استشاره بخصوص القرض اللي ماخذه!! وشنو اسوي؟؟

[مهلب]

السلام عليكم لو سمحتو ابي استشاره من عند محامي او انسان فاهم بالقانون

((انا انسان اخذت قرض من بنك الكويت الوطني كان علي 5000دك وسكرت القرض وقالولي ليش؟ ماتاخذ قرض نعطيك 25,000 دك ومتى ماتبي سدده المهم

أقروني أو قصو علي !!! ماادري شنو لعب الشيطان براسي,, الله واعلم ...

أخذت القرض من سنة 2007 وانا اسدد ياخذون مني قسط كل شهر 275,757دك وراتبي 670دك فقلت ابي اجيك عالبنك فاتصلت بخدمه الهاتفيه:

فقلتلهم انا ابي استفسر عن القرض *قالولوي روح حق فرعك*

رحت حك فرعي فرع(( احمد الجابر )) قلتلهم قرضي مانزل شيء منه ثابت ليش؟ انا مسدد تقريبا 8000 دك وينهم ؟؟

يقولي اللي انت تدفعهم هذيل الفوايد قلتله لي الحين قرضي 23,000 الف دك ماتغير شيء,,

يقولي فوايد اوكي* عطني كشف بالفوايد*

الموظف يقولي لاوالله مااقدر اعطيك لا وكأنا حلاله وده يتناجر معاي ليش؟ قالي مااقدراعطيك كشف الفوايد ! !!

اوكي عطني العقد اللي بيني وبين البنك !!! اوكي تعال بعد شهر واحنا نعطيك ياه ؟؟

المهم قريت العقد في بند يقول ان البنك اعطانى القرض بناء على طلبي لترميم منزل ؟؟؟ بس انا ماعندي منزل فالبنك ليش كاتب جذي؟؟

فأقدر اشتكي على البنك ؟ وأقدر اخذ منه تعويض ؟ وأقدر اخذ منه كشف الفوايد ؟ وشنو الحل اللي اقدر اسويه ومن صالحي .

وجزاكم الله الف خير وعسى الله يجعله من ميزان حسناتكم ,,,

 

[مهلب]

كل نصيحه بحسنه وجزاكم الله الف خير

للرفع للرفع

 

[ابو عبدالله333]

يا شباب ابتعدوا عن القروض الربويه نصيه لوجه الله "ماتضيق الا تنفرج " وما تركة شي لله الا عوضك الله بخير منه

ارفع دعوه على البنك بسبب زيادة الفائده

 

[ويلاني]

فأقدر اشتكي على البنك ؟ وأقدر اخذ منه تعويض ؟ وأقدر اخذ منه كشف الفوايد ؟ وشنو الحل اللي اقدر اسويه ..


اللي تقدر تسويه هو رفع صحيفة دعوى وعلى أثرها سيقوم القاضي بندب خبير حسابي لبحث طلباتك وتصفية الحساب..

وهنا يلزم البنك بتقديم كشف حساب عام وكشف حساب اخر خاص بالفوائد..

 

[مهلب]

يعطيك العافيه اخيي بوعبالله الواحد شيسوي ياالله كل اطراق بتعلومه اكلنا طراقات موطراق واحد !! الحين مشكله ابي اطلع من بنكي بروح بيت التمويل يقولولي روح سكر القرض اللي عليك المفروض بنك بيت التمويل الكويتي يسكر قروض الناس ويقلل الفوايد والله الواحد حتى زواج موعارف يتزوج بس نقول الحمدالله احسن من غيرنا الله لايغير غلينا انشاالله
واخوي ويلاني شاكرلك وعسى الله يجعله من ميزان حسناتكم يارب

الحين ابي كل مااروح ابي ارفع قضية المحامي يقولي عطني مقدم انزين مافي محامي شاطر وزين يعني !!! ياخذ بس عند اذا كسب القضية يعني يقولي اذا نجحنا بالقضية انا باخذ منك مبلغ ....معين ؟ يعني يساعدني لان انا الصراحه ماعندي كاش ادفع شسوي ؟؟؟؟عفوا مااقصد شيء بس ان انا بعدين بدفع اذا انجحت القضية بدفع وشكراااا

 

[الموحد1]

هذي الفكره مو مني واحد معانا بالمنتدى اظن اسمه اكسبلورر يقول

1- تسلف من اقاربك وكيش المبلغ الربوي وروح بيت التمويل واخذ تورق وسدد لأقاربك

2- خل واحد من اقاربك زوجتك ابوك امك اخوك ولد عمك ياخذ تورق بقيمة قرضك وسكره واذا رحت

لبيت التمويل حوّل الديونيه عليك

اخوي رب العالمين يقول يمحق الله الربا مافيه بعد هالكلام كلام تصدق ربك او تصدق البنوك الربويه؟

الله يوفقك ويعينك

 

[فريح الكوح]

لازم تراجع محامي تآخذ منه استشاره بعد ما تعرض عليه اوراقك .

 

[q8w]

مساء الخير للجميع اخوي مهلب عسى الله يفك عوقك من هالقرض المهم في محامين ممتازين كذلك متخصصين في مشاكل البنوك في المحامي نواف الفزيع 22622223 اهو مسوي حمله لاهل القروض قبل سنتين مادري لحد الحين دق عليهم واستفسر وبالتوفيق يالغالي

 

[مهلب]

يعطيكم العافيه على مرووركم كل الموجودين واللي يطالعون المقاله وابي اعرف اكثر اي في محامي يعني عند كسب القضيه ياخذ المبلغ

واخوي كيو ات دبليو يعطيك العافيه اتصل على رقم المحامي محد يشيله واشكركم ارجو الافادة وللتوضيح اكثر اللي يعرف وشكراااااا

 

[talal6863]

السلام عليكم

والله اخوي ماادري بس في اعتقد محامين يعني يساعدونك ياخذون اذا اكسبو القضيه وماادري يعني 1% او شيء

يعني يفيدونك وايد ويساعدونك والله ابتلشنى بالقروووض هذي ماادري شنو صار فينى من 2006

والله لو يطيحونها ويفكون منها بعد توبه نهائي ناخذ قرض ,, والله ابتلشنى يعني لي متى اوصلت فينا ان احنا ناخذ قرروووض

والمراقبة اللي بالبنك المركز اهي الغلطانه والله لو في ناس اقوياء والله يوقفونهم عند حدهم ,,

بس للاسف هذي الدنيا اذا الحكومه ماتخاف على شعبها الشعب شنو يسوس يعني قول5% من

الشعب مايفهم اوكي انتو عندكم يالحكومه صيرو اشطر انتو مزودين يعني مستشارين ومحامين

وناس فاهمين بالقانون وينهم ليش؟ من اول مااقالولكم ان الشعب اذا اخذ قرووض ان راح يصير بالشعب

كذا وكذا
بس للاسف مانقول لاحول ولا قوة الا باالله يعني الصراحه صكت فينا الدنيا نهائي

ادري واحد يطالع وبيجوف الكتابه وبيقول انت الغلطان ؟ او محد طقق على ايدك اوقالك اخذ ؟ او انك مجبور تاخذ؟

يااخوان التاجر غير عن الي حالته وسط اللي تاجر يروح وين مايبي يعطونه سيوله وعنده مدخول ومهامه الدنيا يقدر ياخذله ولا يه ويقعد فيها وين مايبي مدخوله ماشي ّ!!!

بس اللي على الله وعلى المعاش شنو يسوي ؟ واللي عنده ظروف مايعلم فيها الا الله سبحانه شنو يسوي؟

واللي يلعب فيه الشيطان شيسوي ؟؟ واللي يودي اهله او اخوه علاج شنو يسوي ؟؟

ياجماعه مايصير احنا نحسد بعض ؟؟ بالعكس ان جفنا التاجر ؟ انقول الله يرزقه !!

وان جفنا اللي مقتدر نقول الله يرزقه !!

وان طيحو القروض ان انقول الله يرزقهم !!

والله اذا طاحو القروووض راح اتجوفون البلد موطبيعيه الاقتصاد راح ينتعش والبورصه راح تولع والناس حالتهم النفسيه راح تستقر ؟

والطب النفسي ولا واحد يروووحله

والمستشفيات السكر والظغط راح يسكرووون !!!!
فأسأل الله ان يطيحون القروض ويرفهون عنا الرفاهيه يااااااااااااااااااااارب

 

[qanon]

نصيحتى لك يا الغالى انك تروح تشتكى على البنك عند البنك المركزي

 

[مهلب]

بعطيكم العافيه ياشباب اشلون اشتكي على المركزي والله انا لا ني راعي قضايا ولااحب القضايا بس شنسوي الله كريم

 

[مهلب]

للرفع للرفع

 

[مهلب]

للرفع للرفع

 

[مهلب]

للرفع للرفع

 

[مشعل المحامي]

اخي الكريم

ترفع قضيه على البنك وتختصم البنك المركزي وتسمى الدعوى ندب خبير
ممكن تطول لكن باذن الله تاخذ الحكم اللي يعجبك .

 

[مهلب]

يعطيك العافيه استاذ مشعل عالنصيحه وانا ناطر ردك عالخاص وشكراااا

 

[مهلب]

للرفع للرفع

 

[مهلب]

...........

 

[Winchester SX3]

مساء الخير

بشرحلك شرح مبسط بكيفيه سداد الاقساط

انا كنت موظف بنك سابقا وعندي خبره بهالموضوع

بتكلم بأرقام بسيطه عشان توصل الفكره أسرع

مثال:
قرض 50,000
القسط 250 دك
الفتره 15 سنه
الفائدة 50,000
حلو؟

نصف المدة الاولى يكون الجزء الكبر من القسط يسدد للفائدة
250 = 220 ترحل للفائدة و 30 تدفع للقرض
والعميل يدفع ويطحن واغلب دفعاته للنص الأول تدفع للفائدة
بعد مرور 8 سنوات لو سأل عن المديونيه ستكون تقريبا 30 ألف
وهي اساسا 50 الف !!
شي طبيعي راح يعصب ويقول انا دفعت 40 ألف خلال 8 سنوات شلون بس نزل 20؟؟؟؟
هني الغمنده
شلون البنك يمصّك مص بالفوائد؟
البنك بالنهاية ما يهمه الا انه يضمن الفوائد والقرض
لو جيت بعد 8 سنوات تبي تدفع راح تدفع 30 + الــ 40 اللي دفعتهم يعني 70 والفرق 20 وهي ربحية البنك

ناهيك عن الفائدة اللتي كانت 7.25% ثم ارتفعت الى 10.25% والآن نزلت وتغيرت القوانين والانظمه


عرفت شلون؟
بالنهايو لو كملت الــ 15 سنة راح تلاقي انك دفعت 100,000 وهي القرض والفائدة
المشاكل الحاصلة الان هي التي تاثرت بصعود الفائدة
من هم اخذوا قروضهم والفائدة 7.25% وارتفعت الى 10.25% وزادت أقساطهم ودفعوا أكثر من المبلغ الذي كانوا يتخيلونه

صحيح من حقهم يعصبون ويمكن انت منهم
لكن كل قرض له عقد يبين فيه حقوق البنك وحقوقك
أغلب من كانوا يتألمون هم من زادت عليهم الاقساط والفوائد لأن قروضهم تتبع الفائدة فكلما ارتفعت ارتفع القسط وزادت الفائدة والمواطن يأن منها

بعدها تغير القانون باوامر البنك المركزي واصبحت الضوابط أشد

اعتقد إني وصلت لك الصورة كامله
وسامحني على القصور
واذا بغيت استفسارات زيادة ماعندي مانع اجاوبك عليها بالعام عشان انت ةغيرك يستفيدون
بس بلغني عالخاص لو تكرمت لأني ما اتابع القسم القانوني


شكرا