السلام عليكم ياحلوين
بالنسبة للمشاريع يا أخوان بعطيكم مشروع اول شي راس ماله 500 دينار ويدخلك بالشهر لا يقل وحط مية خط تحت (لا يقل) عن 300 دينار المشروع اول شي انا اشوف ومو بس انا اشوف انه مو (حلال) ولكن هذا مثال نقول مثال ..
اللي هوو .. بيع سي دي cd أفلام .. طبعا تكلفة المشروع والمعدات راس مالها ناسخه تنسخ السيديات وسعرها علي حسب نوعها من 250 الي 400 وتشتري لك بالباقي سديات وصور للافلام حلوو
طبعا سعر ال cd بقيمة 100فلس بالكثيررر يعني كل عشر سيديات بدينار ..
تنسخ الافلام وتبيعهم لو تبيع باليوم بس عشر افلام راح يطلعلك عشر دنانير هذا اقل شي طبعا لانه انت احسبها ومجربه لدي الكثير لما تروح الجمعية ولا السوق ومعاك عيالك ولا لك انت شخصياً تشتري فلم ولا مسرحية ولا اي شريط من عند اهل البسطه بتاخذ اقل شي فلم فلمين وانت ماشي وحتي لو ماتبي تقول خله يترزق هالمسكين
مانبي نطول عليكم .. بحسبة بسيطه عشر دنانير بالشهر في ثلاثين يوم بالشهر
10 × 10 = 300 دينار وانت كل اللي دفعته وسويته بهالشهر انك شريت 300 سيدي بقيمة ثلاثين وطبعا اقل وانا حاط اعلا سعر للسيدي واقل سعر للبيع باليوم غير العطل خميس وجمعه وغير الاعياد والمناسبات ولا تنسي انه تحط عامل يبيعهم وله اللي تتفق معاه انه بتكون البسطه من المغرب للساعه 10 او 11 بليل ..
ولكن انا اقول هالمشروع حرام لانه فيه اثم وافلام وتتحمل وزر الناس ..لكن تقدر تحوله الي مشروع طيب وفيه اجر لما تبيع قصص الانبياء ورسوم الكرتون للاطفال والاناشيد وتعليم الطبخ وغيره وغيره وفكر وراح تلاقي اشرطه راح تنباع ومطلوبه ..
وبالاخير اقول هذا اقل شي يدخله هالمشروع .. راس مال بسيط جدا ومدخول فوق الممتاز بالنسبة لراس المال
..
وغير المشروع اللي قيمته 40000 أربعين الف دينار بالكثيرررر ..
ويدخل باليوم اقل شي 150 دينار اقول اقل شي مية وخمسية باليوم ومرات يوصل الي 250 باليوم .. اقل شي بالشهر 4500 دينار خلال ثمان شهور بالكثير ردلك راس المال وعندك مدخول بقيمة 4500 دينار .. والمشاريع كثيره وكثيره ..
وموفقين خير ان شاء الله جميعاً ..
<<< يقول بينه وبين نفسه صاير راعي مشاريع وبجيبه بس ربع دينار
