حيوانات احسن من الأوادم...!!!!

[zooq8]

كويتي ينطر 15سنة واكثر عشان يطلعله بيت 400 متر

10,000متر يعطونها حق اي واحد عند 3 خيول عربية

يعني شنو ؟

 

[عصويد]

ياخوي خل يعطون اهل الخيول اسطبلات وخل يعطون اهل المصانع اراضي بس مو داخل الديرة عطهم بشقايا والوفره والعبدلي صحاري شاسعه المفرووووووض الاسراع بأعادة تنظيم منطقة صبحان وأسطبلات المسيلة

 

[قلم حر]

المشكله في بدل الايجار

قانونيا انت تستلم بدل ايجار يعني تم توفير السكن لك

من اول يوم زواج


والناس فرحانه ببدل البطاله بعد جم سنه ما فيه توظيف

والسبب انك تستلم بدل بطاله


والمشكله اغلب الاعضاء ما عندهم بعد نظر بس يطالبون بالبدلات

ويضيعون الحق الاصلي​

 

[q8_king1]

امس كنت في جواخير كبد وياحسافة علي هلاراضي الكبيرة وموقعها الحلو في وسط الكويت وقريبة علي المطار كان من الافضل استخدامها الاغراض الاسكان ونقل الجواخير الي مكان ابعد

 

[دينار كويتى]

ما فيه تخطيط والا منطقه على الدائرى السادس مباشره حاطين فيها جواخير غنم !!!!!!!!!!
ويقولون ما فيه اراضى .

 

[كويت 2020]

توك تدرى

 

[ابوو عبدالله]

ياجماعه البلد ماشيه على البركه

مافي خطة معينه يمشون عليها الاخوان

والكل صار يفتي من عنده

والخسران هو المواطن الكويتي المسكين الفقير

 

[المانع]

اخوى تدرى ليش احنا يطلعلنا البيت بعد 15 او 20 سنه


انا اقولك ليش لان حتى الحيوانات احنا حاسدينهم


والله ما انقردنا الا من الحسد


يعنى الحيوانات وين تبيهم يروحون يقطونهم فى البحر ولا وين !


وبعدين الحيوانات مساكين حتى علفهم غالى وجوهم حار لامكيفات ولاشئ


احمد ربك على اللى انت فى ساكن فى احسن مكان معزز مكرم مكيف وكل شوى طابخيلك طبخه ماكل شارب راتب بدل ايجار بيتك مكيف سيارتك مكيفه حاسد الحيوانا يا اخوى


احترم وجهت نظرك يا اخوى

بس نصيحه يا اخوى خل الحيوانات فى حالهم

وتفائل بالخير ياخوى وان شاء الله تشوف بيت فى الدنيا وبيت فى الجنه


سامحنى ياخوى على المداخله

 

[العاشق]

ياجماعه البلد ماشيه على البركه

مافي خطة معينه يمشون عليها الاخوان

والكل صار يفتي من عنده

والخسران هو المواطن الكويتي المسكين الفقير

للاسف حتا البركه اللي كنا ماشين عليها بدت تلاشا وتنعدم
وللاسف الشديد البلد قبل خمسين سنه افضل حال من هالوقت ​

 

[بومعالي]

يبا إنت من صجك ولا تتغشمر ؟ أخاف بس يعطون المواطنين 10000 متر .... السالفة ومافيها عنهم جم واحد من ربعهم بيعطونهم أراضي ( منتزهات ) قالولهم إشتروا الكديش والباجي علينا ... وبعد ما تتوزع عليهم الأراضي ( بالقانون ) بيصكون الباب على ال( مواطنين ) ويقولون إكتفينا :d

 

[investor 2007]

اتفق 100% مع الاخ بومعالي
انا عندي استفسار بسيط وبرئ ليش مناقصات الاسكان تاخذها شركة وحدة فقط ؟
ليش ما يكون عندنا شركة مقاولات حكومية اسوة بقطر والامارات وهي تنفذ ويكون دهنا في مكبتنا واسهمها توزع بين الحكومة والمواطنين ؟؟
المشكلة ان الحكومة تدري ان المقاول الرئيسي يوزع المناقصة على مقاولين بالباطن زين ليش ما تقسم المناقصة وتوزعها لجنة المناقصات المركزية ؟

 

[albraiky]

يبا إنت من صجك ولا تتغشمر ؟ أخاف بس يعطون المواطنين 10000 متر .... السالفة ومافيها عنهم جم واحد من ربعهم بيعطونهم أراضي ( منتزهات ) قالولهم إشتروا الكديش والباجي علينا ... وبعد ما تتوزع عليهم الأراضي ( بالقانون ) بيصكون الباب على ال( مواطنين ) ويقولون إكتفينا :d

ماقلت غير الصج وانا شاهد على هذا الامر

 

[و111حد]

المشكله في بدل الايجار

قانونيا انت تستلم بدل ايجار يعني تم توفير السكن لك

من اول يوم زواج


والناس فرحانه ببدل البطاله بعد جم سنه ما فيه توظيف

والسبب انك تستلم بدل بطاله


والمشكله اغلب الاعضاء ما عندهم بعد نظر بس يطالبون بالبدلات

ويضيعون الحق الاصلي​

الله عليك يا قلم حر هذا الكلام الصحيح تسلم ايدك

 

[ADEL ALAZMI]

اهو لو عدد السكان اكثر من 10 مليون قلنا مايخالف ننطر 15 سنه

لكن العدد واصل 90 الف باالاسكان ... ولله شخطت قلم من مجلس الوزراء

منتهي الموضوع وثاني يوم يبدون بالبنيه التحتيه ....بس وين القرار


ديرة ماشيه ع البركه من عشرات السنين !!

 

[هامور 2000]

لو ان عيال التجار ناطرين دور معانا جان انحلت مشكلة السكن عندنا

 

[nsm]

كويتي ينطر 15سنة واكثر عشان يطلعله بيت 400 متر

10,000متر يعطونها حق اي واحد عند 3 خيول عربية

يعني شنو ؟

هههههههههههههههههههههه
من صجك 10000 متر حق 3 خيول عربيه بس لالا مستحيل طيب وين
اخاف اشاعه بس
علشان يلهون العالم​

 

[zooq8]

هههههههههههههههههههههه
من صجك 10000 متر حق 3 خيول عربيه بس لالا مستحيل طيب وين
اخاف اشاعه بس
علشان يلهون العالم​

اتصل على الهيئة العامة لشؤن الزراعة والثروة السمكية قطاع الثروة الحيوانية , او اسئل اي واحد راعي خيل .

 

[nsm]

اتصل على الهيئة العامة لشؤن الزراعة والثروة السمكية قطاع الثروة الحيوانية , او اسئل اي واحد راعي خيل .

يا حجي إشاعه الله يهديك
أرجوا من المشرفين إغلاق الموضوع بسنا إشاعات

 

[zooq8]

يا حجي إشاعه الله يهديك
أرجوا من المشرفين إغلاق الموضوع بسنا إشاعات

الله يسامحك ويهديك والله صج ليش اطلع اشاعات شنو بستفيد وبعدين عطيتك المصدر (هيئة الزراعة) قطاع الثروة الحيوانية

 

[ابوجاسر 33]

يا شباب اولا الجواخير مو ملك يعني لو تحتاجها الحكومه من بكره تاخذها لاكن الحكومه مو محتاجتها يوم وزعتها اراضي حاليا توهقت اهل الجواخير بنوا وخسروا واكيد راح يطالبون الحكومه بالتعويض والحكومه ماتبي تعوض وتصد عنهم