اخي العزيز دولار
يوجد هناك حل ولكن لا اعلم هل يصلح لك او لاء
الحل ... تروح حق بيت التمويل - فرع الفيحا ... ( الفرع العقاري الخاص لبيت التمويل ) المهم عندهم طريقتين من التمويل العقاري ... الطريقه الاولي التورق واهي اللى انا فهمت ما تصلح لك ...
المهم الطريقه الثانيه
انك بالاساس يكون عندك بيت ملك ساكن فيه .... والبيت اللى تبي تشتريه يكون زائد عن الحاجه وللاستثمار ... طبعا البيت ( الاستثمار ) اللى تبي تشتريه لازم تدفع نصف مبلغه كاش ... مثلا لقيت بيت ب 120 الف دينار .... تدفع مقدم 60 الف دينار لهم .... ويشترون لك البيت .. والبيت يكون باسم بيت التمويل ...بنظام الاجاره.... طبعا يمهلونك السنه الاولى ما ياخذونك منك فلوس ... طبعا انت بتكون مديون لهم بمبلغ 60 الف + فوائد للسنه الواحد بحدود 4 الاف يعني اذا جيت بنهاية السنه ودفعت ال 64 الف كامله يحلون لك البيت باسمك ..
طبعا انت ما عندك المبلغ هذا ... ولكن خلال السنه انقول اجرت البيت ب 600 دينار شهري خلال السنه عندك 7200... اجارات البيت + انك تكون وفرت من معاشك شهريا مبلغ 300 دينار بالسنه 3600 دينار يعني عندك بحدود ال 10 الاف دينار من البيت والمعاش ... تروح تعطيهم يبقا عليك كم بحدود ال 50 الف يتم اعادة جودولتها مره اخرى ... وهكذا ... المهم
الشغله ماهي معقده وكل الناس التجار يسون هذي الطريقه مع بيت المويل الكويتي او كل الناس اللى يملكون على نصف او اكثر من نصف قيمة العقار ... علشان الباقي يكمله بيت التمويل ...
طبعا الضمان انك دافع نصف قيمة العقار ... والعقار بسمهم .. لحد ما يتم سداد المبلغ تحوله باسم اي شخص تبي .... واذا جتك بيعه حلوه للبيت وارتفعت الاسعار تقدر تبيع البيت وتسدد الباقي وتاخذ فايدتك مع فلوسك .... المهم روح حق بيت التمويل فرع الفيحا للعقار وانت راح تاخذ تفاصيل اكثر ... وان شاء الله الله يرزقك وتصير عندك عماره