عبر عن حالتك النفسية في بيت شعر..

[يوسف_007]

أصير شايب.. لا شعرت ان المقابيل : أرمله
و اذا شعرت ان المقافي : طفله..آعوّد شباب

أنا الغريب.. اللي جميع الناس به متأهله..
رغم إنّي.. اللي خاطره من عرْف كل الناس طاب !!




>>>>>>>>>>>>>> يتبع <<<<<<<<<<<<< ​

 

[يوسف_007]

يا ذيب لك عدوك ومخلابك ونابك يقطـم
والرّيم توّك والعشا يا ذيب في منحرهـا
وان كان سلمك عن بلوغ اللي تريده يفطم
فالحرب لا صاحت عزاويها فلا تخسرها
​

 

[يوسف_007]

أبكي على حالي.. لأني ماقدرت أبكي وَلَه

و اضحك على حالي.. لأني ماقدرت أضحك عجاب

مالي شبيه إلاّ السكوت اللي يثير البلبله

و مالي نقيض إلاّ الكلام الكذب و الفعل الهباب


>>>>>>>>>>>>>> يتبع <<<<<<<<<<<<< ​

 

[zizo 40]

مكياج جافنشى

يا صانع المكياج الله يجازيك
خليتني مخدوع في شكل خلي

الله يحرق مصنعك مع مبانيك
والمعرض الموجود في بيكاديلي

ادعي عسى تعمى وتنشل رجليك
هذا دعائي دوم لا جيت أصلي

خليتني اركض ورا البنت هاذيك
واشوفها أجمل غرام ٍ حصل لي

قلبي عشقها يا(جيفنشي) توماتيك
وان شافها قلبي يرحب يهلي

هي رحبت بي وقالت الله يحييك
وقالت هلا باللي عشق زين شكلي

وقالت أنا أجمل بنت في اللي حواليك
شف حسني الأخاذ وروجي العسلّي

طالعتها ثم قلت هالقلب يبغيك
ومن شاف حسنك خلى غيرك يولي

ابغي اشوفك دون مكياج يكسيك
وابغي اشوفك بالجمال المحلي

قالت تبيني افرك الوجه تفريك
واشيل هالبودر وروجي وكحلي

قلت أي نعم قومي عسى الروح تفديك
ابغي جمالك هالطبيعي يهلّي

قالت دقايق راجعه لك واراويك
ذاك الجمال اللي لعينك يسلّي

ويوم رجعت لي شربكتني الشرابيك
وحسيت الأرض تدور وأنا بمحلي

الخد كنه يا(جيفنشي) سيراميك
والوجه شارع مثل شارع حولي

الوجه كنه بيت كله شبابيك
من هالحفر في وجهها اللي يعلّي

كله سبب مكياجك الله يجازيك
خليتني مخدوع في شكل خلي

ونصيحتي لكل شاب من غير تشكيك
لا لا اتسرع ثم تنغش مثلي

اللي بلا مكياج خلها حواليك
واللي تحط مكياج ...خلها تولي​

 

[يوسف_007]

بين الأماني المقفيه و الذكريات المقبله ..
أمشي وخطوات الحضور أرسم بها جُرّة غياب

أتمهّل إن مرتني أيام الرخا.. مستعجله
و اقول لو تقبل علي بالمال : يامال الذهاب

>>>>>>>>>>>>>> يتبع <<<<<<<<<<<<< ​

 

[مبارك35]

من يشترى قلبن همه ملايين **** ويبيعلي قلبن من الهم خالي

صارلي عشر سنوات اقوله لحد شرا مني ولاحد باع

 

[دنياء غريبه]

•• صحيحٍ ../ آني گثيير ° » آيــأسَ « °

ولگن دآخليٌ طفلهـ / تقوٍل بـ صَمت

: يآربيٌ ،دخيلگ لآ تخلينيٌ .! ​

 

[يوسف_007]

وش هقوتك يا كاتم الصدرلا ضاق
............... هو ينفعه لا قلت ... خلكَ شمالي
لو القصـايــــد كلها مجامـــــل اذواق
............... ما طاح دمـــــع .. ولا تذكرت غالي ​

 

[يوسف_007]

يضيق صدر الغريب اليا فقد داره
.....................ويضيق صدر الحبيب اليآ فقد غالي
ياليت بين البشر والخآفق ستاره
..................... ومآتقدر تشوف هذا الحزن عذالي
لو أمسح الدمع تاره وأتركه تاره
......................من يمسح الذكريات اللي على بالي​

 

[حد الدوسه]

كل ما دقيت في ارض وتد
من رداة الحظ وافتني حصاة

 

[يوسف_007]

قدَرْت أعيش الواقع اللي ماقدَرْت أتـخيّله !!
مدري أصبت العذر أو في عذري.. أخطيت الصواب

بس المهم : إني قدرت أضرب لغيري أمثله..
وشلون.. ما يرجي ثواب الصدق أو يخشى العقاب​

 

[TAHOE]

تقلقلت بالهم الذي قلقل الحشا قلاقل هم كلهن قلاقل

 

[يوسف_007]

امشي لها طوع ولا طاوعتني**** صبرت ماني عارف شاخرتها
لا قلت ابرفع مستواي اخفضتني**** وليا صفت لي ساعة كدرتها​

 

[يوسف_007]

لا تكره الناس لو يخطـــــون فــي حقـك
....................................الزلـه الـلـي تـجـيلــك صـــــــــد وانسـاهـا

ولا تذكر اللي عطيت الناس من حقك
....................................ســــــو الجميلــــــه لوجــــــــــــه الرب تلقاها ​

 

[يوسف_007]

فيني شعور ( اليوم ) فايض / ومكبوت !.....................................
( قمة تناقـض ) تحتويني ... وأجامل !
أحاول أفهم شــي / من نبرة الصوت !
..................................... وأحاول اشــرح ضيقتي بْ ألف عامل !
أزريت لا ( أحيا ) وعييـت لا ( أموت ) !
..................................... وأيقنت محدٍ فالبشــر كـان / كامل !

 

[يوسف_007]

الحلـم .. يشّبه ظلام الليل .. والقمـره .!!
......................................... تعيش متأملـه .. وتمــوت مـا جيتـه .!!
يعني ليّا طــاب حظـك ف/ العمر مره .؟؟
.........................................ماهو ضـــروري يجيّك إللـي تمنيتـه .!!​

 

[باناسونيك..]

أيقنت اني مذنب ومحاسب ولم ادري هل ناج ام معاقب

 

[يوسف_007]

وقتنا ذلّه .. وسخِــــــــف .. وملــــــــــذات .. وغـزل
.....................وموت حّظ .. وقّل دين .. وضيــاع وســــــــــبي
أختنّــــــــق حــــــد المــــــــــــــرض .. وأتشـــاءم وأنعـزل
..................... كـــــل ما شفت التفاهــــــــــه .. بهالجيــــــــل الـغبي​

 

[Low Fat]

غـيركـ إذا غاب ماتباطيتهـ

, ألا أنت غيبتكـ تذبحني دقايقها ,,​

 

[شيخة الكويت]

تدري وش اللي مالها طب وعلاج
الصدمه اللي دون ذنب وخطيه
وتدري وش اللي سبب ل فكري ازعاج
اني وفيت ل ناس ما هي وفيه