ليش حريمنا ما يعرفون الكلام الحلو !!!

مساهم11

عضو نشط
التسجيل
29 سبتمبر 2008
المشاركات
2,233
الإقامة
الكويت
استغرب من تعامل حريمنا مع ازواجهم
رغم انهن مرفهات وكل سبل الراحه متوافره لديهن
ولكن الكلمه الحلوة ما تطلع الا بالحسره ولحاجة بنفسها

شوفوا مثلا المسلسلات الشاميه كيف الكلام الحلو المنمق الي يريح

اذا نادت زوجها ابن عمــــــــــــــــــــي بمطه حلوة مثل الموسيقي

كل كلمه والثانيه تقوله تئبــــــــــــــــــــرني يا تاج راسي

شنو الي حارمنا احنا من هالكلام الحلو ؟
ليش حريمنا ما يطاوعهم لسانهم لمثل هذا الكلام

ان رضت ومزاجها رايق ردت عليك بكلمه خشنه بنعم ولا شتبي من اخر عرق باللسان

واذا مو راضيه شوف الكلام الحلو الي يطلع من تحت الارض


مدري حد يوافقني ولا انا غلطان
ارجو الرد من الرجال فقط
لاني عارف سلفا رد البنات
 

نواره1

إلغاء نهائي


أهاااااااااااااااااااااااااا للرجال فقط ...

خوش زفه ...

إنزين كلمة و لا جبر خاطر .. حتى لو اتعرف ردهم .. يا خي خلنا انعبر عن مشاعرنا ........ خلنا انفضفض عن الجراح و اللي مضى وراح ... :p




 

قلم حر

عضو مميز
التسجيل
29 مايو 2004
المشاركات
26,415
الإقامة
الكويت بلد الاصدقاء
ابن عمي وتئبرني يا تاج راسي :confused:
والوجه وجه عمشه وسبيجه :confused:

تبي الصج الدلع الحقيقي ان المره تحفظ الرجال وتحفظ بيته

هذا الدلع الصامت وهو اسمى انواع الدلع​
 

دنياء غريبه

عضو مميز
التسجيل
5 يناير 2009
المشاركات
12,840

مــَرحبــآ اخ مسآهـم11 ..!!

بمآ انك في خآطرك بس تشوف ردود رجآل

آسمحلي بس آقدم لكـ نصيحه طيبه واتمنى تقبل بكل رآحب وسعه

}{إذأ في خآطركـ تشوف كلام حــَلــو ..!

آسأل نفسـكـ وش مقصــر بحقها لااجل ماتقولكـ
:rolleyes:

 

مساهم11

عضو نشط
التسجيل
29 سبتمبر 2008
المشاركات
2,233
الإقامة
الكويت


أهاااااااااااااااااااااااااا للرجال فقط ...

خوش زفه ...

إنزين كلمة و لا جبر خاطر .. حتى لو اتعرف ردهم .. يا خي خلنا انعبر عن مشاعرنا ........ خلنا انفضفض عن الجراح و اللي مضى وراح ... :p





محشومه من الزف نواره
ولكن القصد اشوف ردة فعل المتزوجين
لاني عارف البنات راح يهاجمون وبس ويطلعون حرتهم
وانا اناقش بهدوء شنو السبب

شاكر ومقدر لك
 

مساهم11

عضو نشط
التسجيل
29 سبتمبر 2008
المشاركات
2,233
الإقامة
الكويت
ابن عمي وتئبرني يا تاج راسي :confused:
والوجه وجه عمشه وسبيجه :confused:

تبي الصج الدلع الحقيقي ان المره تحفظ الرجال وتحفظ بيته

هذا الدلع الصامت وهو اسمى انواع الدلع​

احسنت قلم حر ورد مقنع وحلو
ولكن لو كان مع الزين زين ما يصير زين ؟

حبيبي انت شو فاهم علي
 

مساهم11

عضو نشط
التسجيل
29 سبتمبر 2008
المشاركات
2,233
الإقامة
الكويت

مــَرحبــآ اخ مسآهـم11 ..!!

بمآ انك في خآطرك بس تشوف ردود رجآل

آسمحلي بس آقدم لكـ نصيحه طيبه واتمنى تقبل بكل رآحب وسعه

}{إذأ في خآطركـ تشوف كلام حــَلــو ..!

آسأل نفسـكـ وش مقصــر بحقها لااجل ماتقولكـ
:rolleyes:



يا هلا دنيا غريبه
اولا انا اتكلم بصيغة الجمع وليس عني شخصيا

وياليتك قلبتي صيغة السؤال والنصيحه
وقلتي ياليتنا احنا يا البنات نتعلم هالكلام الحلو
ونطوع السنتنا عليها

لان المسايره ثلثين العيش تئبرني هالطله
 

بو محمد المري

عضو نشط
التسجيل
13 يونيو 2010
المشاركات
205
كلا الطرفين في الشارع الخليجي على معرفة واسعه بمعسول الكلام

لكن ليس الجميع يحسن استخدامها وتوظيفها في الوقت المناسب
 

دنياء غريبه

عضو مميز
التسجيل
5 يناير 2009
المشاركات
12,840
يا هلا دنيا غريبه
اولا انا اتكلم بصيغة الجمع وليس عني شخصيا

وياليتك قلبتي صيغة السؤال والنصيحه
وقلتي ياليتنا احنا يا البنات نتعلم هالكلام الحلو
ونطوع السنتنا عليها

لان المسايره ثلثين العيش تئبرني هالطله


يآهلابك زودد

اقول : بلييز لاتحكي جمع لانو اصابعك مو ســو :rolleyes:

وإذأ انت تشوف كذا غيــرك عايش وبحسن حآل ومايشوف نفس ماتشوف

ع العمــوم النصيحـه وآضحه <~ ومافيني اكثــر حكي :cool:

لان بجد والله انت تحب تسوي سآلفه ع كل حآجه
 

سرور

عضو نشط
التسجيل
11 أغسطس 2009
المشاركات
6,904
البنت من صغرها متربية .. فالحب عند الزوجة يكون في قلبها

فاذا سافرت وتأخرت تقول لك ليش تأخرت ترى أولادك تعبوني ويسألون عنك .. وهي قصدها تعبت وأنا انتظرك لأنني اشتقت لك
 

مساهم11

عضو نشط
التسجيل
29 سبتمبر 2008
المشاركات
2,233
الإقامة
الكويت
يآهلابك زودد

اقول : بلييز لاتحكي جمع لانو اصابعك مو ســو :rolleyes:

وإذأ انت تشوف كذا غيــرك عايش وبحسن حآل ومايشوف نفس ماتشوف

ع العمــوم النصيحـه وآضحه <~ ومافيني اكثــر حكي :cool:

لان بجد والله انت تحب تسوي سآلفه ع كل حآجه

لا تعليـــــــــــــق
 

مساهم11

عضو نشط
التسجيل
29 سبتمبر 2008
المشاركات
2,233
الإقامة
الكويت
البنت من صغرها متربية .. فالحب عند الزوجة يكون في قلبها

فاذا سافرت وتأخرت تقول لك ليش تأخرت ترى أولادك تعبوني ويسألون عنك .. وهي قصدها تعبت وأنا انتظرك لأنني اشتقت لك

اخوي سرور ما نختلف ان الحب موجود
ولكن المطلوب اظهاره للزوج بالافعال
 

العاشق

عضو مميز
التسجيل
18 يناير 2009
المشاركات
14,324
الإقامة
هنا
اخوي سرور ما نختلف ان الحب موجود
ولكن المطلوب اظهاره للزوج بالافعال

مرحبا اخوي مساهم 11

انت بالبدايه تبي اظهار التقدير بالكلام وبعدين تطالب بالافعال ؟؟!!

علما ان المرأه بطبيعتها سمعيه وتحتاج الكلام اللين اكثر من الرجل

اما الافعال

فأعتقد حفظ المرأه لبيتها ورعاية اولادها ونظافة بيتها وملابس زوجها وأكله وشربه

وغيرها من الافعال دليل على تقديرها لزوجها وحبها له

اما تطاولها بالكلام على الزوج اعتقد من فعل يمناه وظعفه هووو

وهذا اللي يجب ان يناقش

وقديما قالو الخيل من خيالها والمره من رجالهااااااا;)
 

نواره1

إلغاء نهائي
محشومه من الزف نواره
ولكن القصد اشوف ردة فعل المتزوجين
لاني عارف البنات راح يهاجمون وبس ويطلعون حرتهم
وانا اناقش بهدوء شنو السبب

شاكر ومقدر لك



الله يسلمك يا أخوي .. أدري والله قصدك و نيتك .. بس إختك إتحب تتحرش .. ما تقعد راحه .... :eek:

خل ايطلعون حرتهم .. بهالدقم .... .. إكسب أجر فينا .. و خلنا انفضفض ونفضفض ليما إنطلع إللي بجبودنا ... و أجرك على الله ... :eek:

تحياتي لك .....
 

يوسف_007

عضو نشط
التسجيل
4 أبريل 2007
المشاركات
9,297
السلام عليكم ورحمة الله وبركاته،،،

مساء الخير على الجميع.

وجهة نظر

الجو هناك بارد ويشرح الصدر < الشام > < الكويت > غبار ورطوبه وحار

الأكل جبن وزيتون ومكتوس < الشام > < الكويت > عيش ولحم ومرقوقه

المرأه هناك الأكثر رب بيت < الشام > < الكويت > الأكثر موظفات وطالبات بالجامعه
 

سرور

عضو نشط
التسجيل
11 أغسطس 2009
المشاركات
6,904
السلام عليكم ورحمة الله وبركاته،،،

مساء الخير على الجميع.

وجهة نظر

الجو هناك بارد ويشرح الصدر < الشام > < الكويت > غبار ورطوبه وحار

الأكل جبن وزيتون ومكتوس < الشام > < الكويت > عيش ولحم ومرقوقه

المرأه هناك الأكثر رب بيت < الشام > < الكويت > الأكثر موظفات وطالبات بالجامعه

خلاص اخترت الكويت.. ما أحب المكدوس
 

المهندس حسين

عضو نشط
التسجيل
16 مارس 2008
المشاركات
1,359
الإقامة
الكُـــوَيـْــــــتْ
السلام عليكم ورحمة الله وبركاته،،،

مساء الخير على الجميع.

وجهة نظر

الجو هناك بارد ويشرح الصدر < الشام > < الكويت > غبار ورطوبه وحار

الأكل جبن وزيتون ومكتوس < الشام > < الكويت > عيش ولحم ومرقوقه

المرأه هناك الأكثر رب بيت < الشام > < الكويت > الأكثر موظفات وطالبات بالجامعه


هههههههههههه

جفاء الرجل ينعكس سلبا على المرأة

إذا حبها و دلعها راح تحبه و تدلعه سواءاً بالقول أو بالفعل

أما إذا عاملها بقسوة و جلافة وصلافة و عبوس أكيد بتنكّد عليه حياته و تورّيه نجوم الظهر ونجوم الضحى و نجوم العصر بعد :)
 

مساهم11

عضو نشط
التسجيل
29 سبتمبر 2008
المشاركات
2,233
الإقامة
الكويت


مرحبا اخوي مساهم 11

انت بالبدايه تبي اظهار التقدير بالكلام وبعدين تطالب بالافعال ؟؟!!

علما ان المرأه بطبيعتها سمعيه وتحتاج الكلام اللين اكثر من الرجل

اما الافعال

فأعتقد حفظ المرأه لبيتها ورعاية اولادها ونظافة بيتها وملابس زوجها وأكله وشربه

وغيرها من الافعال دليل على تقديرها لزوجها وحبها له

اما تطاولها بالكلام على الزوج اعتقد من فعل يمناه وظعفه هووو

وهذا اللي يجب ان يناقش

وقديما قالو الخيل من خيالها والمره من رجالهااااااا;)

هههههه
انا طالبت بتفعيل الكلام الحلو وليس حقيقة الاعمال المنزليه
وبهذا الزمن ما عاد فيه خيل وخيال
فيه حقوق وواجبات لا تخطي يدك رجلك تروح فيها
 
أعلى