((@ استشارات واستفسارات فنيّة @)) ...... 1

[gloriyano]

ما عليك أمر يابومبارك ولاهنت
ممكن تشوف لى سهم زيما وين رايح بالظبط وشتوقعاتك بالنسبه له

وجزاك الله خير

 

[sawa7]

السلام عليكم بومبارك شلونك يالغالي
ممكن انوفست
ولك جزيل الشكر

 

[الهدف البعيد]

مساء الخير بومبارك
عساك عالقوة
الصفحة دايم عامرة فيك
ممكن سهم تمدين الاستثمارية
السهم صارلة فترة ماعلية تداول
شي مايطمن

 

[alsabor]

مساك الله بالخير ابو مبارك هذي اول مشاركة لي واردت رايك بالصفوة

 

[(المتمكن)]

مرحبا اخوي علقم انت مفروض لقبك عسل ماهو علقم
لاهنت شوف لنا استراتيجيا وانجازات وزيما ومشكور يابو مبارك

 

[3lgm]

حبيب ألبى بو مبارك, أنا أتذكر السهم كان دعمه ال 110 وإرتد منها اليوم, لكن ما قدر يطوف ال116؟ أتذكر بعد تحليلك الأخير عطىت هدف أول 124 وبعدها 148؟ هل السهم فى طريقه لتحقيق الهدف؟ أو ممكن يخون فينا كالعاده؟

على فكره, سمعت جايبين صانع سوق جديد للسهم من دوله أوروبيه (أصل عربى) يقولون محنك وناوى يطير بالسهم, مادرى إشاعه أو حقيقه, لكن اليوم كان تداول قوى على السهم وكان الأعلى تداول خلال النص الأول من الجلسه, منو اللى يشترى؟؟؟؟؟؟

هاهاهاها , قمنا نستورد صناع سوق بعد , عيل انتهينا يا زيزو .

اسمحلنا على التأخير حجي .

 

[3lgm]

ابومبارك لو سمحت ابى استثمارات وطنيه واسكان الله يرحم والديك

اسكان تحبّله بالـ96 , وإن كسرها حذفه على طول , لكن إن ما كسرها امسك السهم , وخل عينك على 114 , من يطوفها بحول الله , خل عينك على الـ126 , وراها 138 , إن طافها لا تبيع إلا 180 .

 

[3lgm]

السلام عليكم ,,, الأخ العزيز بومبارك ربى يوفقك الاستثمارات الوطنيه وزين شيقول التحليل الفنى , وما مؤشراتهم سلبيه أو ايجابيه, ولا هنت يا الكبير بعطائك .​

يا هلا وغلا يا بوعبدالله , اسمحلنا على التأخير خيي , استثمارات وطنية بترتد بإذن الله بدليل شمعة الهمر ومؤشراتها , لكن زين يحير , زين كسر ترنده الصاعد , لكن مؤشراته متشبعة بالشرا مع إنه ما نزل وايد , ومؤشراته زاهبة للصعود , فبإذن الله يصدق الكوب والعروة , والله كريم .

 

[zizo 40]

عساك ذخر لنا يا بومبارك, جزاك الله كل خير.

 

[3lgm]

مساك الله بالخير بومبارك حبيبي وين اتشوف الافكو و الأولى ماعليك امر

ألافكو الدعم 370 المقاومة 400 , مؤشراته زينة , والله العالم إنه بيكمل وما راح يكسر الـ370 .

 

[3lgm]

احسنت بومبارك ...


دعم 91 فلس ..هل تتوقع كسره يؤدى الى هدف 80 فلس .

اما فى حالة عدم نزول شركه مبرد تحت سعر 91 فلس ..

وصعودها فوق سعر 102 ..فالاهداف 108 و124 فلس .


فمارايك يابو مبارك ..

مالي راي بعد رايك يا بوعبدالله , إنت المرجع الأعلى مالي .

 

[3lgm]

السلام عليكم
اخوي بومبارك شوف الترقيم صحيح مال موجة اليوت رقم 4 = من 85 الى 90

اخوى جوزف


الترقيم خطأ ..والسبب ..لايجوز تداخل اسعار موجه 4 مع اسعار موجه 1 .

الله يعطيك العافية يالعود, اشوفك ماشاء الله ممتاز باليوت والذيب, والله كلكم خير وبركة انت ولا بومبارك. المهم الحين ان مايكسر 91 الخط الاحمر الي فوق

للأسف يا الغالي جوزف موجات إليوت يبيلها واحد فطحل مثل بوعبدالله يظبطها , ما أعرفلها مع إني قريت وايد عنها وشفت فيديوات لكن هم ماني قادر أهضمها , والحمدلله بوعبدالله كفى ووفي عسى الله لا يخلانا من هالريال المعطاء .

 

[3lgm]

للرفع بالأصاله عن نفسي وبنيابه عن الاخ mab

اسمحلي على التأخير يا بوفلاح التحليل فوق , والسموحة حجي .

أبو مبارك مساك الله بالخيرات ما عليك أمر عارف طاقة شنو وضعه ينشرى بالأسعار الحالية

والله يجزاك خير الجزاء ومشكور مقدما

والله السهم ربحان 15 فلس , وقروضه 15 مليون , والسهم ممتاز , فإذا كنت شراي طلبه بالـ162 علشان إن كسرها تقطه وتنطره بالـ140 .

 

[3lgm]

الله يعطيك العافيه بومبارك
لوسمحت تحليل حق حيات كوم وين راح يكون الارتداد
جزاك الله خير .

إن صدته بالـ130-132 لا تخليه , لكن السهم مؤشراته هلكانه بيع وأشك إنه بينزل بهالقوة إلا إذا سوقنا كسر الـ6880 .
عموما 136 الدعم و146 مقاومة .

 

[3lgm]

ما عليك أمر يابومبارك ولاهنت
ممكن تشوف لى سهم زيما وين رايح بالظبط وشتوقعاتك بالنسبه له

وجزاك الله خير

شلونك يا بوفيصل عساك بخير , يا خوي السهم هذا صعب أحد يفيدك بتحركاته المستقبلية إلا بعد مرور شهر على الأقل .

 

[3lgm]

السلام عليكم بومبارك شلونك يالغالي
ممكن انوفست
ولك جزيل الشكر

يا هلا وغلا حجي سواح , أنا بخير الله يحفظك إنت شلونك عساك بخير .

 

[3lgm]

مساء الخير بومبارك
عساك عالقوة
الصفحة دايم عامرة فيك
ممكن سهم تمدين الاستثمارية
السهم صارلة فترة ماعلية تداول
شي مايطمن

مساك الله بالنور والسرور يا الغالي , شلونك عساك بخير , دعمه 244 كسره مشكل كبير , ولو إني أستبعد كسره بالوقت الحالي , مقاومة 156 من يخترقها يروح للـ270 .

 

[بورصة نت]

اخوي علقم

ممكن بنك الخليجوبصراحه عليه توصيه وشنو دعم ومقاومه السهم وشلون مؤشراته وشكرا

 

[3lgm]

مساك الله بالخير ابو مبارك هذي اول مشاركة لي واردت رايك بالصفوة

مساك الله بالخير والكرامة يا الغالي , ونتشرف بوجودك , واتمنى إن مشاركتك هذه ما تكون الأخيرة .

الدعم 22 , لكن الدخول الأمثل بالـ21 , اختراق الـ25 يوديه للـ30 هدف الدبل بوتوم .

 

[3lgm]

مرحبا اخوي علقم انت مفروض لقبك عسل ماهو علقم
لاهنت شوف لنا استراتيجيا وانجازات وزيما ومشكور يابو مبارك

مشكور يا الغالي المتمكن ومن ذوقك وكرم أخلاقك .

انجازات هني :

http://www.indexsignal.com/forum/showpost.php?p=3324699&postcount=3168

زيما هني :

http://www.indexsignal.com/forum/showpost.php?p=3324813&postcount=3177