ياشباب أصدقو معاي : بناء دورين فقط كم يكلف ؟؟!!

ابو غانم

عضو نشط
التسجيل
19 ديسمبر 2003
المشاركات
1,288
ياشباب اذا الواحد راح يبني قسيمته دورين فقط لاسرداب ولا ثالث ولا ربع ولا نص .

عائلة صغيره ويكفيها دورين .

هل فلوس بنك التسليف تغطي البنيان بالكامل ؟

دعوه للنقاش وللأستفاده
 

طارق55

عضو نشط
التسجيل
13 أكتوبر 2008
المشاركات
397
يكفي وزايد بعد .. بس لاتنسي ان البنيان يغري .. لما تسوي الدورين علي قولتك .. تقول خلني اسوي غرفه كبيره وحمامها للخدم فوق .. يبيله لغسيل الهدوم ... والغرفه خلني اكبرها علشان اسوي مخزن .. حق دفايات الشتاء واهدوم الشتاء ومن هالسوالف ..

انزين اذا انت بلشت ببنيان الدورين لازم ايضا تسوي اعمده مهيئه للدور الثالث مستقبلا .. يعني تجهيز البيت للثالث .. وهذي ايضا تكلفه معينه تلزمك .. او حتي لو مو تكلفه لكن نظام بيتك يتحدد بطريقه معينه .. يعني تحط المصعد بمنتصف البيت تقريبا للاحتمال بناء شقتين في الثالث مستقبلا للابنائك ..


البنيان يغري حيل وتجيك 100 فكره وفكره .. بس اذا بتسوي دورين فقط تكفي و تسوي شي علي مستوي ممتاز بعد ..
 

almellyarder

عضو نشط
التسجيل
5 سبتمبر 2009
المشاركات
1,679
الإقامة
الكويت
حياك الله

ياشباب اذا الواحد راح يبني قسيمته دورين فقط لاسرداب ولا ثالث ولا ربع ولا نص .

عائلة صغيره ويكفيها دورين .

هل فلوس بنك التسليف تغطي البنيان بالكامل ؟

دعوه للنقاش وللأستفاده

==========================================
السلام عليكم


إي نعم ممكن تشطب ويزيد عندك لان الدورين يكلف من 50 الف د.ك الى 55000 الف د.ك والتشطيب ديلوكس عادي.
 

ابو غانم

عضو نشط
التسجيل
19 ديسمبر 2003
المشاركات
1,288
جزاكم الله خير

وانشالله يدخلون شباب قاموا بنفس التجربة المطلوبه وهي دورين فقط يمكن يفيدونا أكثر .

واللي بعرفه الأسود كامل بالمواد للمقاول كم التكلفه بالضبط ؟
 

faisel 2

عضو نشط
التسجيل
18 أغسطس 2007
المشاركات
2,622
الإقامة
الكويت الغاليه
==========================================
السلام عليكم


إي نعم ممكن تشطب ويزيد عندك لان الدورين يكلف من 50 الف د.ك الى 55000 الف د.ك والتشطيب ديلوكس عادي.

مبارك عليك الشهر أخ الملياردير..معنى كلامك اني اقدر أبني دورين وربع من 70ألف....تشطيب ديلوكس عادي
 

النجدي2007

عضو نشط
التسجيل
13 مارس 2007
المشاركات
2,754
الإقامة
الكويت مني وفيني
اخوي انا سال اكثر من مقاول صااادق
الدور يكلف تقريبا 25 الف دينار بالكامل مع تشطيبة
وانتبة !!!! لايزيدون عليك
 

‏abo_abdullah_

عضو نشط
التسجيل
30 مايو 2010
المشاركات
453
يختلف السعر حسب البناء ومواد التشطيب
اخوي مبلغ التسليف كافي وزايد لبناء دورين بتشطيب معقوله
بس ما يكفى لو حبيت تشطيب مختلف بمواصفات مميزه وكفاءه عاليه
وواجه وتكسيه ملفته بجمالها

بس نفس الا سبقني وقال البناء يغري صاحبه
لان الافكار تتكاثر وقت البناء
بالتوفيق اخوي
:)
 

ابو فرح2005

عضو نشط
التسجيل
12 أبريل 2009
المشاركات
267
اذا كان عندك مخطط شوف مساحه البنيان وتحسب التكلفه
الاسود يكلف المتر من 35 الي 5 حد اقصي
التشطييب ممكن يكلف المتر 40 وانت صاعد للمتر
والله يعينك
 

Rotary

عضو نشط
التسجيل
22 ديسمبر 2007
المشاركات
594
الإقامة
الكويت
أخـووووي أبو غانم/مبلغ التسليف يكفي للبيت العادي جدآ.. لأنه دووورين أســود راح يكلف مع المساح داخلي وخارجي من 20 ألف ألى 25 ألف باقي المبلغ أنته والأسعار ألي راح تحطها بالبيت
نصيحه أخوووي أبو غانم/المقاول عند التوقيع معاه بالعقد يكووون المبالغ الكبيره في أخر العقد
مثال/ عند بناء الأساسات 5 ألاف _ بناء الدور الأرضي 7 ألاف بناء الدور الأول10ألاف.
خل الدفعات الأخيرة مبالغه تكووون أكبر .. وسأل عن المقاول المجرب من قبل أقاربك
 

فهاد السعيد

عضو نشط
التسجيل
1 مايو 2010
المشاركات
37
ياجماعة اذا ابي ابني سرداب ودورين فقط جم يكلف افيدونا جزاكم الله خير
 

طارق55

عضو نشط
التسجيل
13 أكتوبر 2008
المشاركات
397
اخوي فهاد .. يكلفك تقريبا من 80 الي 90 علي حسب مخططك .. وعلي حسب شنو نوعيه مواد التشطيب .. وكل شئ بسعره .. بس اذا شغلك عادي تقريبا يدخل علي ال 80 لاتتوقع اقل
 

((فهد))

عضو نشط
التسجيل
22 مايو 2010
المشاركات
24
لا حول ولا قوة الا بالله
الله يسكنا منازل وقصور الاخره خير من منازل الدنيا
الله يوفقك ابو غانم ويجعله من المنازل المباركه اذا انت ماتعرف شي بالبناء اشتر جاهز ابركلك لان البنيان ياكل والاسعار مو ثابته بالسوق وفوق هذا يرفع الضغط ويشيب والله يسهل امورك
 

فتك 2008

عضو نشط
التسجيل
27 يناير 2009
المشاركات
12
اخواني ننتظر منكم المزيد من المشاركات

واشكر كل من رد ,,
 

ابو غانم

عضو نشط
التسجيل
19 ديسمبر 2003
المشاركات
1,288
وهذا أنا أنتظر آراء كثيره ليستفيد الجميع .. لان المعلومات هذي تفيد الكل
 

ماجد العلى

عضو نشط
التسجيل
28 يوليو 2007
المشاركات
147
كلفه الدور30 الف تقريبا بس بيتك لو بنيته دروين راح يكون شكله صغير بين البيوت لان اغلب الناس تبنى 3 ادوار فلو عزمت عالدورين قول للمقاول يرفع لك البيت واسال عن نظام الدوبلكس يمكن يفيدك وهو انك ممكن تسوى السقف عالى لكل دور وتييب نجار بعد ماتخلص من البناء يسويلك درج وسقف وغرفه داخل الغرف وتكسب المساحه عندك بالتوفيق
 

ابو غانم

عضو نشط
التسجيل
19 ديسمبر 2003
المشاركات
1,288
وتييب نجار بعد ماتخلص من البناء يسويلك درج وسقف وغرفه داخل الغرف وتكسب المساحه عندك بالتوفيق

يعطيك العافيه يالغاليه بس كل شي فهمته الا النقطه هذي ماقدرت أستوعبها ... شلون غرفه داخل غرفه ؟!!
 

ماجد العلى

عضو نشط
التسجيل
28 يوليو 2007
المشاركات
147
يعنى الغرفه تكون دورين او الصاله دورين وتحط لها درج تركب لها.يسونها اهل الاجارات خصوصا لو ماتسمح لهم البلديه بنسبه بناء زياده فيستغلون هالفكره بس لو عزمت لازم تسوى شباك عالى حقها وتحط لها نقطه كهرباء عشان ماتصير الغرفه بدونهم..اتمنى اشتفدت يالغالى..وانصحك ابنى 3 ادوار حق عيالك لو ماتاجرهم او تشطبهم ..
 

ابو غانم

عضو نشط
التسجيل
19 ديسمبر 2003
المشاركات
1,288
والله ودي أبني دور ثالث ورابع وخامس بعد .. بس أنا راتبي خلاص واقف على الــ 40 بالميه ماقدر آخذ من البنك أي شي .. وجدولة القروض واقفه بعد ... يعني على الله وعلى بنك التسليف ... وبعدين أنا عايلتي صغيره حيل حتى دور واحد يكفينا .

والله يعين انشالله ويعين الجميع
 
أعلى