منو خبره بتايلند

bo7anon

عضو نشط
التسجيل
6 أكتوبر 2007
المشاركات
421
يعطيكم العافيه بخصوص تايلند انا مفكر اروح ورا العيد جزيرة بوكيت مع واحد

بس نبي

1- أرخص طيران نروح عليه او أفضل طيران ؟
2-احلى وقت حق تايلند متى ؟
 

Winchester SX3

عضو مميز
التسجيل
4 يناير 2009
المشاركات
7,922
الإقامة
الكويت
موسم تايلند من 1-10 الى 30-4 يعتبر الهاي سيزن

غير هالوقت يعتبر لوو سيزن لأنه تكثر الأمطار فيه

بس الأسعار تنزل بنسب كبيره طبعا

انا رحت مرتين على القطريه
رخيصه وكويسه وخووووش طيران
لو تبي دايركت شوف الكويتيه ومرات تفتح التايلنديه وبصراحه مدحوها لي

تبي تروح انطر عطله عيد الأضحى أفضل بدايه الموسم

نصيحتي :
احجز كل شي بالنت
طيران + طيران داخلي + فنادق

عندك سايتات كل الطيران بالنت
والطيران الداخلي بقولك اساميهم وتلاقيهم بالنت:
بانكوك اير
تاي اير
اير اسيا
ون تو قو اير على ما اعتقد مو متأكد من الاسم

الله يعافي العم جووجل يطلعلك اياهم بسرعه :)

بانكوك اير + اسيا اير افضل ثنتين بالنسبه لي
اسيا اير قالولي مرات تخوره بالتوقيت
والباجي انا مجربهم

فنادقك شوف هالسايت انا مجربه وتستخدمه بكل دول آسيا
www.agoda.com
وفي سايتات ثانيه بس انا اقولك عن شي مجرب ومضمون واسعاره حلوه حيل لما تقارنها مع الباجي



نصيحه ثانيه
شوف تكاليف كل شي بالنت وعقبها قارنها بسايتات ثانيه وسفرياتك الخاصه وتوكل على الله

وفي بوكت دق على هالشخص يضبطك بحجوزات عنده مكتب حجوزات ويضبطك حتى لو ما تحجز عنده على الأقل يعطيك نصايح وانا شخصيا استفدت منه اكثر من مره وكل حجوزاتي نصحني بالنت لأنه مرات عنده اغلى ومرات احجز عنده لأنه ما تفرق وودي افيده
اسمه : مدحت العربي
ت : 0810808804

تبي مطعم نظيف وأكله حلو وحلال في بوكت عندك مطعم القاهره
الفرع الكبير مو الصغير
وباجي المطاعم حيلك بالبحري والخضار والفواكه بأنوعها واللحوم مو مضمونه بس القاهره مضمون ونظيف

لازم تروح عرض فانتازيا
ونصيحتي روح مكان العرض واحجز هناك لأنه أرخص من الكشكات

وأول ما توصل روح أي كشك واسحب كل البروشورات منه وافرشهم بالفراش وضبط رحلاتك

مجمع جانسيلون حلو هناك لو تبي تتسوق وفي ماركات اصليه وفي محل يبيع مانشستر يونايتد لو تهتم بهالسوالف

ولو تبي زود قولي عالخاص وان شاء الله ما اقصر معاك


وتروح وترد بالسلامه مقدما :)
وعشان خاطري إكل نص كيلو ربيان تايقر مشوي + لوبستر بمطعم القاهره وسفن أب فل آيس :):)
 

bo7anon

عضو نشط
التسجيل
6 أكتوبر 2007
المشاركات
421
يعطيك الف الف عافيه بس يليت لوتفيدني بخصوص بوكيت وبانكوك جم المصروف يكفي غير السكن والتذكرة + المده المعقول يعني مثلا تسوي اسبوع كامل او اكثر او 15 يوم يليت لان انشالله بحجز شهر 10 حق العيد او ورا عيد الاضحى 11/16
 

job2job

عضو نشط
التسجيل
26 أغسطس 2009
المشاركات
173
حبيب قلبي انا يسموني بوكيت مان ^_^ كل فتره انزل توني ياي من بوكيت قبل رمضان بيوم :) اذا بغيت تسكن بوكيت مالك الا فندق ذا سي يعجبك خوش هوتيل نظيف حده تقدر تنام على سرايرهم وانت مطمأن بنظافه والخدمة والجو الحلو ومكانه حلو اخر امتداد شارع البوتينق على البحر فوق هذا الغرف عندهم روعه حيل حيل تصاميم ونظافه ادخل سايت حقهم وشوف غرفهم وجيك خريطة الهوتيل بوكيت
http://www.phuket.com/the-sea-patong/

وافضل موسم مثل ماقالك اخونا Winchester SX3

بس مأنصحك فيه لآنه غالي عليك الاسعار دبل يعني الهوتيل تأخذه 1500 بات تأخذه بالموسم 3200 بات دبل وشوي لآنه الاوروبين هابين بالموسم هذا وزحمه حيل

لجذيه مالك الا اخر 10 ايام من شهر تسعه تروح ـأخذلك جوله هناك وتغير جو ولآ تدخل بتايا او بانكوك دير بالك تكره تايلند خلك بس بوكيت واكو هناك عندك كذا مجمع تجاري وعندك بولينق وسينما وعندك المطاعم العربيه مطعم القاهره ودبي وشرق الاوسط ومطاعم بالهبل

بس مأوصيك لا تسكن الا فندق ذا سي اهو افضل شي بنظافه والسعر انا اخذته 1300 بدون ريوق لآني احيانا اقعد على 2 ظهر ويبته لرفيجي بسعر 1500 مع ريوق اهما يقلون لك السعر حاليا 3000 بات يبونك تكاسرهم يوصلونك لي 1700 بدون ريوق انت خلك عظم بحلوجهم وصلهم لي 1500 مع ريوق انت ربحان لآنه الاسعار هناك الهوتيلات السكه 1000 بات وريوقهم الحمدالله وشكر خلك على هذا الهوتيل وارتاح واذا بغيت طيران داخلي مالك الا طيران تاي التايلندي لآنه اريح وتحس بأمان فيه لآ تأخذ طيران بانكوك او طيران ون 2 قو او غيرهم يخوفون وقت الهبوط بوكيت لآنه يكون الجو ممطر وهواء خفيف والمطار على البحر لجذيه يطيرون قلبك وانت هابط خلك على تاي ادفع 1000 بات زياده بس ترتاح :) عموما ادخل على اليوتيوب وابحث اكثر علشان تستفيد واتمنى اني فدتك وسلامووو عليكووو تقبل تحياتي
 

Winchester SX3

عضو مميز
التسجيل
4 يناير 2009
المشاركات
7,922
الإقامة
الكويت
يعطيك الف الف عافيه بس يليت لوتفيدني بخصوص بوكيت وبانكوك جم المصروف يكفي غير السكن والتذكرة + المده المعقول يعني مثلا تسوي اسبوع كامل او اكثر او 15 يوم يليت لان انشالله بحجز شهر 10 حق العيد او ورا عيد الاضحى 11/16

الله يعافيك

المصرف صعبه أحدده لك
كل واحد يعرف نفسه

بوكت = رحلات + غوص
بانكوك = تسوق
كوه سوم واي = رحلات + غوص + راحه وإستجمام أهدأ من بوكت ألف مره وأنصح فيها المعاريس ;)

اذا انت راعي رحلات يوميه نفسي روح بوكت 10 ايام واذا مو راعي رحلات 7 أيام كفايه
وبانكوك يومين أو ثلاث للتسوق

وأخونا job2job ما قصّر وانا أشد على رأيه بإنك تسافر من 15 / 9 الى 30 / 9

عشان تصيد الأسعار ;)

انا سفرتي اللي طافت كانت من 30 / 4 الى 27 / 5 :p صدت أخر يوم من الموسم ومن حظي الجو ما تغير وحيل إستفدت من الأسعار
قعدت في بوكت + كوه سوم واي
وكلفتني تقريبا من1300 الى 1400 دك شامل كل المصاريف
من طيران القطريه + 2 طيران داخلي + فندقين بالجزيرتين وغير المصاريف العاديه للمشتريات والأكل
بس انا كنت أكاسر وأدش بخشمهم :p
وأحجز يومين بالنت للفندق والباجي أمدد هناك بسعر أقل ;)

والحمدالله كانت سفره موفقه

اذا بتروح بوكت = دور سكن في الباتونق بيتش
اذا بتروح كوه سوم واي = دور سكن في تشاوينق بيتش

بانكوك = لا تسألني عنها لأني مو راعي تسوق كلش عشان جذي ما طبيتها الا بالمطار فقط :eek:


موفق عزيزي :)
 

اساهيم

عضو نشط
التسجيل
11 مارس 2005
المشاركات
786
كل واحد يقول ما واجه..

انا سافرت على القطريه مره وعلى الاتحاد مره ..الاتحاد افضل بكثير ..

طيران داخلى افضلهم طيران بانكوك ..بوفيه صغير بالمطار وطياره كبيره ..

حجوزات فنادق دش بوكنك واختر الفندق اللى تبى تحصله بسعر ارخص بكثير من اى حجز اخر ..

الرحلات السياحيه فى بوكيت روح الكوشكات اللى هناك ومتوزعه بكل مكان ..واخذ ارخص شى لان اسعارهم متفاوته بعض الشى ..
 

كويتي ذهب

عضو نشط
التسجيل
24 ديسمبر 2005
المشاركات
46
انا حاجز في تاريخ 17 على الاتحاد 113 دينار على الانت عندهم عروض والقطريه نفس السعر وعموما الخطوط القطريه انا طالع عليها اكثر من مره وهي ممتازه لا تقل عن غيره مثل الاتحاد والامارتيه ولكن كل واحد له وجهة نظر السؤال هل السفره للسياحه ام للعلاج او التسوق اذا علاج وتسوق انصح في بانكوك اذا سياحه الخروج من العاصمه والازدحام الى
_شنغ ماي _ بوكت _ شنغ لاي_ يتايا _ هوا هين _خاو سام وغيرها كثير اما بخصوص مصروفك هذا يرجع لك شخصايا اذا تبي تسكن فندق خمس نجوم اعمل حسابك من 22 دينار وانت رايح حسب الغرفه اما اذا تبي تسكن فندق 3 نجوم هذي اسعارها تتراوح من 12 دينار حتى 4 دنانير ولا تنسى الاكل في تايلند يعتبر غالى نسبيا بالنسبه لتايلند واقصد المطاعم العربيه اما الاكل الثاني مثل ماكدونلز وبيتزا والاكل التايلندي رخيص عندهم خوش اكلات جربوها اذا رحتو في شوربه اسمها طم يم كون وفي لذيذه وفي عيش في الدجاج ويسمونه كبت كاي موضوع السكن في بانكوك انصح الابتعاد عن منطقة العرب نانا غاليه مع انها اوصخ بقعه في بانكوك مافيها كود المطاعم فيه سكن على اطرافها نانا شقق وعلى مستوى وفيه فنادق ايضا مستوها ممتاز واسعارها معقوله
انا راح احدد المصاريف حسب خبرتي في تايلند وراح اسوي تصنيف لها والمده 15 يوم
المستوى الاول 1200هذي مصاريف القشيم او الى يبي يسكن فندق خمس نجوم وياكل خمس نجوم
المستوي الثاني 700 دينار يسكن فنادق 3 نجوم وياكل في المطاعم العربيه
المستوى الثالث 500 دينار محترف ويعرف تايلند جيدا مع العلم اني عامل حساب التنزه والتنقل من بانكوك والى االمبالغ التى ذكرة تعتبر جيده جدا يعني مارح تضايق طبعا من غير التسوق
في النهايه هذي تغديرات
ساترك بعض المواقع
للحجز الفنادق والطيران

http://www.wego.com/
هذا الموقع يعتبر شامل

http://www.thailanddiscounthotel.com/
لحجز الفنادق والشقق



http://www.asiarooms.com/en/world-hotel-guide.html
للفنادق والشقق في بانكوك و جميع مدن تايلند


http://www.asiahotel.co.th/

فنادق وشقق

تحياتي
 
أعلى