((@ استشارات واستفسارات فنيّة @)) ...... 1

[3lgm]

هذه ميادين , والسهم مستوي ومؤشراته تطبخ .

 

[3lgm]

بارك الله فيك أخوى بومبارك مجهود أكثر من رائع و مبروك الصفحة المميزة ,,,

الله يبارك فيك يا الغالي ومشكور ما قصرت .

 

[بورصة نت]

تسلم طال عمرك

تامر أمر يا الغالي , وحاظرين وبرسم الخدمة و ميادين تلحقهم إن شاء الله عقب الصلاة .

لا خلا ولا عدم مشكور لسرعة الرد

 

[MAB]

جزاك الله خير بومبارك بنك برقان

 

[Economic HitMan]

صباح الورد أخوي علقم ابي نصيحتك بشغلتين ولا عليك أمر:

1) عندي المال والسورية شاريهم على 73 و 70 على التوالي شرايك ابيع المال واشتري بفلوسه السوريه مع العلم اني حاس ان المال راح يعلن ارباح طيبة بسبة بيعة صفوان والعلم عند الله.

2) شاري الصفوة على 104 وودي ابرد بحدود 27-28 ويصير الآفرج عندي على 44 فلس.
رايك يهمني وماخاب من استشار والبيع والشراء مسؤوليتي ومشكور مقدما.

 

[3lgm]

صباح الورد أخوي علقم ابي نصيحتك بشغلتين ولا عليك أمر:

1) عندي المال والسورية شاريهم على 73 و 70 على التوالي شرايك ابيع المال واشتري بفلوسه السوريه مع العلم اني حاس ان المال راح يعلن ارباح طيبة بسبة بيعة صفوان والعلم عند الله.

2) شاري الصفوة على 104 وودي ابرد بحدود 27-28 ويصير الآفرج عندي على 44 فلس.
رايك يهمني وماخاب من استشار والبيع والشراء مسؤوليتي ومشكور مقدما.

صبحك الله بالنور والسرور , يا هلا وغلا , السورية سلمك الله واصلة عند القاع وعند سعر عمرها ما وصلته من قبل , وارتدادها مو بعيد (حسب الماكد) , المال مو باينلها ارتداد وعندها قاع عند الـ43 عادي ترجعله إن كسرت الـ64 , بيعتها من صفوان إذا ماني غلطان بحدود الـ6 ملايين دينار (عدل أو غلطان) , اذا صح ما ينعد ربح قوي , وإنت شايف الساحل ومع أرباح زين وأعلن خساير , لكن بالنسبة حق البيع يمكن السهم يروح لي الـ70 علشان يشكل عروة الكوب ثم يرد ينزل , فهل تبيع على الـ70 , تكون مو خسران وايد , لكن أخاف تكمل صعود عقب الـ70 وتكون إنت بعت بخسارة , وأسهم الخرافي ما ينعرفلها , وحركتهم مو وحدة , فما أدري وانا خوك ولا أقدر أفيدك .

أما بالنسبة حق الصفوة فشغلك 100% , والله يسهل ويقطون عليك بالـ27 (أنا هم بكون وياك ناطر السهم بالـ27 إن شاء الله) .

 

[wal3li 2]

بو مبارك مر على الامان ماعليك امر وتسلم يالحبيب

 

[3lgm]

جزاك الله خير بومبارك بنك برقان

تامر أمر يا الغالي

 

[3lgm]

بو مبارك مر على الامان ماعليك امر وتسلم يالحبيب

صبحك الله بالخير حجي و شلونك عساك بخير ,السهم طيب حد الطيب .

 

[wal3li 2]

صبحك الله بالنور وما قصرت اخيي مجهودك واضح وعساك على القوه

 

[aclient]

صبحك الله بالخير ابو مبارك

بالنسبة للمتحدة 105, النموذج لا يصلح و الاسباب 1- القمة الاوله فارقه عن الثانية بنسبة محترمه
2- قاع العروه اكثر من منتصف الكوب.

و قواك الله على ما تقوم به لاخوانك

 

[Economic HitMan]

جزاك الله الف خير ياأخوي علقم والله يرزقك دنيا وآخرة. للعلم المال كانت تبي تبيع على 280 فلس وباعت فعليا على 325 فلس باجمالي 7.5 مليون دينار. يعني باعت ب 16% اكثر من السعر اللي تبيه. السؤال جم طالع عليهم السهم بالاساس وبجم محسوب بميزانيتهم؟

 

[3lgm]

صبحك الله بالنور وما قصرت اخيي مجهودك واضح وعساك على القوه

تامر أمر يا الغالي والله يباركلك بحلالك ويزيدك من فضله .

 

[3lgm]

صبحك الله بالخير ابو مبارك

بالنسبة للمتحدة 105, النموذج لا يصلح و الاسباب 1- القمة الاوله فارقه عن الثانية بنسبة محترمه
2- قاع العروه اكثر من منتصف الكوب.

و قواك الله على ما تقوم به لاخوانك

يا صباح الورد يا الغالي , كلامك 100% , وبارك الله فيك على التصحيح ورحم الله والديك , وعسى لا خلا ولا عدم .

 

[aclient]

يا صباح الورد يا الغالي , يا لغالي تقصد هذا (البنك المتحد) :

http://www.indexsignal.com/forum/showpost.php?p=3071519&postcount=118

حقك على يا ابو مبارك اسف, نعم القصد البنك المتحد 105 يالحبيب

 

[3lgm]

رحم الله والديك يا الغالي على التنبيه وإنت صح وانا غلط , خذتني العجلة ولا حول ولا قوة الا بالله وقدر الله وما شاء فعل .

 

[aclient]

ابو مبارك عقدتني يا اخوي 3 مرات تعدل المشاركة لوول

والدينا و والديك الجنة ان شاء الله و عساك على القوه يا اخوي و جزاك الله الف خير

 

[MAB]

تامر أمر يا الغالي

يعطيك الف عافية اخوي بومبارك بخصوص تحليليك لبنك برقان ماتنصح بالشراء حاليا ؟

 

[3lgm]

ابو مبارك عقدتني يا اخوي 3 مرات تعدل المشاركة لوول

والدينا و والديك الجنة ان شاء الله و عساك على القوه يا اخوي و جزاك الله الف خير

أنا اللي أشكرك يا الغالي وأطلبلك الأجر والتوفيق من الله ورحمة الوالدين , وعسى لا خلا ولا عدم .

يعطيك الف عافية اخوي بومبارك بخصوص تحليليك لبنك برقان ماتنصح بالشراء حاليا ؟

والله وايد صعد , وصعوده مو طبيعي , ومو باين إن أكو خبر زين عليه , بالعكس البنك خسران 30 مليون إذا ماني غلطان , ويمكن يكون زيادة نسبة من كامكو مثل ما أُشيع وتخلص كامكو من زيادة حصتها ويرد السهم إلى قواعده , ومؤشرات السهم متشبعة شرا ووايد صعدت ولازم تنزل شوي في رايي , ويمكن أكون غلطان .

 

[3lgm]

سألني أخونا BiG_BOSS عن الأسهم التالية (أبيار - منازل - اكتتاب - المستثمرون - جراند) واللي أهو يملك فيهم ويسأل أيهم يمسك وأيهم يبدل والأفضل للاستثمار , فبيكون تعليقي التالي محاولة مني (تحتمل الخطأ أكثر مما تحتمل الصواب) للاجابة على سؤاله , والله أعلم وهو ولي التوفيق .

أولا راح أبلش بالمستثمرون لأن الفطحل بوعبدالله (جمبازي) , حلل السهم ماليا وإليوتياً والله يجزاه كل خير ما قصر , والتحليل الأليوتي مهم جدا للمستثمر طويل الأجل , حيث إنه يبين فيه السهم في أي موجة وإن كانت موجة صاعدة أو هابطة وإن كانت أساسية أو فرعية وجذي , وفي قوانين عندهم ممكن ملاحظتها من مضمون كلام أخونا بوعبدالله :

أولآ مالياً :

http://www.indexsignal.com/forum/showpost.php?p=3068740&postcount=618

http://www.indexsignal.com/forum/showpost.php?p=3068752&postcount=619