكييف وسخ... أو الكمبريسور خربان وهو الأغلب ونصيحة إذا أنت مستعمل ركب واحد جديد وخلك من شغل الترهيم .

 

[q81963]

ماا ادري والله عن مشكلتك بس الي يقوول تكيف الفورد خايس اقووله غلطاااااااااان انا طب بيدي فورد فكتوريا موديل 1999تكييفه ثللللللج ومر علي فورد 2002تكييفه بااااارد قسم بالله احطه ع الواحد اثلج وما ادري شنو مشكلت سيارتك

 

[FOFOO12]

انا عندي 2003 رحت الشركه قالو من 2003 الي 2006 ضعيف بس غسلة الراديتر وفولته غاز وانصحك بالتضليل الحراراي وتوكل بالله

 

[عـذبي]

الله يعطيكم الف عافيه وماقصرتوو على المعلومات كلها


ولله كلامكم مقنع الصراحه الجو حار حيييل صحيح المكيف مايلحق

بس هم مكيفي حار

انا بروح وفتر على الي قلتولي عليه وابي اشوف وين الزين وشنو المشكله بالضبط

وراح ابلغكم ابكل شي انشاءلله

ولله يعطيكم الف عافيه ياخواني

 

[nawaf7007]

انا رفيجي راح ركب دقمه عيار حق الكمبريسر حقت فورد موديل 2000 صار يعيرها على كيفه يخلي الكمبرسر مايفصل او شغال على طول يصير ثلج والله

ومشكله 2003 الي 2010 ان الكمبريسر يفصل اذا كان الجو حار اوبارد

الدقمه اللي عليه اكترونيه والقديم من 2002 اللي 1998 الدقمه عيار تقدر تبرد

ركب دقمه وتوكل على الله

 

[nawaf7007]

واذا تبي رقمي انا حاضر

 

[adelO]

nawaf7007

الله يعطيك العافية معلومه يندفع فيها فلوس بيض الله ..
فعلا امس راكب فيكتوريا 2010 الظهر ومع ذلك الكمبريسور يفصل ويرد يشتغل بشكل ملحوظ .. ومزعج

 

[500sl]

حبيبي لا هذا ولا هذاااك .....(((( سكر باب المكيف من تحت الدرج يسكرونه (( السواركه + السورييين ))ههههههه وماجاك عندي لنه اهوا يدشش عليك الهوا الخارجي الحار . وسلامتك

 

[العونى 305]

لاتسوى شى طبيعى مكيفه مايبرد
لاتعبث بالسياره انا عندى فورد جديد
ماشى 30 الف ماينفع مكيفه بالصيف

 

[nawaf7007]

لا يخوي هذي خدمه ابلاش

تستاهل كثر اخوي

دقمه بطل الغاز وركب دقمه فورد ماركيز 1992

اوفرد موستنج 1995

وروح حق بلال اللي في الشويخ يركب الدقمه قوله في واحد عنده فورد ماركيز ركب عندك دقمه فورد قديم

اسم اللي في المحل (مصعب) معروف ترا محل بلال بس والله انا ماعرف المحل بضبط