الفزعه يالنشاما بنك الخليج والقرض

كافي خساير

عضو نشط
التسجيل
6 مارس 2007
المشاركات
111
مرحبا اخواني عساكم بخير الكل يعرف ان 75%من الشعب الكويتي مطلوب لدى البنوك اما انا بقولكم سالفتي وياليت تفيدوني خذيت قرض من بنك الخليج لضروف طارئه وكان نضام قرضين وكنت اسدد وبعد ما انتها القرض الاول حل القرض الثاني لان البنك قال اعطيك قرض على نضام قرضيين تسدد اول واحد اعتقد بعد سنه او سنتين ناسي والله المهم القرض الثاني كان 29 الف دينار ودفعت لهم على القرض الثاني اقصاد شهريه 6 الف دينار ... المهم حصلت لي ضروف وتم تسريحي من العمل بسبب الغياب وحاليا صار لي سنه ونص مو دافع اقصاد والبنك حول الملف للشؤن القانونيه واتصل علي مكتب التويجري قبل 8 شهور يقول سدد ولحد الان يقول سدد والمشكله بدون وضيفه وسجلت في القطاع النفطي ونتظر دوري عل وعسى يتم قبولي ..... الزبده رحت للبنك ابي اعرف كم باقي لي قالو تدفع 28 الف وقلت لهم انا دافع 6 الف دينار من فيمة القرض اقصاد شهريه قالو تدفع الي عليك 28 الي بي اعرفه شلون ووين راحت 6 الف ؟؟ معقوله كلها حطوها فوائد ؟؟؟؟ وشنو الطريقه اتخلص من هالبنك وهل لدي الحق برفع شكوى ؟؟؟ او طريقه ثانيه تفكني من هالبنك ؟؟؟ افيدوني جزاكم الله خير للعلم متزوج ولدي اطفاال والله كريم
 

ويلاني

عضو نشط
التسجيل
17 أبريل 2010
المشاركات
27
هلا اخوي نصيحتي لك هي ان تقوم برفع دعوى على البنك وطلب ندب خبير حسابي لتصفية الحساب بين الطرفين...بعد بيان المبالغ المسدده والمطلوبه وبيان المبالغ المطالب بها دون وجه حق.

ابالتوفيق.
 

shocked

عضو نشط
التسجيل
4 فبراير 2008
المشاركات
822
الإقامة
الكويت
الحل بارك الله فيك إن الناس تتوب من هالحرام والربا اللي أهم فيها

وأول معين حق البنوك الطواغيت الشعب اللي مايعرف الحرام إلا لي طب فيه

لاحول ولاقوة إلا بالله
 

My LoVe

عضو نشط
التسجيل
12 يوليو 2010
المشاركات
175
الإقامة
K.U.W.A.I.T
والله انتو اتضحكون لووووووووووووووول هذا الكويتي اذا ماعجبه الشي قال ربا ونصابين ومادري شنو

بالبدايه اخوي انت رايحلهم وانت وقعت على العقد بينك وبين البنك ولازم تحترم العقد شنو أخذ 29 الف وتبي الفايده جم يعني 200 فلس يعني اكيد فوق ال 6 الاف و اكثر بوايد
 

ME911

عضو نشط
التسجيل
6 سبتمبر 2006
المشاركات
388
هذا راي الشخصي والله اعلم..
قول حق البنك سو اللي تقدر علية .. بتروح تشتكي وترفع قضية روح وباب المحاكم مفتوح ... واذا رفع قضية .. قول حق القاضي ما عندي وضيفة وعايش على الشئون ( فرضا انت تاخذ من الشئون مساعد او معاش) واللي تامر ( طبعا القاضي ) فية انا حاضر ..
انا اعرف شخص كان البنك ياخذ اكثر من 70 % من راتبه .. وبعدين استقال وعاش على الشئون والبنك رفع قضية عليه .. وشرح الشخص الموضوع للقاضي ونزل قسطة الى 300 د.ك ( اقل من القسط القديم ) بس لانه عايش على الشؤن..ز
اتمنى اكون فدتك بشي..
وملاحظة اذا بترفع قضية ... لازم تتاكد من ان قيمة الارباح ( فوائد القرض ) اكثر من قيمة القرض و اذا تم استقطاع اكثر من 50 % من راتبك بعد عام 2008 ... اذا تتوفر احد الشروط توكل على الله وارفع قضية
والله اعلم
لاي استفسار على الخاص
 

مشعل المحامي

عضو نشط
التسجيل
3 أبريل 2010
المشاركات
366
الإقامة
بيت المشورة-ش البلاجات- مقابل شوبيز -مدني وتجاري
السلام عليكم

اخوي مالك الا ترفع قضية ندب خبير حسابي لبيان المبالغ التي تم دفعها وهل البنك ملتزم بتعليمات البنك المركزي بخصوص نسبة الفائده والخصم وغير ذلك هل تم الانفاق بينك وبين البنك على ان تخصم الفائده اولا ثم اصل الدين ؟
واذا كان المبلغ المتراكم عليه فائدة تاخير وفائده ايضا مركبه من عدمه . كل ذلك يبن في دعوى ندب خبير
 
أعلى