مو بس النفط حتى وزارة الدفاع مناشبه المواطنين على الأراضي السكنية ..................

[بومحمـد]

بين مدينة سعد العبدالله و النسيم فيه لواء عسكري تابع القوة البرية , طل من دريشتك تشوف أبراج الحراسه
بجنبها قاعده أيضا وهي المجمع الطبي العسكري
و هم فيه أرض كبيره بين المجمع الطبي العسكري و قطعه 8 سعد العبدالله حاطين عليها علامة حمرا ( ملك وزارة الدفاع )

من قال أن هذة ملك وزارة الدفاع
أصلا الكويت كلها ملك لوزارة الدفاع علشان تحميها
صح ولا لأ
بس المفروض خارج المناطق السكنية
​

 

[مواطن بدون سكن]

غرب صباح السالم إلى أن توصل صبحان على امتداد طريق الملك فهد توجد مناطق عسكرية لو لم توضع لكانت تغطي ما لا يقل عن 30 ألف وحده سكنية ، لكن ما كان فيه رؤية استراتيجية​

 

[zidantheking]

نسيت معسكر g1 ?

و بعد بناء الجامعة الجديدة

اقترح انها تتثمن و يوسوون مزاد على الاراضي

 

[اساهيم]

مشكلة الاخوان الباحثين عن السكن ,,انهم يبون كل شى سكن حتى لو شالوا البحر حط لى سكن مكانه ..

السكن متوفر بكل مكان بس مشكلة الشباب الكويتى الدلع ,,يبى سكن قريب ما يبى بعيد ..

النفط تبونهم يشيلون بايباتهم والدفاع يشيلون معسكرهم ..

والله صرنا مثل مصر كل شى سكن بسكن ..

هذى منشآة حكوميه يعنى يشيلونها علشان يحطون بيوت مكانها ..

 

[كويتي2]

الشباب اللي يبي المناطق القريبة نوعين :

1- نوع يكون سكان مرته عشان قريب عن اهلها .
2- نوع يكون فافي ويحب يكون قريب يم بيت اهله .

ما يدرون ان دوام الحال من المحال ... متى يعتدمون على نفسهم ؟؟

 

[مواطن بدون سكن]

الشباب اللي يبي المناطق القريبة نوعين :

1- نوع يكون سكان مرته عشان قريب عن اهلها .
2- نوع يكون فافي ويحب يكون قريب يم بيت اهله .

ما يدرون ان دوام الحال من المحال ... متى يعتدمون على نفسهم ؟؟

الكل يتمنى القرب من أهله وأرحامه ويريد لم الشمل وهذا لا يختلف عليه اثنان ولا ينتطح فيه عنزان .. بعد المسافات يترتب عليه بعد اللقاء لوجود المشقة وهذا لا نحبذه ابدا بل نريد ان نكون متواصلين مع أهالينا فأرجوا أن لا يعاب هذا علينا بل هو شيء مطلوب ومرغوب ..​

​

 

[مهم للغاية]

الشباب اللي يبي المناطق القريبة نوعين :

1- نوع يكون سكان مرته عشان قريب عن اهلها .
2- نوع يكون فافي ويحب يكون قريب يم بيت اهله .

ما يدرون ان دوام الحال من المحال ... متى يعتدمون على نفسهم ؟؟

انا ما ادري شتقصد بكلمة (فافي) وذلك اتوقع انت اكيد مو رقم واحد ولا رقم اثنين

عشان جذي نطالبك تاخذ لك أرض بالسالمي واعتمد على نفسك..... وخلنا نشوف .... هيهيهيههي صدقني اذا خذيت بيت بالجهرة وداومت بالشعيبة كل يوم من 7 الصبح لي الساعة 3 العصر راح تتمنى انك مولود سنة 1940

خلها على الله ولا تحكم على الناس قبل لا تعرف ظروفهم*

 

[مو طبيعي]

شر البلية ما يضحك

 

[كويتي2]

ليش يبه انا داومت بالحدود فترة كنت اروح وارد عادي وبيتنا بالمنطقة الرابعة والوضع طبيعي جدا والحمدالله في سيارة عندي توديني وتجيبني بكيفي من غير تعب ولا مشقة ( سبحان الذي سخر لنا هذا وما كنا له مقرنين وانا الى ربنا لمنقلبون ) .

وبعدين شسالفة كلها دولة الكويت مو مسافر ؟؟ ولا طاق درب 4 ساعات ولا يوم نفس الدول المجاورة !!
اذا ما عندكم سيارات عاد هذه مشكلتكم .

بس تحبون الدلع ... ويا دلع يا دلع دللللللع .

 

[بومحمـد]

سلاما سلاما

 

[zidantheking]

مشكلة الاخوان الباحثين عن السكن ,,انهم يبون كل شى سكن حتى لو شالوا البحر حط لى سكن مكانه ..

السكن متوفر بكل مكان بس مشكلة الشباب الكويتى الدلع ,,يبى سكن قريب ما يبى بعيد ..

النفط تبونهم يشيلون بايباتهم والدفاع يشيلون معسكرهم ..

والله صرنا مثل مصر كل شى سكن بسكن ..

هذى منشآة حكوميه يعنى يشيلونها علشان يحطون بيوت مكانها ..

انزين اقترح يكبرون الدائري الرابع و سوون مصافط سنعة لجامعة الكويت و المعسكرات علشان على الاقل نقدر نمشي بلشارع

 

[bu-abdullaziz]

مستقبلا راح يتم اخلائهم ورح تشوف مكانهم يا خدمات او مناطق سكنية بس علي المدي المتوسط
خصوصا غرب صباح السالم والقرين قبل فتره صار عليها كلام وان وزارة الدفاع راح تتعاون في اخلائها ونقلها الي اي مكان خارج المناطق السكنية..