اهل الجيبات تكفون نصيحتكم

[الاحمـد]

ياجماعه انا معاكم التيوتا كد ومد
لكن وحطوا تحت كلمه لكن الف خط وخط
سعره واااايد ضارب في العالي
عسى ماشر اللاند واصل ١٥ و١٦ الف دينار ولا ومستعمل بعد...
الكورولا اللي هي كورولا كبر راسها(((او بالاصح الساير كبر راسها)))
ووصلت ٥٥٠٠ دينار من عقب ثلاث واربعه الاف...

 

[f.f.j.r.2010]

برادو ... من واقع تجربة .... مكيف ثلج + نشيط + 3 كشنات (فيه شوي ضيق) مو مثل اليوكن + دبل + سعره فيه + سعر معقول + قطع غيار بمتناول الجميع.
اهم شي تاخذه نظيييييييييييييييييييييييييف

موفق

عندي برادو 2004

فاتحة على ايدي وليلحين كد ومد ماشى حوالي 230 الف ومن اعز مايكون

وترا موضيج حيل جنه لاند كروزر بعد فرق طفل بالابتدائية .

برااااااادو وبس

تويوتااااااااا وبس ​

 

[syassi]

اخذ نصيحت اخوك

السلام عليكم

شوف طال عمرك الموضوع يرجع لقدرتك الماديه ياريتك محدد السعر هذه اول شي

الشي الثاني لا توخر عن التويوتا اذا انتا رجل تبي مكيف وصرفيه بانزين خفيفه ودق سلف وتعبي بانزين بس

الله حطك بين خيارين يا برادو يا لاند كروزر بس الاند اذا بتاخذه من الوكاله انطر لحد ماينزل 2011 لانه حسب الي اسمعه فيه اختلاف بالماكينا وبعض الاكسسوارات عشان ينافسون الباترول الجديد وحتى لو تبي مستعمل لاند انطر لحد ماتنزل سيارات 2011 يمكن بعد شهرين راح ينزل قيمت المستعمل فا لا تشتري الحين اصبر انا واحد من الناس توني بايع لاند وسبه تخوفي من الموديل الجديد ارجع وقول تويوتا

 

[الأرستقراطي]

اخوي ثقافتنا كمجتمع خليجي مطيرين التيوتا واهو مايسوى لامركوب فيه خير ولا عزم ... اشتر وانيت هايلكس او ددسن بتلاقيهم نفس المواصفات ونفس المركوب ... تبي سوالف ربعنا اهنيه او تبي حسب المتصنيفات العالمية

ربعنا اخذ تيوتا يعني تشتري عشان تبيع مو عشان ترتاح وتستعمل ... لا والتيوتا الحين عيوبة ماتترقع واحنا ماشين بتقاليد الشيبان

نصيحة سيارة تستخدمها وترتاح ولما تركب بتكون راكب سيارة مو راكب بعير او صندوق طماط

اخذلك يوكن مصنف عالميا السايرة الاولى بالعالم
مركوب صح وموتر حلو مشاكلة قليله قطعه غيارة ممتازة مكيفة بارد وثلاث كراسي ورفاهيه وعزم وقوة وسعره في متناول الجميع

واذا تبي تمشي حسب تقاليد الأموات خذلك طيوتا واشترة عشان تبيع مو عشان تستعمل وترتاح

هذا بعد اذن الإخوان وبواقع تجربة تيوتا الالندكروزر واليوكن وجربتهم وضرب فيهم دروب والله التيوتا مايوسوى سعره بالذات للسفر يكسر الظهر ... اليوكن وعموم الأمريكي كشن الشفر ال79 يسوى كشن الاند موديل 2010
والبرادو حدث ولا حرج وزة بس على شكل جيب

وانا اضم صوتي للأخ مهم للغاية
شوف المراكز العالمية والمؤسسات المختصه في مجال تقييم السيارات
لاتاخذ المعلومة من اشخاص لايفقهون ابسط امور حياتهم اليومية
وان شاءالله بتهتدي للشيئ الزين بعيد عن سوالف الدواوين وشاي الضحى ... ابحث في قوقل وراح تشوف العجب

يعطيك العافية على الأجتهاد بالنصح ،،، ولكن السيارة الأولى بأمريكا هي الدودج ،،، و في مصر هي البيجو و الفيات ،،، و شوف هالثلاث سيارات سوقهم بالكويت و دول الخليج يعتبرون من أسوء السيارات ،،، التاهو ممتاز أول سنة و لكن تكييفه بالصيف عن تجربة ما يلحق ،،، الأرمادا أنعم من التاهو و أكثر مميزات و لكن تكييفه أسوء من التاهو ،،، يبقى اللاند كروزر ما استعملته لكن الكل يمدحه ،،، بالنسبة لسعره غالي لكن وكالته ممتازة من حيث الصيانة و المواعيد و اعتقد انه افضل الموجود بس انسى الفخامة ،،، بالتوفيق ،،،

 

[باحث الانترنت]

لا حول ولا قوة الا بالله

اخوى انت محتار والشباب كلن يمدح سيارته

انا اشوف انك تجمع اراء الشباب وتشوف السياره اللى يركزون عليها وحاول انك تخذها من احد

اصدقائك او تاجرها وتستعملها نصيحه لا تشترى سياره حتى تقتنع فيها عشان ماتخسر

والله يوفقك ويهديك الى ضالتك وييسر عليك

اسمحلى على الاطاله

هذا مجرد وجهة نظر ولك حرية الاختيار