زميلنا الغالي التلميذ تحليلك لو تكرمت باللي صار اليوم....
طبعاً طبعاً أخوي العزيز بروفو
الموضوع اني حاليا فى أمريكا وبينا وبينكم 7 ساعات ،، يعني النهار عندك ليل عندنا ،، والتداول يبدا بتوقيتنا هني الساعة 2 بعد نص الليل ،، يعني يالله شايف شاشة الكمبيوتر ،، ونص نايم !
طبعا واضح أكو صبيان ومندوبين محافظ وأصدقاء كبار مضاربين وعندهم المعلومه اللى مو عندي وعندك ! عارفين بالضبط متى الدخول والخروج ويتم توزيع المعلومه للمقربين ومساعدي التطبيل عبر الخاص ،، مو حق عامة الناس ،، يعني ماكو شي لوجه الله
مسأله واضحه ومكشوفه
المهم :
احنا ما عندنا معلومه احنا عندنا شارت نمشى عليه والتوفيق من الله باذنه تعالى ،، الذى يرزق النملة فى جحرها ألن يرزقني ويرزقك أخي الكريم !
فقط أوصيك واخوانى الأعزاء بتقوي الله واطابة المطعم .
روي أن سعد بن أبي وقاص خاطب النبى صلى الله عليه وسلم قائلاً : يارسول الله ادع الله أن يجعلني مستجاب الدعوة ، فقال له النبي صلى الله عليه و سلم:" يا سعد أطب مطعمك تكن مستجاب الدعوة والذي نفس محمد بيده إن العبد ليقذف اللقمة الحرام في جوفه ما يتقبل منه عمل أربعين يوما وأيما عبد نبت لحمه من السحت والربا فالنار أولى به "
الشارت وضعت عليه أرقام الدعومات والمقاومات الهامة ( وليس كلها فهذا الذى يضارب على نص فلس عنده فى كل تكه دعم ومقاومه ههههههه )
باجر باذن الله أتوقع صعود السوق بحدود 45 - 50 نقطه وهو الارتفاع الذى سيعقبه هبوط بحدود 100 الى 120 نقطه ،، والله أعلم .
لذا تمويل خليجيى وهو ما زال على الأرض طبعاً ،، وماكو شى طار ،، شلون طار ؟ سكر حد أعلى وماكو عروض والا شنو السالفه ؟ كل اللى صار انه ارتفع فلس واحد ،، هههههههههههه !
مع صعود السوق المتوقع هناك احتمال لصعود السهم الى مقاومة الترند هابط عند 42.5 وربما يتجاوزها بقليل الى 43 !
دعم 40 فلس واضح انه صار دعم قوي ومن بعده دعم الترند الهابط عند 39 ومن بعده دعم الفجوه عند 38.5 .
اللى يجيد المضاربه يكون حذر ويدش معاهم !
ولكن السهم مضاربه وارتفاع جم فلس ويعاود الهبوط ،، وماكو شى بيطير
بالتوفيق لك ولأخواني الأعزاء
