بعد العيد داش الكويت 15 الف حبه اي فون للوكيل والموزعين

الحالة
موضوع مغلق

بو متعب

عضو نشط
التسجيل
29 يناير 2009
المشاركات
709
ترى مو متأكد يمكن صج او جذب
بعد العيد داش الكويت 15 الف حبه اي فون للوكيل والموزعين هذا كلام لاحدى شركات الشحن ما ادري صج او جذب الله اعلم
ننطر والله كريم
 

soos

عضو نشط
التسجيل
5 نوفمبر 2009
المشاركات
13
أكيد لأن قبل شهر سألت الغانم الي بالأفنيوز أكس سايت قالي بعد شهرين راح ينزل بالأسواق .. يعني شهر 9
 

ukhrep

عضو نشط
التسجيل
22 ديسمبر 2009
المشاركات
428
ماتوقع الخبر صحيح

لان الغانم صارله اكثر من شهر يقول هل كلام

وبعدين صعب شركة ابل تبيع هل كمية مره وحده
 

بو متعب

عضو نشط
التسجيل
29 يناير 2009
المشاركات
709
حتى لو وصلت الكمية مو معنى كلامي بيصير الجهاز بدينار اقصد ان يكون بسعره الطبيعي العالمي 220 هذا اللي اقصده فقط ولا تنسى ان الكويت لا توجد بها ضرايب كباقي الدول والمفروض ان سعر الجهاز يكون بالسعر المعقول اما بخصوص الكمية فهذا خبر يمكن صح او غلط وبالنهاية سوق الكويتي بسرعه يتشبع باي كمية مو مثل امريكا او اوروبا لو تغرقها ما يهمها ولا تنسى ان الشركات المنافسه تاثر والكل يريد السيطره على السوق خاصة وان اغلب الناس تدور الرخص لا الجوده اتمنى ان يكون هذا الخبر صحيح وبكميات اكبر حتى لا يستغل الذي له الحاجة بهذا التلفون
ولا تنسى ان كل يوم تدخل الاف الاجهزة للكويت من الخارج عبر المطار والشحن والبر وتباع بالمنتديات ومواقع البيع الشهيرة على النت والمحلات وانت تشاهد بام عينك صحة كلامي ولكن انا اقصد ان هناك كمية تجارية من شركة وليس افراد كالغانم ويوريكا والكروزان غيرهم
والله اعلم
 

نبض الهواجر

عضو نشط
التسجيل
10 أغسطس 2008
المشاركات
639
السلام الي اعرف من شخص موثوق فيه بعد العيد راح تكون هناك صاروخ يطلقه يوريكا بسهر الايفون4 يقول راح يكسر السوق وخصوصن منافسه الغانم

تدرون احلي شي في الكويت انه بين الشركات فيها حررروب في السعر وهذا من صالح المواطن
 

واقف

عضو نشط
التسجيل
20 مارس 2009
المشاركات
399
الإقامة
الكويت
مصدرك اخوي ؟؟؟؟

قول انك تبي تشتري بس ماعندك فلوس وتبي تبث اشاعات عشان تنزل السعر
 

سـعـود

عضو نشط
التسجيل
18 يناير 2009
المشاركات
168
الإقامة
الكويت
مو صحيح هالكلام ولو صحيح كان شفناة عند وكلاء الايفون الرسميين في منطقة الخليج
الامارات او السعودية علي سبيل المثال مانزل عندهم ومن المتوقع قبل عيد الاضحى
يعني بشهر 10 علي اقل تقدير
غير هالحجي لا تسمع قال فلان وعلان
لان الواقع يقول ان ستور ابل في استراليا وكندا وبريطانيا وفرنسا مو متوفر فيها إلا بالحجز
الي تاريخ كتابة هذا الرد
فا شلون ينزل 15 الف
مستحيل يالحبيب
 

صقر3

عضو نشط
التسجيل
25 مارس 2010
المشاركات
713
ترى مو متأكد يمكن صج او جذب
بعد العيد داش الكويت 15 الف حبه اي فون للوكيل والموزعين هذا كلام لاحدى شركات الشحن ما ادري صج او جذب الله اعلم
ننطر والله كريم

اي افون عبالي افيون ههههه​
 

واقف

عضو نشط
التسجيل
20 مارس 2009
المشاركات
399
الإقامة
الكويت
ياجماعه واضحه انه يبي يشتري وما له خلق يدفع

لانه موضوع مثل هذا ينحط في المنتدى العام المنتدى الاخبار

والاخ حاطه لي بمنتدى المزاد

تبي جهاز رخيص ،،، حاضر اعطيك
 

بو متعب

عضو نشط
التسجيل
29 يناير 2009
المشاركات
709
اخي العزيز والله اني شريت تلفون ايفون وعندي اثنين للعلم والثاني شريته قبل كتابة هذه السطور والله ادرى بخفايا الامور
طيب بعطيك معلومة اخرى
الحين راح يسمح بتنقل رقمك من اي شركة الى شركة هواتف انت تختارها يعني من فيفا الى زين الى الوطنية وهكذا حسب رغبتك والكل يعرف ان هذا القرار سمحت فيه وزارة المواصلات واعتقد انها منافسه شريفه ولصالحنا كمستخدمين ، واتوقع ان تكون هناك نية من احدى الشركات الدخول للمنافسه واخرى للحفاظ على مشتركيها كي لا يذهبو الى شركة اخرى ، ان تقدم هدية تلفون ولا اقصد اي فون بل اي تلفون او رصيد اضافي وغيره كشركة at&t الشهيرة حين تعطيك تلفون ايفون بسعر رمزي 200 دولار اي 60 دينار وحد ادنى لمكالماتك 50 دولار يعني 15 دينار بالنهاية منافسه وكذلك الاسعار اخي العزيز بالمصنع يباع الجهاز ب 200 دينار وهنا ب 380 دينار الا ترى هذا جرم بحق اخوانك المستخدمين ام ان طمع وجشع من يستغل مثل هذه الامور للتجارة ، يجب عليك ان تشجع كسر الاحتكار ام اصبح دم الكويتي صالح للشرب واصبح التجار كالباعوض يمص هذا الدم وينحر المواطن بسكين التاجر .
اشكرك على اتهامك بالرد علي اني اريد شراء تلفون وحق الرد مكفول لي بالدفاع عن نفسي وارد على من اتهمني (( انك انت تملك تلفون وما تبي يطيح بجبدك مثلا ! ))
بالنهاية كما قلت لك سمعت او اشاعة الرجاء تركيز على ما كتبت قبل ان تضع اصابعك على الكيبورد وتتهم الغير بغير حق
 

MrAbdul

عضو نشط
التسجيل
11 يونيو 2010
المشاركات
209
الإقامة
الكويت
سامحنا بو متعب على التعليق الي فوق عن الحب الشمسي، كنت امزح معاك :) وانا الصراحه الوم ابل لانها تدز بكميه محدوده ولفتره طويله..
 

qadsawi

عضو نشط
التسجيل
24 أغسطس 2009
المشاركات
686
الله يعطيك العافية اخوي ابو متعب بس وضح لي شلون طريقة تحويل الخطوط ماني فاهم قصدهم
 

بو متعب

عضو نشط
التسجيل
29 يناير 2009
المشاركات
709
الحين راح يسمح للشركات الهواتف التنقل بينهم يعني خطك شنو زين مثلا تقدر تحول شركة الوطنية وجذي
 

qadsawi

عضو نشط
التسجيل
24 أغسطس 2009
المشاركات
686
يعني اكنسل خطي الي بزين وأخذ خط بالوطنية عدل ولا أنا غلطان بس هذي من زمان موجودة شنو الجديد أنا كان عندي خط فيفا والحين وطنية بس انطر يفتحون التحويل وأبي ابيع الخط والله يعطيك العافية
 

T.M.H

عضو نشط
التسجيل
19 أكتوبر 2009
المشاركات
253
يعني اكنسل خطي الي بزين وأخذ خط بالوطنية عدل ولا أنا غلطان بس هذي من زمان موجودة شنو الجديد أنا كان عندي خط فيفا والحين وطنية بس انطر يفتحون التحويل وأبي ابيع الخط والله يعطيك العافية

بعد اذن صاحب الموضوع
اخو الي يقصده الاخ صاحب الموضوع مثال
انت عندك خط 661111111111 الخط هذا تابع لشركه الوطنيه حاليا بما ان بدايه الرقم 66
شهر 12 ان شاء الله تقدر تخلي رقمك تابع لشركه زين او فيفا او الوطنيه ونفس الرقم طبعا
اتمنى تكون وضحت الصوره
 

بو متعب

عضو نشط
التسجيل
29 يناير 2009
المشاركات
709
بعد اذن صاحب الموضوع
اخو الي يقصده الاخ صاحب الموضوع مثال
انت عندك خط 661111111111 الخط هذا تابع لشركه الوطنيه حاليا بما ان بدايه الرقم 66
شهر 12 ان شاء الله تقدر تخلي رقمك تابع لشركه زين او فيفا او الوطنيه ونفس الرقم طبعا
اتمنى تكون وضحت الصوره

عليك نور يا طويل العمر يعني مثلا خطك من شركة زين 99000000 تقدر تحوله اي شركة تبي فيفا الوطنية جذي وطبعا اي رقم عندك من اي شركة تقدر تخليه على شركة ثانية اللي انت مرتاح لها وخدماتها اكثر وارخص ، طبعا راح تشوف منافسه شديده بينهم وعروض قوية وبالنهاية رقمك ما راح تخسره لان تقريبا الشركات استنفذو اغلب الارقام وصار عليهم حمل كبير بحصرها واعادتها لذلك قررو ان تتنقل بخطك بين الشركات
والله اعلم
 
الحالة
موضوع مغلق
أعلى